ಬೆಂಗಳೂರು: ಬಾಲಿವುಡ್‌ ಈ ವರ್ಷದ ಬಹು ನಿರೀಕ್ಷಿತ ಚಿತ್ರಗಳಲ್ಲಿ ರಣಬೀರ್ ಕಪೂರ್ (Ranbir Kapoor) ನಟನೆಯ ಅನಿಮಲ್‌ (Animal) ಕೂಡ ಒಂದು. ಇತ್ತೀಚೆಗೆ ಈ ಸಿನಿಮಾದ ಟೀಸರ್‌ ಬಿಡುಗಡೆಯಾಗಿ ಭಾರೀ ಸದ್ದು ಮಾಡಿತ್ತು. ಜತೆಗೆ ನಟಿ ರಶ್ಮಿಕಾ ಮಂದಣ್ಣ (Rashmika Mandanna) ಕ್ಯಾರಕ್ಟರ್‌ ಪೋಸ್ಟರ್‌ ಕೂಡ ರಿಲೀಸ್‌ ಆಗಿತ್ತು. ಇದಕ್ಕೆ ನಟಿಯ ಫ್ಯಾನ್ಸ್‌ ಫಿದಾ ಆಗಿದ್ದರು. ಇದೀಗ ಚಿತ್ರತಂಡ ʼಹುವಾ ಮೈನ್ʼ ಹಾಡನ್ನು (Animal song Hua Main) ರಿಲೀಸ್‌ ಮಾಡಿದೆ. ಈ ಹಾಡಿನಲ್ಲಿ ರಶ್ಮಿಕಾ-ರಣಬೀರ್ ಕಪೂರ್ ಲಿಪ್‌ ಲಾಕ್‌ ದೃಶ್ಯಗಳು ಹೆಚ್ಚಿವೆ. ಸಿನಿಮಾದಲ್ಲಿ ಪ್ರೈವೇಟ್ ಜೆಟ್, ಕುಟುಂಬಸ್ಥರ ಮುಂದೆ ಲಿಪ್‌ ಲಾಕ್‌ ಮಾಡಿರುವ ಸೀನ್‌ಗಳಿವೆ.
ರಶ್ಮಿಕಾ ಮಂದಣ್ಣ ಅವರು ಬಾಯ್‌ಫ್ರೆಂಡ್ ಮನೆಯವರು ಮದುವೆ ಒಪ್ಪದೇ ಇದ್ದಾಗ ಹೇಗೆ ಪ್ರತಿಕ್ರಿಯಿಸಬೇಕು ಎಂಬುದರ ಕುರಿತು ನಮಗೆ ಹೊಸ ಐಡಿಯಾಗಳನ್ನು ನೀಡುವಂತಹ ದೃಶ್ಯಗಳು ಈ ಹಾಡಿನಲ್ಲಿದೆ. ʻಹುವಾ ಮೈನ್ʼ ಎಂಬ ಶೀರ್ಷಿಕೆಯ ಅನಿಮಲ್‌ನ ಮೊದಲ ಹಾಡಿನಲ್ಲಿ ರಣಬೀರ್ ಕಪೂರ್ ಮತ್ತು ರಶ್ಮಿಕಾ ಸರಳವಾದ ಮದುವೆ ಹಾಗೂ ಲಿಪ್‌ ಲಾಕ್‌ ಪ್ರಮುಖ ಹೈಲೈಟ್‌.
ಅನಿಮಲ್‌ ಸಿನಿಮಾದ ಈ ಹಾಡು ನೋಡಿದಾಗ ರಶ್ಮಿಕಾ ಮಂದಣ್ಣ ತುಂಬ ಬೋಲ್ಡ್‌ ಆಗಿ ನಟಿಸಿರುವಂತೆ ಕಾಣುತ್ತದೆ. ಪ್ಯಾನ್‌ ಇಂಡಿಯಾ ಚಿತ್ರವಾಗಿ ಇದು ತೆರೆಗೆ ಬರಲಿದೆ. ಹಿಂದಿಯಲ್ಲಿ ʼಹುವಾ ಮೈನ್ʼ, ತೆಲುಗಿನಲ್ಲಿ ʼಅಮ್ಮಾಯಿʼ, ತಮಿಳಿನಲ್ಲಿ ʼನೀ ವಾಡಿʼ, ಮಲೆಯಾಳಂನಲ್ಲಿ ʼಪೆನ್ನಾಳೆʼ ಮತ್ತು ಕನ್ನಡದಲ್ಲಿ ʼಓ ಬಾಲೆʼ ಟೈಟಲ್‌ನಲ್ಲಿ ಹಾಡು ಇದೀಗ ರಿಲೀಸ್‌ ಆಗಿದೆ. . ರಣಬೀರ್ ಕಪೂರ್ ತಂದೆಯಾಗಿ ಅನಿಲ್‌ ಕಪೂರ್ ಕಾಣಿಸಿಕೊಂಡಿದ್ದಾರೆ. ಸನ್ನಿ ಡಿಯೋಲ್‌ ಮುಖ್ಯ ಖಳನ ಪಾತ್ರದಲ್ಲಿ ಅಬ್ಬರಿಸಿದ್ದಾರೆ. ʼʼಇದು ಕ್ರೈಮ್‌ ಡ್ರಾಮ ಮತ್ತು ತಂದೆ-ಮಗನ ಕಥೆ ಹೇಳುತ್ತದೆ. ಅಭಿಮಾನಿಗಳು ನಿರೀಕ್ಷಿಸದ ರೀತಿ ನನ್ನ ಪಾತ್ರ ಮೂಡಿ ಬಂದಿದೆ. ನನ್ನ ಪಾತ್ರಕ್ಕೆ ಸ್ವಲ್ಪ ನೆಗೆಟಿವ್‌ ಛಾಯೆಯೂ ಇದೆʼʼ ಎಂದು ರಣಬೀರ್ ಕಪೂರ್ ಹೇಳಿದ್ದು ಅಭಿಮಾನಿಗಳಲ್ಲಿ ನಿರೀಕ್ಷೆ ಹೆಚ್ಚಿಸಿದೆ.
ಇದನ್ನೂ ಓದಿ: Animal Movie: ನಟ ರಣಬೀರ್ ಜತೆ ಲಿಪ್‌ಲಾಕ್‌ ಮಾಡಿದ ರಶ್ಮಿಕಾ; ಕಿಚ್ಚು ಹಚ್ಚಿದ ಅನಿಮಲ್‌ ಚಿತ್ರದ ಪೋಸ್ಟರ್‌
oh my good god, what the fuck… not even my wildest dreams pictured Ranbir flying a plane in nothing but a towel, but *new fantasy unlocked* 🥵🔥❤️ https://t.co/lN5kHw8gTV
— sar 👻✨ (@PieKapoor) October 11, 2023
ಡಿಸೆಂಬರ್‌ 1ರಂದು ತೆರೆಗೆ
ತೆಲುಗಿನ ಸಂದೀಪ್‌ ರೆಡ್ಡಿ ವಂಗಾ ನಿರ್ದೇಶನದ ʼಅನಿಮಲ್‌ʼ ಚಿತ್ರ ಡಿಸೆಂಬರ್‌ 1ರಂದು ತೆರೆಗೆ ಬರಲಿದೆ. ತೆಲುಗಿನ ʼಅರ್ಜುನ್‌ ರೆಡ್ಡಿʼ, ಹಿಂದಿಯ ʼಕಬೀರ್‌ ಸಿಂಗ್‌ʼ ಮುಂತಾದ ಚಿತ್ರಗಳನ್ನು ನಿರ್ದೇಶಿಸಿ ಗೆದ್ದ ಸಂದೀಪ್‌ ರೆಡ್ಡಿ ಹ್ಯಾಟ್ರಿಕ್‌ ಗೆಲುವಿನ ನಿರೀಕ್ಷೆಯಲ್ಲಿದ್ದಾರೆ.
Ranbir and Rashmika Chemistry ❤️🔥❤️🔥❤️🔥❤️🔥❤️🔥#HuaMain #RanbirKapoor #RashmikaMandanna #AnimalTheFilm pic.twitter.com/jlEyIaIvxk
— Adarsh (@Adarsh_Jha_07) October 11, 2023
ʼವಾರಿಸುʼ ಚಿತ್ರದ ಮೂಲಕ ಈ ವರ್ಷಾರಂಭದಲ್ಲಿ ಗೆಲುವು ದಾಖಲಿಸಿದ್ದ ರಶ್ಮಿಕಾ ಮಂದಣ್ಣ ಕೂಡ ʼಅನಿಮಲ್‌ʼ ಮೂಲಕ ಮತ್ತೊಮ್ಮೆ ಮ್ಯಾಜಿಕ್‌ ಮಾಡುವ ನಿರೀಕ್ಷೆಯಲ್ಲಿದ್ದಾರೆ. ಕಳೆದ ವರ್ಷ ಅಮಿತಾಬ್‌ ನಟನೆಯ ʼಗುಡ್‌ ಬೈʼ ಸಿನಿಮಾ ಮೂಲಕ ಭರ್ಜರಿಯಾಗಿ ಬಾಲಿವುಡ್‌ ಪ್ರವೇಶಿಸಿದ್ದ ರಶ್ಮಿಕಾಗೆ ಆ ಚಿತ್ರದ ಮೂಲಕ ನಿರೀಕ್ಷಿತ ಗೆಲುವು ದಕ್ಕಿರಲಿಲ್ಲ. ಬಳಿಕ ಸಿದ್ಧಾರ್ಥ್‌ ಮಲ್ಹೋತ್ರಾ ಜತೆಗೆ ನಟಿಸಿದ್ದ ʼಮಿಷನ್‌ ಮಜ್ನುʼ ಒಟಿಟಿ ಮೂಲಕ ರಿಲೀಸ್‌ ಆಗಿತ್ತು. ಇತ್ತ ರಣಬೀರ್ ಕಪೂರ್ ಕೂಡ ದೊಡ್ಡದೊಂದು ಗೆಲುವಿಗೆ ಕಾಯುತ್ತಿದ್ದಾರೆ. ಕಳೆದ ವರ್ಷ ತೆರೆಕಂಡ ʼಬ್ರಹ್ಮಾಸ್ತ್ರ ʼ ಚಿತ್ರ ಸಾಧಾರಣ ಯಶಸ್ವಿಯಾಗಿತ್ತು. ಈ ವರ್ಷ ಬಿಡುಗಡೆಯಾದ ʼತು ಜೂಟಿ ಮೆ ಮಕ್ಕಾರ್‌ʼ ಚಿತ್ರ ಕೂಡ ಮಿಶ್ರ ಪ್ರತಿಕ್ರಿಯೆ ಪಡೆದುಕೊಂಡಿತ್ತು. ಲವ್‌ ರಂಜನ್‌ ನಿರ್ದೇಶನದ ಈ ಚಿತ್ರದಲ್ಲಿ ಶ್ರದ್ಧಾ ಕಪೂರ್ ನಾಯಕಿಯಾಗಿ ಕಾಣಿಸಿಕೊಂಡಿದ್ದರು.