ಮುಂಬೈ: ಸಲ್ಮಾನ್ ಖಾನ್ (Salman Khan) ಬಾಲಿವುಡ್‌ನ ಪ್ರಸಿದ್ಧ ನಟ. 57 ವರ್ಷಗಳಾಗಿದ್ದರೂ ಅವರಿಗೆ ಸಿನಿಮಾಗಳಲ್ಲಿ ನಾಯಕ ನಟನಾಗಿ ಇರುವ ಬೇಡಿಕೆ ತಗ್ಗಿಲ್ಲ. ಈಗಲೂ ಸದೃಢ ದೇಹವನ್ನು ಕಾಪಾಡಿಕೊಂಡಿರುವ ನಟ ಇತ್ತೀಚೆಗೆ ಶರ್ಟ್‌ ತೆಗೆದು, ತಮ್ಮ ಸಿಕ್ಸ್‌ ಪ್ಯಾಕ್‌ ತೋರಿಸುವ ಮೂಲಕ ಎಲ್ಲೆಡೆ ವೈರಲ್‌ ಆಗಿದ್ದಾರೆ.
ಇದನ್ನೂ ಓದಿ: Salman Khan: ಏಪ್ರಿಲ್ 30ರೊಳಗೆ ಕೊಲ್ಲುತ್ತೇವೆ; ನಟ ಸಲ್ಮಾನ್ ಖಾನ್ಗೆ ಮತ್ತೆ ಜೀವ ಬೆದರಿಕೆ ಕರೆ
ಹೌದು. ಸೋಮವಾರದಂದು ಸಲ್ಮಾನ್ ಅವರ ಮುಂದಿನ ಸಿನಿಮಾ ʼಕಿಸಿ ಕಾ ಭಾಯ್‌ ಕಿಸಿ ಕಾ ಜಾನ್‌ʼ ಸಿನಿಮಾದ ಟ್ರೈಲರ್‌ ಬಿಡುಗಡೆ ಕಾರ್ಯಕ್ರಮವಿತ್ತು. ಈ ಕಾರ್ಯಕ್ರಮದಲ್ಲಿ ಕಪ್ಪು ಬಣ್ಣದ ಪ್ಯಾಂಟ್‌ ಮತ್ತು ಶರ್ಟ್‌ ಧರಿಸಿ ಸಲ್ಮಾನ್ ಕಾಣಿಸಿಕೊಂಡಿದ್ದರು. ಕಾರ್ಯಕ್ರಮದಲ್ಲಿ ಅವರು ವೇದಿಕೆಯ ಮೇಲೆ ತಮ್ಮ ಶರ್ಟ್‌ ಬಟನ್‌ ಬಿಚ್ಚಿದ್ದಾರೆ. ಸಿಕ್ಸ್‌ ಪ್ಯಾಕ್‌ ಅನ್ನು ಅಭಿಮಾನಿಗಳಿಗೆ ತೋರಿಸಿ, ಬಟನ್‌ಗಳನ್ನು ಹಾಕಿಕೊಂಡಿದ್ದಾರೆ.
ಸಲ್ಮಾನ್ ಅವರ ಈ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿದೆ. ನೆಚ್ಚಿನ ನಟನ ವಿಡಿಯೊ ನೋಡಿರುವ ಜನರು ಸಂತಸದಿಂದ ವಿಡಿಯೊಗೆ ಲೈಕ್‌ ಮಾಡಿದ್ದು, ಶೇರ್‌ ಮಾಡಲಾರಂಭಿಸಿದ್ದಾರೆ. ವಿಡಿಯೊ ಇದೀಗ ಎಲ್ಲೆಡೆ ವೈರಲ್‌ ಆಗಿದೆ.
ಇತ್ತೀಚೆಗೆ ಸಲ್ಮಾನ್ ಬಗ್ಗೆ ಕೆಲವು ಋಣಾತ್ಮಕ ವಿಚಾರಗಳು ಕೂಡ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿದ್ದವು. ನಟನ ದೇಹ ಈಗ ಮೊದಲಿನಂತೆ ಇಲ್ಲ. ಹಾಗಾಗಿ ಸಲ್ಮಾನ್ ದೇಹವನ್ನು ಸದೃಢವಾಗಿ ತೋರಿಸುವುದಕ್ಕಾಗಿ ವಿಎಫ್‌ಎಕ್ಸ್‌ ಬಳಸಲಾಗುತ್ತಿದೆ ಎಂದು ಅನೇಕರು ಚರ್ಚಿಸುತ್ತಿದ್ದರು. ಇದೀಗ ನಟನ ಈ ವಿಡಿಯೊ ಆ ಎಲ್ಲ ವದಂತಿಗಳಿಗೆ ತೆರೆ ಎಳೆದಿದೆ. ಸಲ್ಮಾನ್ ಇನ್ನೂ ಫಿಟ್‌ ಆಂಡ್‌ ಫೈನ್‌ ಆಗಿದ್ದಾರೆ ಎನ್ನುವುದಕ್ಕೆ ವಿಡಿಯೊ ಸಾಕ್ಷಿಯಾಗಿದೆ.