ಬೆಂಗಳೂರು: ಬಾಲಿವುಡ್‌ ನಟ ಶಾರುಖ್ ಖಾನ್ ಅಭಿನಯದ `ಪಠಾಣ್’ ಸಿನಿಮಾ (Pathaan Movie) 50 ದಿನಗಳನ್ನು ಪೂರೈಸಿದೆ. 50 ದಿನ ಪೂರೈಸಿದರೂ ಚಿತ್ರಮಂದರಗಳಲ್ಲಿ 20 ದೇಶಗಳಲ್ಲಿ ಸಿನಿಮಾ ಪ್ರದರ್ಶನ ಕಾಣುತ್ತಿದೆ. ಪಠಾಣ್ ಈಗಾಗಲೇ ಅತಿ ಹೆಚ್ಚು ಗಳಿಕೆ ಮಾಡಿದ ಹಿಂದಿ ಚಿತ್ರವಾಗಿದೆ. ಬಾಹುಬಲಿ ಸಿನಿಮಾ ಕಲೆಕ್ಷನ್‌ ಮೀರಿಸುವಲ್ಲಿ ಜಯ ಗಳಿಸಿದೆ.
ಸಿನಿಮಾ ವಿಶ್ಲೇಷಕ ತರಣ್‌ ಟ್ವೀಟ್‌ ಮಾಡಿದ್ದು ʻʻಪಠಾಣ್’ 50 ದಿನಗಳನ್ನು ಪೂರೈಸಿದೆ. ಇನ್ನೂ 20 ದೇಶಗಳಲ್ಲಿ ಸ್ಕ್ರೀನ್‌ ಆಗುತ್ತಿದೆ. ಭಾರತದಲ್ಲಿ 800 ಚಿತ್ರಮಂದಿರಗಳಲ್ಲಿ ಮತ್ತು ಅಂತಾರಾಷ್ಟ್ರೀಯ ಮಾರುಕಟ್ಟೆಯಾದ್ಯಂತ 135 ಚಿತ್ರಮಂದಿರಗಳಲ್ಲಿ ಪ್ರದರ್ಶನಗೊಳ್ಳುತ್ತಿದೆʼʼಎಂದು ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ: Pathaan Movie: 1000 ಕೋಟಿ ರೂ. ಗಳಿಸಿದ ಶಾರುಖ್ ಖಾನ್ ನಟನೆಯ ಪಠಾಣ್ ಸಿನಿಮಾ!
ಪಠಾಣ್ ಚಿತ್ರತಂಡ ಅಧಿಕೃತ ಮಾಹಿತಿ ಹಂಚಿಕೊಂಡಿದೆ.
ಯಶ್‌ ರಾಜ್‌ ಫಿಲ್ಮ್ಸ್‌ ಸ್ಪೈ ಯೂನಿವರ್ಸ್‌ನ ಅತಿ ಹೆಚ್ಚು ಗಳಿಕೆ ಮಾಡಿದ ಚಲನಚಿತ್ರವಾಗಿ ಹೊರಹೊಮ್ಮಿದೆ. ಸಿದ್ಧಾರ್ಥ್ ಆನಂದ್ ನಿರ್ದೇಶನದ ಪಠಾಣ್ ಚಿತ್ರದಲ್ಲಿ ಶಾರುಖ್ ಖಾನ್ ರಾ ಏಜೆಂಟ್ ಆಗಿ ನಟಿಸಿದ್ದಾರೆ.