ಬೆಂಗಳೂರು : ನಟಿ ಸಮಂತಾ (Samantha Ruth Prabhu) ಅವರಿಂದ ದೂರವಾದ ಮೇಲೆ ನಟ ನಾಗಚೈತನ್ಯ (Naga Chaitanya) ಅವರು ಶೋಭಿತಾ ಧೂಲಿಪಾಲ (sobhita dhulipala) ಅವರೊಂದಿಗೆ ಡೇಟ್‌ ಮಾಡುತ್ತಿರುವುದಾಗಿ ಗಾಸಿಪ್‌ ಹರಿದಾಡುತ್ತಿದೆ. ಈ ಬಗ್ಗೆ ಸಮಂತಾ ಅವರನ್ನು ಕೆಣಕಲು ಹೋದ ಟ್ರೋಲ್‌ಗಳನ್ನು ಸಮಂತಾ ಖಡಕ್ಕಾಗಿ ಎಚ್ಚರಿಸಿದ್ದಾರೆ.
ಗಾಸಿಪ್‌ ಹರಡಿದ್ಯಾಕೆ?
ನಾಗ ಚೈತನ್ಯ ಮತ್ತು ಶೋಭಿತಾ ಧೂಲಿಪಾಲ ಜುಬಿಲಿ ಹಿಲ್ಸ್‌ನಲ್ಲಿರುವ ಅಪಾರ್ಟ್‌ಮೆಂಟ್‌ ಒಂದರಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದರು. ಒಂದೇ ಕಾರಿನಲ್ಲಿ ಅವರಿಬ್ಬರು ಮನೆಯಿಂದ ಹೊರಬಂದಿದ್ದಾರೆ. ಆ ಮನೆಯ ಇಂಟೀರಿಯರ್ ಕೆಲಸ ಕೂಡ ನಡೆಯುತ್ತಿದೆ. ಮೇಜರ್ ಸಿನಿಮಾ ಶೂಟಿಂಗ್‌ ವೇಳೆ ಸಾಕಷ್ಟು ಬಾರಿ ನಾಗ ಚೈತನ್ಯ ಮತ್ತು ಶೋಭಿತಾ ಧೂಲಿಪಾಲ ಭೇಟಿಯಾಗಿದ್ದರು ಎಂದು ಸಿನಿ ಮೂಲಗಳು ಹೇಳಿವೆ. ಶೋಭಿತಾ ಧೂಲಿಪಾಲ ಅವರು ತಮ್ಮ 30ನೇ ಹುಟ್ಟುಹಬ್ಬವನ್ನು ಮೇ 31ರಂದು ಹೈದರಾಬಾದ್‌ನಲ್ಲಿ ನಾಗ ಚೈತನ್ಯ ಹಾಗೂ ಅವರ ಆಪ್ತ ಸ್ನೇಹಿತರೊಂದಿಗೆ ಆಚರಿಸಿದ್ದರು.
ಇದನ್ನೂ ಓದಿ | Kushi Movie : ಶೂಟಿಂಗ್‌ ವೇಳೆ ಅವಘಡದಲ್ಲಿ ವಿಜಯ್‌ ದೇವರಕೊಂಡ -ಸಮಂತಾಗೆ ಗಾಯ
ಫ್ಯಾನ್ಸ್‌ ವಾರ್‌
ಇದೀಗ ನಾಗಚೈತನ್ಯ ಹಾಗೂ ಶೋಭಿತಾ ಧೂಲಿಪಾಲ ಅವರ ಡೇಟಿಂಗ್‌ ಕಾರಣದಿಂದಲೇ ಇವರಿಬ್ಬರು ದೂರವಾಗಲು ಕಾರಣ ಎಂದು ಸೋಷಿಯಲ್‌ ಮೀಡಿಯಾ ಮೂಲಕ ಮಾತನಾಡಿಕೊಳ್ಳುತ್ತಿದ್ದಾರೆ. ಆದರೆ ನಾಗಚೈತನ್ಯ ಅಭಿಮಾನಿಗಳು ಈ ರೀತಿ ಗಾಸಿಪ್‌ಗಳನ್ನು ಸ್ವತಃ ಸಮಂತಾ ಅವರೇ ಸೃಷ್ಟಿ ಮಾಡುತ್ತಿದ್ದಾರೆ ಎಂದು ಆರೋಪ ಮಾಡುತ್ತಿದ್ದಾರೆ. ಇದು ಸಮಂತಾ ಗಮನಕ್ಕೆ ಬಂದಿದ್ದು, ನಾನು ಈ ಸಂಬಂಧದಿಂದ ಮುಂದೆ ಹೋಗಿದ್ದೇನೆ, ನೀವು ಕೂಡ ಮೂವ್‌ ಆನ್‌ ಆಗಿ ಎಂದು ಟ್ವೀಟ್‌ ಮೂಲಕ ಪ್ರತಿಕ್ರಿಯೆ ನೀಡಿದ್ದಾರೆ. ಅಕ್ಟೋಬರ್‌ 2ರಂದು ಒಪ್ಪಂದದಂತೆ ಸಮಂತಾ ಪ್ರಭು ಹಾಗೂ ನಾಗಚೈತನ್ಯ ದೂರವಾಗಿರುವುದಾಗಿ ಘೋಷಿಸಿಕೊಂಡಿದ್ದರು.
ಹುಡುಗಿಯರ ಬಗ್ಗೆ ವದಂತಿ : ನಿಜವಾಗಿರಬಹುದು
ಹುಡುಗರ ಬಗ್ಗೆ ವದಂತಿ : ಹುಡುಗಿಯರೇ ಕ್ರಿಯೇಟ್‌ ಮಾಡಿರಬಹುದು!
ನೀವು ಬೆಳೆಯಿರಿ. ನಾನು ಮೂವ್‌ ಆನ್‌ ಆಗಿದ್ದೇನೆ, ನೀವು ಮೂವ್‌ ಆನ್‌ ಆಗಬೇಕು. ನಿಮ್ಮ ಕೆಲಸ ಮತ್ತು ಕುಟುಂಬದವರ ಮೇಲೆ ಗಮನಹರಿಸಿ- ಎಂದು ಸಮಂತಾ ಬರೆದುಕೊಂಡಿದ್ದಾರೆ.
ಶೋಭಿತಾ ಧೂಲಿಪಾಲ ಯಾರು?
ಆಂಧ್ರ ಪ್ರದೇಶದ ಶೋಭಿತಾ ಧೂಲಿಪಾಲ ಅವರು ಮಾಡೆಲ್ ಆಗಿದ್ದವರು. ಇಲ್ಲಿಯವರೆಗೆ ತೆಲುಗು, ತಮಿಳು, ಹಿಂದಿ ಚಿತ್ರಗಳಲ್ಲಿ ನಟಿಸಿರುವ ಶೋಭಿತಾ 2016ರಲ್ಲಿ ರಮನ್ ರಾಘವ್ 2.0 ಸಿನಿಮಾದ ಮೂಲಕ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟಿದ್ದಾರೆ. ಗೂಢಚಾರಿ, ದಿ ಬಾಡಿ, ಘೋಸ್ಟ್ ಸ್ಟೋರೀಸ್, ಕುರುಪ್, ಮೇಜರ್ ಮುಂತಾದ ಸಿನಿಮಾಗಳಲ್ಲಿ ಶೋಭಿತಾ ಧೂಲಿಪಾಲ ನಟಿಸಿದ್ದಾರೆ. ಪೊನ್ನಿಯಿನ್ ಸೆಲ್ವನ್: 1, ಸಿತಾರಾ, ಮಂಕಿ ಮ್ಯಾನ್ ಸಿನಿಮಾಗಳಲ್ಲಿಯೂ ಶೋಭಿತಾ ನಟಿಸಿದ್ದು, ಅವುಗಳು ರಿಲೀಸ್ ಆಗಬೇಕಿವೆ. 2013ರಲ್ಲಿ ಫೇಮಿನಾ ಮಿಸ್‌ ಇಂಡಿಯಾ ಅವಾರ್ಡ್‌ ಕೂಡ ಪಡೆದಿದ್ದಾರೆ.
ಇದನ್ನೂ ಓದಿ | Happy Birthday ಸಮಂತಾ ರುತ್ ಪ್ರಭು