Salaar Movie : ಸಲಾರ್​ಗೂ ಕೆಜಿಎಫ್​​ ಚಾಪ್ಟರ್​ 2ಗೂ ಉಂಟು ನಂಟು; ಏಪ್ರಿಲ್​ 6ಕ್ಕೆ ಗೊತ್ತಾಗಲಿದೆ ಗುಟ್ಟು!

ಬೆಂಗಳೂರು: ಪ್ರಶಾಂತ್​ ನೀಲ್ ನಿರ್ದೇಶದಲ್ಲಿ ಮೂಡಿ ಬರಲಿರುವ ಸಲಾರ್​ ಸಿನಿಮಾ (Salaar Movie) ಭಾರತೀಯ ಸಿನಿಮಾರಂಗದಲ್ಲಿ ಭಾರಿ ನಿರೀಕ್ಷೆ ಮೂಡಿಸಿದೆ. ಹೊಂಬಾಳೆ ಫಿಲ್ಮ್ಸ್ ಸಿನಿಮಾ ನಿರ್ಮಿಸುತ್ತಿದ್ದು ಬಾಹುಬಲಿ ಖ್ಯಾತಿಯ ಪ್ರಭಾಸ್ ಪ್ರಮುಖ ಪಾತ್ರದಲ್ಲಿ ನಟಿಸಲಿದ್ದಾರೆ. ಬಿಗ್​ ಬಜೆಟ್​ನಲ್ಲಿ ಮೂಡಿ ಬರುವ ಈ ಸಿನಿಮಾಕ್ಕಾಗಿ ಕಾತರಿಂದ ಕಾಯುತ್ತಿದ್ದಾರೆ. ಕೆಜಿಎಫ್​ ಚಾಪ್ಟರ್​-2 ಸಿನಿಮಾದ ನಂತರ ನಿರ್ದೇಶಕ ಪ್ರಶಾಂತ್ ನೀಲ್ ಕೈಗೆತ್ತಿಕೊಂಡಿರುವ ಪ್ರಾಜೆಕ್ಟ್​ ಇದಾಗಿರುವ ಕಾರಣ ನಿರೀಕ್ಷೆಯೂ ಹೆಚ್ಚಿದೆ. ಹೀಗಾಗಿ ಸಿನಿಮಾ ಕುರಿತ ಅಪ್​ಡೇಟ್​ಗಳು ಕುತೂಹಲ ಹೆಚ್ಚಿಸುತ್ತಿವೆ. ಅಂತೆಯೇ ಇದೀಗ ಸಿನಿಮಾದ ಟೀಸರ್​ ಬಿಡುಗಡೆಯ ದಿನಾಂಕ ಪ್ರಕಟಗೊಂಡಿದ್ದು ಅದರ ಸುತ್ತಲೂ ನಾನಾ ವಿಷಯಗಳು ಹರಿದಾಡುತ್ತಿವೆ. ಮುಖ್ಯವಾಗಿ ಕೆಜಿಎಫ್​-2 ಹಾಗೂ ಸಲಾರ್​ ನಡುಗೆ ಕತೆಯಲ್ಲೊಂದು ಸಣ್ಣ ಲಿಂಗ್ ಇದೆ ಎಂದು ಹೇಳಲಾಗುತ್ತಿದೆ.

See more

𝐁𝐫𝐚𝐜𝐞 𝐲𝐨𝐮𝐫𝐬𝐞𝐥𝐟 𝐟𝐨𝐫 𝐭𝐡𝐞 𝐦𝐨𝐬𝐭 𝐯𝐢𝐨𝐥𝐞𝐧𝐭 𝐦𝐚𝐧, #𝐒𝐀𝐋𝐀𝐀𝐑 🔥

Watch #SalaarTeaser on July 6th at 5:12 AM on https://t.co/QxtFZcNhrG #SalaarTeaserOnJuly6th#Prabhas #PrashanthNeel @PrithviOfficial @hombalefilms #VijayKiragandur @IamJagguBhai… pic.twitter.com/Vx1i5oPLFI

— Hombale Films (@hombalefilms) July 3, 2023

ಸಲಾರ್ ಟೀಸರ್ ಜುಲೈ 6ಕ್ಕೆ ಬಿಡುಗಡೆಯಾಗಲಿದೆ ಎಂದು ಸಿನಿಮಾ ತಂಡ ಘೋಷಿಸಿದೆ. ವಿಭಿನ್ನ ರೀತಿಯಲ್ಲಿ ಟೀಸರ್ ಪ್ರಕಟಿಸುವುದಾಗಿ ಹೇಳಿದೆ. ಸಾಮಾನ್ಯವಾಗಿ ಸಿನಿಮಾದ ಟ್ರೈಲರ್, ಟೀಸರ್, ಫಸ್ಟ್ ಲುಕ್ ಬಿಡುಗಡೆಗೊಳ್ಳುವುದು ಹಗಲು. ಆದರೆ, ಸಲಾರ್ ಸಿನಿಮಾದ ಟೀಸರ್ ಮುಂಜಾನೆ 5.12ಕ್ಕೆ ರಿಲೀಸ್ ಆಗುತ್ತಿದೆ. ಹೀಗಾಗಿ ಈ ಸಮಯಕ್ಕೂ ಕೆಜಿಎಫ್ 2 ಸಿನಿಮಾದ ಕ್ಲೈಮ್ಯಾಕ್ಸ್‌ಗೂ ಲಿಂಕ್ ಇದೆ ಎಂದು ಹೇಳಲಾಗುತ್ತಿದೆ.

ಇದನ್ನೂ ಓದಿ : Actor Prabhas: ಸಲಾರ್‌ ಸಿನಿಮಾ ಕೆಲಸ ಮಾಡಿದವರಿಗೆ ಭರ್ಜರಿ ಉಡುಗೊರೆ ಕೊಟ್ಟ ಪ್ರಭಾಸ್‌!

ಕೆಜಿಎಫ್-2 ಸಿನಿಮಾವನ್ನು ಹಲವು ಬಾರಿ ನೋಡಿದವರಿದ್ದಾರೆ. ಅವರೆಲ್ಲರೂ ಕ್ಲೈಮ್ಯಾಕ್ಸ್ ಸಿನಿಮಾ ನೋಡಿದವರಿಗೆ ಈ ಸಂಗತಿ ಗೊತ್ತಾಗಿದೆ. ಸಿನಿಮಾದ ಕೊನೆಯಲ್ಲಿ ರಾಕಿ ಭಾಯ್ ಪ್ರಯಾಣಿಸುತ್ತಿದ್ದ ಹಡಗಉ ​ ಸಮುದ್ರದಲ್ಲಿ ಮುಳುಗುತ್ತದೆ. ಆ ಸಮಯ ಬೆಳಗ್ಗೆ 5:12. ರಾಕಿ ಭಾಯ್ ಹಡಗಿನ ಪೈಲಟ್ ಡೆಕ್‌ನೊಳಗೆ ನಾಲ್ಕು ಗಡಿಯಾರಗಳಿರುತ್ತವೆ. ಒಂದು 5 ಗಂಟೆ, ಮತ್ತೊಂದು ಗಡಿಯಾರದಲ್ಲಿ 5:12 ಇದು ರಾಕಿ ಭಾಯ್ ಸಮುದ್ರಕ್ಕೆ ಮುಳುಗಿದ ಸಮಯವ ಅದೇ ಸಮಯಕ್ಕೆ ಟೀಸರ್ ರಿಲೀಸ್ ಆಗುತ್ತಿರುವ ಕಾರಣ ಎರಡೂ ಸಿನಿಮಾಗಳ ನಡುವೆ ಏನೋ ಸಂಬಂಧವಿದೆ ಎನ್ನಲಾಗಿದೆ. ಸಲಾರ್​ ಮೂಲಕ ರಾಕಿ ಭಾಯ್​ ಸಾವಿಗೆ ಸೇಡು ತೀರಿಸಿಕೊಳ್ಳಲಾಗಿದೆ ಎಂದು ಹೇಳಲಾಗಿದೆ.

ಗೇಮ್ ಆಫ್ ಥ್ರೋನ್ಸ್ ಹಾಗೂ ಇತರ ಸೂಪರ್‌ಹಿಟ್ ಸರಣಿಗಳ ನಡುವೆ ಒಂದಕ್ಕೊಂದು ಸಂಬಂಧವಿರುವಂತೆಯೇ ಕೆಜಿಎಫ್​ ಹಾಗೂ ಸಲಾರ್ ನಡುವೆ ಸಂಬಂಧ ಇದೆ ಎನ್ನಲಾಗಿದೆ. ಒಂದು ವೇಳೆ ಲಿಂಕ್ ಇದೆ ಅಭಿಮಾನಿಗಳ ಥ್ರಿಲ್ ಹಚ್ಚಾಗಲಿದೆ.

ಬಹುನಿರೀಕ್ಷಿತ ಸಿನಿಮಾದಲ್ಲಿ ಮಲಾಯಳಂ ಸ್ಟಾರ್ ನಟ ಪೃಥ್ವಿರಾಜ್ ಸುಕುಮಾರನ್, ಕನ್ನಡದ ನಟ ದೇವರಾಜ್, ಜಗಪತಿ ಬಾಬು ಸೇರಿದಂತೆ ಅನೇಕ ಸ್ಟಾರ್ ನಟಿಸಿದ್ದಾರೆ. ನಟಿ ಶ್ರುತಿ ಹಾಸನ್ ಕೂಡ ಇದ್ದಾರೆ. ರವಿ ಬಸ್ರೂರ್ ಸಂಗೀತ ಸಿನಿಮಾಗಿದೆ. ಕೆಜಿಎಫ್ ಬಳಿಕ ಬಹುತೇಕ ಅದೇ ತಂಡ ಸಲಾರ್​​ನಲ್ಲಿಯೂ ಕೆಲಸ ಮಾಡಿದೆ. ಪ್ರಶಾಂತ್​ ನೀಲ್ ಪ್ರೇಕ್ಷಕರಿಗೆ ರಸದೌತಣ ಬಡಿಸುವ ಎಲ್ಲ ಸಾಧ್ಯತೆಗಳಿವೆ.