Site icon Vistara News

Jawan Movie: ಜವಾನ್‌ ಸಿನಿಮಾಗೆ ವೃದ್ಧೆಯೊಬ್ಬರ ಮೆಚ್ಚುಗೆ; ಶಾರುಖ್‌ ಹೇಳಿದ್ದೇನು?

Yashaswi Devadiga
Shah Rukh Khan

ಶಾರುಖ್‌ ಖಾನ್‌ ಅವರ ಸ್ಟಾರ್‌ಡಮ್ ಹೊರತಾಗಿಯೂ, ಅಭಿಮಾನಿಗಳ ನೆಚ್ಚಿನ ನಟನೂ ಹೌದು. ಶಾರುಖ್‌ (Jawan Movie) ಆಗಾಗ ಸೋಷಿಯಲ್‌ ಮೀಡಿಯಾ ಮೂಲಕ ತಮ್ಮ ಫ್ಯಾನ್ಸ್‌ ಜತೆ ಹಲವು ವಿಚಾರಗಳನ್ನು ಹಂಚಿಕೊಳ್ಳುತ್ತಲೇ ಇರುತ್ತಾರೆ. ಇದೀಗ ವೃದ್ಧೆಯೊಬ್ಬರು ʻಜವಾನ್‌ʼ ಸಿನಿಮಾವನ್ನು ಹಾಡಿ ಹೊಗಳಿದ್ದಾರೆ. ಅವರು ಪ್ರೀತಿಯನ್ನು ಧಾರೆಯೆರೆದಿದ್ದಕ್ಕಾಗಿ ಶಾರುಖ್‌ ಧನ್ಯವಾದ (Shah Rukh Khan message for elderly woman) ಅರ್ಪಿಸಿದ್ದಾರೆ. ಇದೀಗ ಈ ಟ್ವೀಟ್‌ ವೈರಲ್‌ ಆಗಿದ್ದಲ್ಲದೇ ಶಾರುಖ್‌ ಅವರ ಈ ನಡೆಗೆ ವ್ಯಾಪಕ ಮೆಚ್ಚುಗೆಗಳು ವ್ಯಕ್ತವಾಗಿದೆ.

ವೃದ್ಧೆಯೊಬ್ಬರ ಹೃದಯಸ್ಪರ್ಶಿ ವಿಡಿಯೊವನ್ನು ಶೇರ್ ಮಾಡಿದ ವ್ಯಕ್ತಿಯೊಬ್ಬರಿಗೆ ಶಾರುಖ್‌ ಪ್ರತಿಕ್ರಿಯಿಸಿದ್ದಾರೆ. ಉದಯನ್ ಶುಕ್ಲಾ ಎಂಬ ವ್ಯಕ್ತಿ ಹೀಗೆ ಬರೆದಿದ್ದಾರೆ, “ಡಿಯರ್ ಶಾರುಖ್ ಖಾನ್, ನನ್ನ 85 ವರ್ಷದ ದಾದಿ ನಿಮ್ಮ ದೊಡ್ಡ ಅಭಿಮಾನಿ. ನಿಮ್ಮ ಯಾವುದೇ ಸಿನಿಮಾವನ್ನು ನೋಡದೇ ಇರುವುದಿಲ್ಲ ಅವರು. ಜವಾನ್ ಸಿನಿಮಾವನ್ನು ತುಂಬ ಇಷ್ಟ ಪಟ್ಟಿದ್ದಾರೆ, ನಿಮ್ಮನ್ನು ಕೂಡʼʼಎಂದು ಟ್ವೀಟ್‌ ಮಾಡಿದ್ದಾರೆ. ಕ್ಲಿಪ್‌ನಲ್ಲಿ, ಶಾರುಖ್ ಅವರ “ದೊಡ್ಡ ಅಭಿಮಾನಿ” ಎಂದು ವೃದ್ಧೆ ಸಂತಸ ಹೊರಹಾಕಿದರು.

ಇದನ್ನೂ ಓದಿ: Jawan Movie: ಬಿಡುಗಡೆಯಾದ ಬೆನ್ನಲ್ಲೇ ಆನ್‌ಲೈನ್‌ನಲ್ಲಿ ‘ಜವಾನ್’ ಸಿನಿಮಾ ಲೀಕ್! ಶಾರುಖ್ ಫ್ಯಾನ್ಸ್ ಆಕ್ರೋಶ

ಶಾರುಖ್‌ ಪ್ರತಿಕ್ರಿಯೆ

ಶಾರುಖ್ ಖಾನ್ ವಿಡಿಯೊಗೆ ಪ್ರತಿಕ್ರಿಯೆ ನೀಡಿ ʻʻದಾದಿ ಅವರಿಗೆ ಧನ್ಯವಾದ. ನನ್ನ ಇನ್ನಷ್ಟು ಸಿನಿಮಾಗಳೊಂದಿಗೆ ನಿಮ್ಮನ್ನು ನಗಿಸಲು ನಾನು ಮುಂದುವರಿಸುತ್ತೇನೆʼʼ ಎಂದು ಬರೆದಿದ್ದಾರೆ.

ಶಾರುಖ್ ಖಾನ್ ಅಭಿನಯದ ‘ಜವಾನ್’ ಸಿನಿಮಾ ಮತ್ತೊಂದು ಮೈಲಿಗಲ್ಲಿನತ್ತ ಸಾಗುತ್ತಿದೆ. ಸೆಪ್ಟೆಂಬರ್ 7 ರಂದು ಬಿಡುಗಡೆಯಾದ ಈ ಚಿತ್ರವು ಭಾರತದಲ್ಲಿ 350 ಕೋಟಿ ಕ್ಲಬ್‌ನ ಸಮೀಪದಲ್ಲಿದೆ. ಅಟ್ಲಿ ನಿರ್ದೇಶನದ, ಈ ಸಿನಿಮಾ ವಿಶ್ವಾದ್ಯಂತ 600 ಕೋಟಿ ರೂಪಾಯಿಗಳನ್ನು ದಾಟಿದೆ. ಹಿಂದಿಯಲ್ಲಿ ಬಹುತೇಕ ಎಲ್ಲಾ ಆರಂಭಿಕ ದಾಖಲೆಗಳನ್ನು ಮುರಿದು ತನ್ನ ಓಟವನ್ನು ಮುಂದುವರಿಸುತ್ತಿದೆ.

ಜವಾನ್’ ಚಿತ್ರವನ್ನು ರೆಡ್ ಚಿಲ್ಲೀಸ್ ಎಂಟರ್‌ಟೇನ್‌ಮೆಂಟ್ ಸಂಸ್ಥೆಯಡಿ ಗೌರಿ ಖಾನ್ ನಿರ್ಮಿಸುತ್ತಿದ್ದು, ಅಟ್ಲೀ ನಿರ್ದೇಶನದಲ್ಲಿ ಮೂಡಿಬಂದಿದೆ. ಚಿತ್ರದ ಮ್ಯೂಸಿಕ್‌ ರೈಟ್ಸ್‌ ಈಗಾಗಲೇ 36 ಕೋಟಿ ರೂ.ಗೆ ಮಾರಾಟವಾಗಿದೆ ಎಂದು ವರದಿಯಾಗಿದೆ.

Exit mobile version