ಬೆಂಗಳೂರು: ಡ್ರೀಮ್ ವಾರಿಯರ್ ಪಿಕ್ಚರ್ಸ್‌ ಎರಡನೇ ತೆಲುಗು ಚಿತ್ರ ʻರೈನ್ಬೋʼ ಶೀರ್ಷಿಕೆಯ ನಾಯಕಿಯಾಗಿ ರಶ್ಮಿಕಾ ಮಂದಣ್ಣ (Rashmika Mandanna) ಆಯ್ಕೆಯಾಗಿದ್ದಾರೆ. ಶಾಂತರೂಬನ್ ಈ ಚಿತ್ರವನ್ನು ನಿರ್ದೇಶಿಸಲಿದ್ದಾರೆ. ಈ ಚಿತ್ರ ,ಮಹಿಳಾ ಪ್ರಧಾನ ಸಿನಿಮಾವಾಗಿದ್ದು, ರೊಮ್ಯಾಂಟಿಕ್ ಫ್ಯಾಂಟಸಿ ಸಿನಿಮಾ ಎಂದು ಚಿತ್ರತಂಡ ಹೇಳಿಕೊಂಡಿದೆ. ಎಂದು ನಟ ದೇವ್ ಮೋಹನ್ ಕೂಡ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಚಿತ್ರದ ಶೂಟಿಂಗ್ ಏಪ್ರಿಲ್ 7 ರಂದು ಪ್ರಾರಂಭವಾಗಲಿದ್ದು, ಜಸ್ಟಿನ್ ಪ್ರಭಾಕರನ್ ಸಂಗೀತ ನಿರ್ದೇಶಕರಾಗಿದ್ದಾರೆ. ರಶ್ಮಿಕಾಗೂ ಮೊದಲು ಸಮಂತಾ ಆಯ್ಕೆಯಾಗಿದ್ದರು. ಡ್ರೀಮ್ ವಾರಿಯರ್ ಪಿಕ್ಚರ್ಸ್‌2021ರಲ್ಲೇ ಈ ಸಿನಿಮಾ ಅನೌನ್ಸ್ ಮಾಡಿ ಸಮಂತಾ ನಾಯಕಿ ಎಂದು ಬಹಿರಂಗ ಪಡಿಸಿದ್ದರು. ಆದರೀಗ ರಶ್ಮಿಕಾ ನಾಯಕಿಯಾಗಿ ನಟಿಸುತ್ತಿದ್ದಾರೆ.
ಈ ಚಿತ್ರದ ಬಗ್ಗೆ ರಶ್ಮಿಕಾ ಮಂದಣ್ಣ ಮಾತನಾಡಿ ʻʻಮೊದಲ ಬಾರಿಗೆ ನಾನು ಮಹಿಳಾ ಪ್ರಧಾನ ಸಿನಿಮಾವನ್ನು ಮಾಡುತ್ತಿದ್ದೇನೆ. ಹುಡುಗಿಯ ದೃಷ್ಟಿಕೋನದಿಂದ ಕಥೆಯನ್ನು ಚಿತ್ರೀಕರಿಸಲಾಗಿದೆ. ʻರೈನ್ಬೋʼ . ನಿಮ್ಮನ್ನು ರಂಜಿಸುತ್ತದೆ.ಹುಡುಗಿಯೊಂದಿಗಿನ ಪ್ರೇಕ್ಷಕರ ಪ್ರಯಾಣವು ಕ್ರೇಜಿ ರೈಡ್ ಆಗಿರುತ್ತದೆ’ ಎಂದು ಹೇಳಿದ್ದಾರೆ.
ನಿರ್ದೇಶಕ ಶಾಂತರೂಬನ್ ಈ ಚಿತ್ರದ ಮೂಲಕ ತಮ್ಮ ಸಿನಿಮಾ ವೃತ್ತಿಜೀವನವನ್ನು ಆರಂಭಿಸಲಿದ್ದಾರೆ. “ಕಾಮನಬಿಲ್ಲು ತೆಲುಗು ಚಿತ್ರರಂಗದಲ್ಲಿ ಒಂದು ರೀತಿಯ ರೊಮ್ಯಾಂಟಿಕ್ ಫ್ಯಾಂಟಸಿ ಕಥೆಯಾಗಲಿದೆ. ರಶ್ಮಿಕಾ ಅವರ ಅತ್ಯಂತ ಪ್ರಬುದ್ಧ ಅಭಿನಯವನ್ನು ನೀವು ನೋಡುತ್ತೀರಿʼʼ ಹೇಳಿದರು.
ಇದನ್ನೂ ಓದಿ: Rashmika Mandanna: ರಶ್ಮಿಕಾ ಮಂದಣ್ಣ, ವಿಜಯ್ ದೇವರಕೊಂಡ ಬ್ರೇಕಪ್‌? ಮತ್ತೊಬ್ಬ ನಟನ ಜತೆ ನಟಿ ಡೇಟಿಂಗ್‌!
ಈ ಮೊದಲು ಆಯ್ಕೆಯಾಗಿದ್ದ ಸಮಂತಾ
ಕುತೂಹಲಕಾರಿಯಾಗಿ, ಈ ಚಿತ್ರಕ್ಕೆ ಮೊದಲು ಸಮಂತಾ ಸಹಿ ಹಾಕಿದ್ದಾರೆ. ಅಕ್ಟೋಬರ್ 2021ರಲ್ಲಿ ಸಮಂತಾ ಸಹಿ ಮಾಡಿರುವುದು ಸಂತೋಷವಾಗಿದೆ ಎಂದು ನಿರ್ದೇಶಕರು ಟ್ವೀಟ್ ಮಾಡಿದ್ದಾರೆ. ಡ್ರೀಮ್ ವಾರಿಯರ್ ಪಿಕ್ಚರ್ಸ್‌ನ ಎಸ್‌ಆರ್ ಪ್ರಭು ಅವರು “ನಮ್ಮ ಮುಂದಿನ ದ್ವಿಭಾಷಾ ಚಿತ್ರಕ್ಕಾಗಿ ಸಮಂತಾ ಪ್ರಭು. ಪ್ರೊಡಕ್ಷನ್‌ 30, ತಮಿಳು, ತೆಲುಗಿನಿಲ್ಲಿʼʼಎಂದು ಬರೆದುಕೊಂಡಿದ್ದರು.
ಸಮಂತಾ ಅವರು ತಮ್ಮ ಅನಾರೋಗ್ಯದ ಕಾರಣದಿಂದಾಗಿ, ಕೆಲವು ಪ್ರಾಜೆಕ್ಟ್‌ಗಳಿಂದ ಹೊರಗುಳಿದಿದ್ದರು. ಆದರೆ ಇದೀಗ ತಮ್ಮ ಹಲವು ಸಿನಿಮಾಗಳ ಕಮಿಟ್‌ಮೆಂಟ್‌ಗಳಿಗಾಗಿ ಈ ಸಿನಿಮಾದಿಂದ ಹೊರಗುಳಿದಿದ್ದಾರೆ ಎನ್ನಲಾಗಿದೆ. ತಮಿಳು ಹಾಗೂ ತೆಲುಗುವಿನಲ್ಲಿ ಸಿನಿಮಾ ಮೂಡಿ ಬರಲಿದೆ.