ಬೆಂಗಳೂರು : ಆರ್‌ ಆರ್‌ ಆರ್‌ ಸಿನಿಮಾದ ಯಶಸ್ಸಿನ ನಂತರ ಜ್ಯೂನಿಯರ್‌ ಎನ್‌.ಟಿ.ಆರ್‌. ಹೊಸ ಸುದ್ದಿಯೊಂದನ್ನು ಹುಟ್ಟು ಹಬ್ಬದ ದಿನದಂದು ಹಂಚಿಕೊಂಡಿದ್ದಾರೆ. ಹೌದು. ನಿರ್ದೇಶಕ ಕೊರಟಾಲ ಶಿವರೊಂದಿಗೆ ಕೈ ಜೋಡಿಸುತ್ತಿದ್ದು, ಮೋಷನ್‌ ಪೋಸ್ಟರ್‌ ರಿವೀಲ್‌ ಮಾಡಿದ್ದಾರೆ.
ಇದನ್ನೂ ಓದಿ | ʻಆರ್ಆರ್ಆರ್ʼಗೆ ಸಿಕ್ತು ಸೆನ್ಸಾರ್ ಸರ್ಟಿಫಿಕೇಟ್‌.. ʻಬಾಹುಬಲಿ-2ʼ ಚಿತ್ರವನ್ನೇ ಮೀರಿಸುತ್ತೆ ಈ ಸಿನಿಮಾ..!
ಪೋಸ್ಟ್‌ ನೋಡುವಾಗಲೇ ಭಯಾನಕವಾಗಿ ಧೈರ್ಯ, ರಕ್ತ ಮತ್ತು ಗಾಯದ ಕಪ್ಪು ಅಂಶದ ಮೇಲೆ ಆಧಾರಿತವಾದಂತೆ ತೋರುತ್ತದೆ. ಕೊಡಲಿ ಮತ್ತು ಕತ್ತಿಯನ್ನು ಹಿಡಿದು ನಿಂತಿರುವ ನೋಟವು ಭಯ ಮತ್ತು ಧೈರ್ಯವನ್ನು ತೋರಿಸುತ್ತದೆ.
ಟ್ವಿಟರ್‌ನಲ್ಲಿ ತಮ್ಮ ಹುಟ್ಟುಹಬ್ಬದಂದು ಮೊದಲು ಅಭಿಮಾಗಳಿಗೆ ವಿಶೇಷ ವಿಡಿಯೋ ಹಂಚಿಕೊಂಡಿದ್ದಾರೆ. ಶೀಘ್ರದಲ್ಲೇ ಚಿತ್ರೀಕರಣವು ಪ್ರಾರಂಭಗೊಳ್ಳಲಿದೆ ಎಂದು ಚಿತ್ರತಂಡ ಹೇಳಿಕೊಂಡಿದೆ. ಜನತಾ ಗ್ಯಾರೇಜ್ (2016) ನಂತರ ನಿರ್ದೇಶಕ ಕೊರಟಾಲ ಶಿವ ಅವರ ಎರಡನೇ ಸಿನಿಮಾ ಆಗಿದೆ.
ಆರ್ಆರ್ಆರ್ ಪ್ರಚಾರದ ಸಮಯದಲ್ಲಿ ಅವರ ಪ್ರೀತಿಯ ಬಾಂಧವ್ಯದ ನಂತರ ಜೂನಿಯರ್ ಎನ್‌ಟಿಆರ್ ಎದುರು ನಾಯಕಿಯಾಗಿ ಆಲಿಯಾ ಭಟ್ ಅವರನ್ನು ಸಂಪರ್ಕಿಸಲಾಗಿದ್ದು, ಈ ಚಿತ್ರಕ್ಕೆ ಅವರು ನಾಯಕಿಯಾಗಬಹುದೇ ಎಂಬ ಗಾಸಿಪ್‌ಗಳು ಕೇಳಿ ಬರುತ್ತಿದೆ. ಆದರೆ ಯಾರು ಎಂದು ತಿಳಿದು ಬಂದಿಲ್ಲ.ಅದೇ ರೀತಿ ಸಿನಿಮಾ ಹೆಸರು ರಿವೀಲ್‌ ಮಾಡಿಲ್ಲ. ಈಗಾಗಲೇ ಮೋಷನ್‌ ಪೋಸ್ಟರ್‌ ನೋಡುವಾಗಲೇ NTR 30 ಶೀರ್ಷಿಕೆ ಇರಬಹುದಾ ಎಂಬುದು ಕುತೂಹಲಕ್ಕೆ ಎಡಮಾಡಿದೆ.
ಅನಿರುದ್ಧ ಸಂಗೀತ ನಿರ್ದೇಶಕರಾಗಿದ್ದು, ರತ್ನವೇಲು ಛಾಯಾಗ್ರಹಣ ಮಾಡಲಿದ್ದಾರೆ. ನಂದಮೂರಿ ಕಲ್ಯಾಣರಾಮ್ ಪ್ರಸ್ತುತಪಡಿಸಿದ್ದು, ಯುವಸುಧಾ ಆರ್ಟ್ಸ್ ಮತ್ತು ಎನ್‌ಟಿಆರ್ ಆರ್ಟ್ಸ್ ಬ್ಯಾನರ್‌ನಡಿಯಲ್ಲಿ ಮಿಕ್ಕಿಲಿನೇನಿ ಸುಧಾಕರ್ ಮತ್ತು ಹರಿ ಕೃಷ್ಣ ಕೆ ನಿರ್ಮಿಸಿದ್ದಾರೆ. 300 ಕೋಟಿ ಬಜೆಟ್‌ನಲ್ಲಿ ಸಿನಿಮಾ ಮಾಡಲಾಗುತ್ತಿದೆ ಎಂದು ಚಿತ್ರತಂಡ ಹೇಳಿಕೊಂಡಿದೆ.
ಇದನ್ನೂ ಓದಿ | RRR: ರೌದ್ರಂ.. ರಣಂ.. ರುಧಿರಂ.. ಒಂದು ಹೈ ವೊಲ್ಟೇಜ್‌ ಮೂವಿ