ಬೆಂಗಳೂರು: ಸ್ಯಾಂಡಲ್‌ವುಡ್‌ ಸೆಲೆಬ್ರಿಟಿಗಳು ಮನೆಯಲ್ಲಿ ನಡೆಯುತ್ತಿರುವ ಕ್ರಿಸ್ಮಸ್ ಸಂಭ್ರಮವನ್ನು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡು ಸಂತಸಪಡುತ್ತಿದ್ದಾರೆ. ಇದೀಗ ರಾಕಿಂಗ್ ಸ್ಟಾರ್ ಮನೆಯಲ್ಲಿ ಐರಾ ಮತ್ತು ಯಥರ್ವ್‌ ಕುಕ್ಕೀಸ್ ತಯಾರಿಸುವ ಫೋಟೊವನ್ನು ರಾಧಿಕಾ ಪಂಡಿತ್‌ (Radhika Pandit) ಶೇರ್‌ ಮಾಡಿಕೊಂಡಿದ್ದಾರೆ.
ಐರಾ ಮತ್ತು ಯಥರ್ವ್‌ ಕುರಿತು ಆಗಾಗ ಸೋಷಿಯಲ್ ಮೀಡಿಯಾದಲ್ಲಿ ಪೋಸ್ಟ್‌ ಹಂಚಿಕೊಳ್ಳುತ್ತಿರುತ್ತಾರೆ ರಾಧಿಕಾ ಪಂಡಿತ್‌. ಕ್ರಿಸ್ಮಸ್ ಟ್ರೀ, ಸಾಕ್ಸ್‌ ಮತ್ತು ಸ್ನೋ ಆಕಾರದ ಕುಕ್ಕೀಸ್‌ಗಳನ್ನು ಮಾಡಿಸುತ್ತಿರುವ ಫೋಟೊ ಹಂಚಿಕೊಂಡಿದ್ದಾರೆ. ಐರಾ ಕುಕ್ಕೀಸ್‌ಗೆ ಬಣ್ಣ ಹಚ್ಚುತ್ತಿದ್ದರೆ ಯಥರ್ವ್‌ ಕುಕ್ಕೀಸ್‌ಗಳನ್ನು ಅದರ ಶೇಪ್‌ನಲ್ಲಿ ಕಟ್ ಮಾಡುತ್ತಿದ್ದಾನೆ. ಇಬ್ಬರೂ ಒಟ್ಟಿಗೆ ಕ್ರಿಸ್ಮಸ್ ಎಂಜಾಯ್ ಮಾಡುತ್ತಿದ್ದಾರೆ.
ಇದನ್ನೂ ಓದಿ | Radhika Pandit | ʻʻಬಂಕ್‌ ಮಾಡಿದರೂ ನನ್ನ ಅಪ್ಪನೇ ನನಗೆ ಸಾರಥಿʼʼ: ರಾಧಿಕಾ ಪಂಡಿತ್‌ ಪೋಸ್ಟ್‌ ವೈರಲ್‌!
ಪ್ರತಿ ಹಬ್ಬಕ್ಕೂ ರಾಕಿಂಗ್ ಮನೆಯಲ್ಲಿ ಹೆಚ್ಚಿನ ಪ್ರಾಮುಖ್ಯತೆ ನೀಡಲಾಗುತ್ತದೆ. ಸೋಷಿಯಲ್ ಮೀಡಿಯಾದಲ್ಲಿ ಪ್ರತಿ ಹಬ್ಬವನ್ನು ಅದ್ಧೂರಿಯಾಗಿ ಆಚರಿಸುವುದರ ಫೋಟೊ ಹಂಚಿಕೊಳ್ಳುತ್ತಾರೆ. ಈ ಹಿಂದೆಯಷ್ಟೇ ನಟಿ ರಾಧಿಕಾ ಪಂಡಿತ್‌ ತಮ್ಮ ತಂದೆಯ ಜತೆ ಇರುವ ಫೋಟೊವನ್ನು ಹಂಚಿಕೊಂಡಿದ್ದರು. ಮಕ್ಕಳು ಅಜ್ಜನ ಸ್ಕೂಟರ್‌ ಅನ್ನು ಹತ್ತಿದ್ದರು. ಅವರ ಜತೆ ರಾಧಿಕಾ ಕೂಡ ಸಾಥ್ ನೀಡಿದ್ದರು.
ಇದನ್ನೂ ಓದಿ | Yash-Radhika Pandit | ರಾಕಿಂಗ್ ಸ್ಟಾರ್ ಮನೆಯಲ್ಲಿ ದೀಪಾವಳಿ ಸಡಗರ; ಮಕ್ಕಳೊಂದಿಗೆ ನಕ್ಷತ್ರ ಕಡ್ಡಿ ಹಚ್ಚಿದ ಯಶ್-ರಾಧಿಕಾ