ಶಾರುಖ್ ಖಾನ್ ಅವರ `ಜವಾನ್’ ಸಿನಿಮಾ (Jawan Movie) ಸಾರ್ವಕಾಲಿಕ ಬ್ಲಾಕ್‌ಬಸ್ಟರ್‌ ಸಿನಿಮಾವಾಗಿ ಹೊರಹೊಮ್ಮಿದೆ. ಚಿತ್ರ ಬಿಡುಗಡೆಯಾದಾಗಿನಿಂದ ಪ್ರೇಕ್ಷಕರಿಂದ ಅಪಾರ ಪ್ರೀತಿ ಗಳಿಸಿದೆ. ಸೆಟ್‌ನಲ್ಲಿ ಕಿಂಗ್ ಖಾನ್ ತಯಾರಿ ನಡೆಸುತ್ತಿರುವ, ಹಾಗೇ ಅಟ್ಲೀ ಮಾರ್ಗದರ್ಶನ ನೀಡುತ್ತಿರುವ ಕ್ಲಿಪ್‌ ವೈರಲ್ ಆಗಿದೆ. ಜವಾನ್ ಹಾಡಿನ `ಚಲಿಯಾ’ ಚಿತ್ರೀಕರಣದ ಈ ಸಣ್ಣ ಕ್ಲಿಪ್‌ಗೆ ಮೆಚ್ಚುಗೆ ವ್ಯಕ್ತವಾಗಿದೆ.
ವಿಡಿಯೊದಲ್ಲಿ, ಸೂಪರ್‌ಸ್ಟಾರ್ ಶಾರುಖ್ ಖಾನ್ ತಮಿಳಿನಲ್ಲಿ ಅಟ್ಲಿಯೊಂದಿಗೆ ಮಾತನಾಡುವುದನ್ನು ಕಾಣಬಹುದು. ಇಬ್ಬರೂ ಕೆಲವು ದೃಶ್ಯಗಳನ್ನು ಚರ್ಚಿಸುತ್ತಾರೆ. ಕ್ಲಿಪ್‌ನ ಕೊನೆಯಲ್ಲಿ ಅಪ್ಪುಗೆಯನ್ನು ಹಂಚಿಕೊಳ್ಳುತ್ತಾರೆ. ಈ ವಿಡಿಯೊ ವೈರಲ್ ಆಗುತ್ತಿದ್ದಂತೆ ಶಾರುಖ್ ಅವರನ್ನು ಫ್ಯಾನ್ಸ್‌ ಹೊಗಳಿದ್ದಾರೆ. ಕೆಲವರು ಶಾರುಖ್ ಅವರ ತಮಿಳು ಮಾತನಾಡುವ ಕೌಶಲ್ಯವನ್ನು ಹೊಗಳಿದರು. ಇನ್ನೂ ಕೆಲವರು ಶಾರುಖ್ ಅವರ ಕಲಿಯುವ ಹುಮ್ಮಸ್ಸಿಗೆ ಖುಷಿ ವ್ಯಕ್ತಪಡಿಸಿದ್ದಾರೆ.
ಜವಾನ್ ಸೆಟ್‌ ತೆರೆಮರೆಯ ವಿಡಿಯೊ ಆನ್‌ಲೈನ್‌ನಲ್ಲಿ ಕಾಣಿಸಿಕೊಂಡಿರುವುದು ಇದೇನು ಮೊದಲಲ್ಲ. ಕಳೆದ ವಾರ, ಸೆಟ್‌ನ ಕಿಂಗ್ ಖಾನ್‌ನ ಮತ್ತೊಂದು ಥ್ರೋಬ್ಯಾಕ್ ವೀಡಿಯೊ ವೈರಲ್ ಆಗಿತ್ತು. ಸ್ಟಂಟ್‌ಮೆನ್‌ಗಳೊಂದಿಗೆ ಶಾರುಖ್ ಖಾನ್ ಸಾಹಸ ದೃಶ್ಯ ವೈರಲ್ ಆಗಿತ್ತು.
ಅಟ್ಲೀ ಬರೆದು ನಿರ್ದೇಶಿಸಿರುವ ʼಜವಾನ್ʼ ಚಿತ್ರದಲ್ಲಿ ಶಾರುಖ್ ಖಾನ್, ನಯನತಾರಾ, ರಿಧಿ ಡೋಗ್ರಾ ಮತ್ತು ವಿಜಯ್ ಸೇತುಪತಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಚಿತ್ರದಲ್ಲಿ ದೀಪಿಕಾ ಪಡುಕೋಣೆ ಕೂಡ ಅತಿಥಿ ಪಾತ್ರದಲ್ಲಿ ನಟಿಸಿದ್ದಾರೆ. ಸದ್ಯ ಸಿನಿಮಾ ಬಾಕ್ಸ್ ಆಫೀಸ್‌ನಲ್ಲಿ 400 ಕೋಟಿ ರೂ. ಗಡಿಯನ್ನು ತಲುಪುವ ಹಂತದಲ್ಲಿದೆ.
ಇದನ್ನೂ ಓದಿ: Jawan Box Office Collection: ಆರು ದಿನಕ್ಕೆ 600 ಕೋಟಿ ರೂ. ಕಲೆಕ್ಷನ್ ಮಾಡಿ ಓಟ ಮುಂದುವರಿಸಿದ ʻಜವಾನ್ʼ
ವೈರಲ್ ವಿಡಿಯೊ
ಮೊದಲ ದಿನ ಭಾರತದ ಎಲ್ಲಾ ಭಾಷೆಗಳಲ್ಲಿ 74.50 ಕೋಟಿ ಗಳಿಸಿತು. ಈ ಚಿತ್ರವು ವಿಶ್ವಾದ್ಯಂತ 129.06 ಕೋಟಿ ರೂಪಾಯಿಗಳನ್ನು ಗಳಿಸುವ ಮೂಲಕ ಹಿಂದಿ ಚಿತ್ರರಂಗದ ಇತಿಹಾಸದಲ್ಲಿ ಅತಿದೊಡ್ಡ ಆರಂಭಿಕ ದಿನಕ್ಕೆ ಸಾಕ್ಷಿಯಾಯಿತು. ವ್ಯಾಪಾರ ವರದಿಗಳ ಪ್ರಕಾರ, ಸೆಪ್ಟೆಂಬರ್ 12ರಂದು 6 ನೇ ದಿನದಂದು, ‘ಜವಾನ್’ ಭಾರತದಲ್ಲಿ 26.50 ಕೋಟಿ ರೂ ಗಳಿಕೆ ಕಂಡಿದೆ. ಹಾಗಾಗಿ, ಭಾರತದಲ್ಲಿ ಈಗ ಒಟ್ಟು ಕಲೆಕ್ಷನ್ 345.58 ಕೋಟಿ ರೂ. ‘ಜವಾನ್’ ಸೆಪ್ಟೆಂಬರ್ 11ರಂದು ಒಟ್ಟಾರೆ ಶೇಕಡಾ 26.28 ಆಕ್ಯುಪೆನ್ಸಿ ಹೊಂದಿತ್ತು.
ಜವಾನ್’ ಚಿತ್ರವನ್ನು ರೆಡ್ ಚಿಲ್ಲೀಸ್ ಎಂಟರ್‌ಟೇನ್‌ಮೆಂಟ್ ಸಂಸ್ಥೆಯಡಿ ಗೌರಿ ಖಾನ್ ನಿರ್ಮಿಸುತ್ತಿದ್ದು, ಅಟ್ಲೀ ನಿರ್ದೇಶನದಲ್ಲಿ ಮೂಡಿಬಂದಿದೆ. ಚಿತ್ರದ ಮ್ಯೂಸಿಕ್‌ ರೈಟ್ಸ್‌ ಈಗಾಗಲೇ 36 ಕೋಟಿ ರೂ.ಗೆ ಮಾರಾಟವಾಗಿದೆ ಎಂದು ವರದಿಯಾಗಿದೆ.