ಬೆಂಗಳೂರು: ಈ ವಾರ ಚಿತ್ರಮಂದಿರದಲ್ಲಿ ಯಶಸ್ವಿ ಪ್ರದರ್ಶನ (OTT Release This Week ) ಕಂಡ ಹಲವು ಸಿನಿಮಾಗಳು ಒಟಿಟಿಗೆ ಲಗ್ಗೆ ಇಟ್ಟಿವೆ. ಸಿನಿಮಾಗಳ ಜತೆ ವೆಬ್‌ ಸಿರೀಸ್‌ಗಳು ಬಿಡುಗಡೆಯಾಗುತ್ತಿವೆ. ಮೆಗಾಸ್ಟಾರ್ ಚಿರಂಜೀವಿ ನಟನೆಯ ʻಗಾಡ್‌ ಫಾದರ್‌ʼ ಸಿನಿಮಾ ನೆಟ್‌ಫ್ಲಿಕ್ಸ್‌ನಲ್ಲಿ ನವೆಂಬರ್‌ 18ರಂದು ಬಿಡುಗಡೆಯಾಗುತ್ತಿದೆ. ಈ ಸಿನಿಮಾ ಮಲಯಾಳಂನಲ್ಲಿ ಸೂಪರ್ ಹಿಟ್ ಆದ ಲೂಸಿಫರ್ ಸಿನಿಮಾದ ರಿಮೇಕ್ ಆಗಿದೆ.
ಮಲಯಾಳಂನಲ್ಲಿ ಮೋಹನ್ ಲಾಲ್ ಮಾಡಿದ್ದ ಪಾತ್ರವನ್ನು ತೆಲುಗಿನಲ್ಲಿ ಮೆಗಾಸ್ಟಾರ್ ನಿಭಾಯಿಸಿದ್ದಾರೆ. ಸಿನಿಮಾದಲ್ಲಿ ಸಲ್ಮಾನ್‌ ಖಾನ್‌ ಕೂಡ ನಟಿಸಿದ್ದಾರೆ. ಈ ಚಿತ್ರ ಮೋಹನ್ ರಾಜಾ ನಿರ್ದೇಶನದಲ್ಲಿ ಮೂಡಿ ಬಂದಿದೆ. ನೀರವ್‌ ಶಾ ಛಾಯಾಗ್ರಹಣವಿದ್ದು, ಥಮನ್‌ ಸಂಗೀತ ನಿರ್ದೇಶನವಿದೆ. ತೆಲುಗಿನಲ್ಲಿ ಮತ್ತೊಂದು ಸಿನಿಮಾ ʻಐರಾವತಂʼ ಸಿನಿಮಾ ಡಿಸ್ನಿ ಹಾಟ್‌ ಸ್ಟಾರ್‌ನಲ್ಲಿ ನವೆಂಬರ್‌ 17ರಂದು ಬಿಡುಗಡೆಯಾಗಿದೆ.
ಇದನ್ನೂ ಓದಿ | Kannada Movie | ಮಾನ್ಸೂನ್‌ ರಾಗ, ಗುರು ಶಿಷ್ಯರು, ತೋತಾಪುರಿ ಒಟಿಟಿ ರಿಲೀಸ್‌ ಡೇಟ್‌ ಫಿಕ್ಸ್
ಕಾರ್ತಿ ಅಭಿನಯದ ಸರ್ದಾರ್‌!
ಕಾಲಿವುಡ್‌ನಲ್ಲಿ ಕಾರ್ತಿ ಅಭಿನಯದ ʻಸರ್ದಾರ್‌ʼ ಸಿನಿಮಾ ಒಟಿಟಿಯಲ್ಲಿ ಬರುತ್ತಿದೆ. ಆಹಾ ಒಟಿಟಿಯಲ್ಲಿ ನವೆಂಬರ್‌ 18ರಂದು ʻಸರ್ದಾರ್‌ʼ ಸಿನಿಮಾ ತೆಲುಗು ಮತ್ತು ತಮಿಳಿನಲ್ಲಿ ಬಂದಿದೆ. ಕಾರ್ತಿ ಅಭಿನಯದ ʻಸರ್ದಾರ್‌ʼ ಚಿತ್ರದಲ್ಲಿ ನಟ ದ್ವಿಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಸ್ಪೈ ಏಜೆಂಟ್‌ ಹಾಗೂ ಪೊಲೀಸ್‌ ಪಾತ್ರದಲ್ಲಿ ಕಾರ್ತಿ ನಟನೆ ಮಾಡಿದ್ದು, ಪಿ.ಎಸ್‌ ಮಿತ್ರನ್‌ ಈ ಚಿತ್ರಕ್ಕೆ ಆ್ಯಕ್ಷನ್‌ ಕಟ್‌ ಹೇಳಿದ್ದಾರೆ. ಈ ಚಿತ್ರದಲ್ಲಿ ವಾಟರ್‌ ಮಾಫಿಯಾ, ಹೀಗೆ ಹಲವು ಸಂದೇಶಗಳನ್ನು ಒಳಗೊಂಡಿದೆ.
ಮಹಿಳಾ ಪ್ರಧಾನ ಸಿನಿಮಾ!
ʻಅನಲ್‌ ಮೇಲೆ ಪಣಿ ತಳಿʼಎನ್ನುವ ಮತ್ತೊಂದು ತಮಿಳು ಸಿನಿಮಾ ನೇರವಾಗಿ ಒಟಿಟಿಯಲ್ಲಿ ಸ್ಟ್ರೀಮ್‌ ಆಗಿದೆ. ಮಹಿಳಾ ಪ್ರಧಾನ ಸಿನಿಮಾ ಇದಾಗಿದ್ದು ಸೋನಿ ಲಿವ್‌ನಲ್ಲಿ ನವೆಂಬರ್‌ 17ರಂದು ಸ್ಟ್ರೀಮ್‌ ಆಗಿದೆ. ಹಿಂದಿಯಲ್ಲಿ ʻಧಾರಾವಿ ಬ್ಯಾಂಕ್‌ʼ ವೆಬ್‌ ಸಿರೀಸ್‌ ಮ್ಯಾಕ್ಸ್‌ ಪ್ಲೇಯರ್‌ನಲ್ಲಿ ಈಗಾಗಲೇ ಬಿಡುಗಡೆಗೊಂಡಿದೆ. ಸುನಿಲ್‌ ಶೆಟ್ಟಿ ಡಾನ್‌ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ʻಸೀತಾ ರಾಮಂ ́ ಚಿತ್ರ ತೆಲುಗು, ತಮಿಳು ಮತ್ತು ಮಲಯಾಳಂ ಭಾಷೆಗಳಲ್ಲಿ ಅಮೆಜಾನ್‌ ಪ್ರೈಂನಲ್ಲಿ ಈ ಹಿಂದೆ ಬಿಡುಗಡೆಯಾಗಿತ್ತು. ಇದೀಗ ಡಿಸ್ನಿ ಹಾಟ್‌ ಸ್ಟಾರ್‌ನಲ್ಲಿ ಬಿಡುಗಡೆ ಕಂಡಿದೆ.
ಇದನ್ನೂ ಓದಿ | Rashmika Mandanna | ರಶ್ಮಿಕಾ ಮಂದಣ್ಣ ನಟನೆಯ 2ನೇ ಹಿಂದಿ ಚಿತ್ರ ನೇರವಾಗಿ ಒಟಿಟಿಗೆ? ನಟಿ ಟ್ರೋಲ್‌ ಆಗಿದ್ಯಾಕೆ?