ಮುಂಬೈ: ಬಾಲಿವುಡ್‌ ನಟ ಸಲ್ಮಾನ್‌ ಖಾನ್ (Salman Khan) ಅವರು ಇನ್ನೂ ಅವಿವಾಹಿತರಾಗಿಯೇ ಇದ್ದಾರೆ. ಈ ನಟನ ಮದುವೆ ಬಗ್ಗೆ ಹಲವು ಬಾರಿ ಸುದ್ದಿಗಳಾಗಿವೆಯಾದರೂ ಅವು ಯಾವುವೂ ನಿಜವಾಗಲಿಲ್ಲ. ಅಂದ ಹಾಗೆ ಸಲ್ಮಾನ್‌ ಅವರು ನಟಿ ಜೂಹಿ ಚಾವ್ಲಾರನ್ನು ಇಷ್ಟ ಪಟ್ಟಿದ್ದರಂತೆ. ಮದುವೆ ಮಾಡಿಕೊಡಿ ಎಂದು ಜೂಹಿ ಅವರ ತಂದೆಯನ್ನೂ ಕೇಳಿಕೊಂಡಿದ್ದರಂತೆ.
ಇದನ್ನೂ ಓದಿ: Salman Khan | ಸಲ್ಮಾನ್‌ ಖಾನ್ ಒಬ್ಬ ಸ್ಯಾಡಿಸ್ಟ್‌, ಹಿಂಸ್ರಪಶು: 8 ವರ್ಷಗಳ ಸಂಬಂಧದ ಕಹಿ ಹಂಚಿಕೊಂಡ ಮಾಜಿ ಪ್ರೇಯಸಿ ಸೋಮಿ ಅಲಿ
ಹೌದು. ಸಲ್ಮಾನ್‌ ತಾವು ಜೂಹಿಯನ್ನು ಇಷ್ಟಪಟ್ಟು ಅವರ ತಂದೆಯ ಬಳಿ ಮದುವೆ ಮಾಡಿಕೊಡಿ ಎಂದು ಕೇಳಿದ್ದಾಗಿ ಸಂದರ್ಶನವೊಂದರಲ್ಲಿ ಹೇಳಿದ್ದಾರೆ. ಸಾಕಷ್ಟು ಹಳೆಯದಾಗಿರುವ ಈ ಸಂದರ್ಶನದ ಸಣ್ಣ ತುಣುಕೊಂದು ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದ್ದು, ವೈರಲ್‌ ಆಗಿದೆ. ಈ ತುಣುಕನ್ನು ಟ್ವಿಟರ್‌ನಲ್ಲಿ ಆರ್ಶಿ ಸಿದ್ದಿಕಿ ಹೆಸರಿನವರು ಹಂಚಿಕೊಂಡಿದ್ದಾರೆ.
ಆ ವಿಡಿಯೊ ತುಣುಕಲ್ಲಿ ಸಲ್ಮಾನ್‌ ಖಾನ್ ಅವರು, “ಜೂಹಿ ತುಂಬಾ ಒಳ್ಳೆ ಹುಡುಗಿ. ಅದಕ್ಕಾಗಿ ಅವರ ತಂದೆಯ ಬಳಿ ಮದುವೆ ಮಾಡಿಕೊಡಿ ಎಂದು ಕೇಳಿದೆ. ಆದರೆ ಅವರು ಅದಕ್ಕೆ ನೋ ಎಂದರು” ಎಂದು ಹೇಳುವುದನ್ನು ಕಾಣಬಹುದಾಗಿದೆ. ಮದುವೆಗೆ ಒಪ್ಪದಿರುವುದಕ್ಕೆ ಕಾರಣ ಏನು ಎನ್ನುವುದನ್ನು ಅವರ ತಂದೆ ಹೇಳಲಿಲ್ಲವಂತೆ.
ಸಲ್ಮಾನ್‌ ಖಾನ್ ಮತ್ತು ಜೂಹಿ ಚಾವ್ಲಾ 1997ರಲ್ಲಿ ದೀವಾನಾ ಮಸ್ತಾನ ಸಿನಿಮಾದಲ್ಲಿ ಒಟ್ಟಾಗಿ ನಟಿಸಿದ್ದರು. ಈ ಸಿನಿಮಾದಲ್ಲಿ ಅನಿಲ್‌ ಕಪೂರ್‌ ಮತ್ತು ಗೋವಿಂದಾ ಕೂಡ ನಟಿಸಿದ್ದಾರೆ.