ಮುಂಬಯಿ: ಸೆಲೆಬ್ರಿಟಿ ದಂಪತಿ ಪ್ರಿಯಾಂಕಾ ಚೋಪ್ರಾ (Priyanka chopra) ಮತ್ತು ನಿಕ್ ಜೋನಾಸ್ ಸದ್ಯ ಕೆಲಸದಿಂದ ಬಿಡುವು ಪಡೆದುಕೊಂಡಿದ್ದು ಬೀಚ್ ವಿಹಾರದಲ್ಲಿದ್ದಾರೆ. ಬ್ರಿಟನ್‌ಗೆ ಸೇರಿದ ಟರ್ಕ್ಸ್ ಹಾಗೂ ಕೈಕೋಸ್ ದ್ವೀಪಗಳಲ್ಲಿ ಈ ತಾರಾ ಜೋಡಿ ವಿಹರಿಸುತ್ತಿದ್ದು, ವಿಹಾರ ನೌಕೆ ಮತ್ತು ಕಡಲತೀರದಲ್ಲಿ ಈಜುಡುಗೆಗಳಲ್ಲಿ ತೊಟ್ಟು ವಿರಾಮದ ಸಮಯವನ್ನು ಆನಂದಿಸುತ್ತಿದ್ದಾರೆ.
ತಮ್ಮ ಪತಿಯೊಂದಿಗಿನ ಹಾಟ್‌ ಪೋಟೊಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ ನಟಿ ಪ್ರಿಯಾಂಕಾ. 79.9 ಮಿಲಿಯನ್ ಅನುಯಾಯಿಗಳಿರುವ ತಮ್ಮ ಇನ್‌ಸ್ಟಾಗ್ರಾಮ್‌ ಖಾತೆಯಲ್ಲಿ ಈ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ
ನಿಕ್ ಜೋನಾಸ್‌ಗೆ ಪ್ರಿಯಾಂಕಾ ಮುತ್ತಿಕ್ಕುವುದೂ ಸೇರಿದಂತೆ ಸಮುದ್ರ ತೀರದಲ್ಲಿನ ಇಬ್ಬರ ರೊಮ್ಯಾಂಟಿಕ್ ಕ್ಷಣಗಳನ್ನು ಹಂಚಿಕೊಂಡಿದ್ದಾರೆ. ಪತಿಯೊಂದಿಗಿನ ಸುಂದರ ಪೋಟೊಗಳಿಗೆ ಸಕತ್‌ ಆಗಿ ಪೋಸ್‌ ಕೊಟ್ಟು ತನ್ನನ್ನು ತಾನು “ದ್ವೀಪ ಹುಡುಗಿ” (Island girl) ಅಂತ ಟ್ಯಾಗ್‌ನಲ್ಲಿ ಹೇಳಿದ್ದಾರೆ. ನಟಿ ಪ್ರಿಯಾಂಕಾ ಹಾಗೂ ನಿಕ್ ಜೋನಾಸ್ ಪೋಟೊಗಳಿಗೆ ಇವರಿಬ್ಬರ ಅಭಿಮಾನಿಗಳು ಸೂಪರ್‌, ಸೂಪರ್‌ ಜೋಡಿ, ಎಂಜಾಯ್‌, ಮೈ ಪೇವರಿಟ್‌, ಅಡೋರೆಬಲ್‌ ಎಂದೆಲ್ಲ ಕಮೆಂಟ್‌ ಮಾಡಿದ್ದಾರೆ.
ಇದನ್ನೂ ಓದಿ: 18 ವರ್ಷವಿದ್ದಾಗ ಹೇಗಿದ್ದರು ಪಿಗ್ಗಿ? Memories ಶೇರ್‌ ಮಾಡಿಕೊಂಡ ಪ್ರಿಯಾಂಕ ಚೋಪ್ರಾ