ಬೆಂಗಳೂರು: ʻಕಾದಲನ್ʼ, ʻಶಿವಾಜಿʼ, ಇಂಡಿಯನ್ 2 ಹೀಗೆ ಹಲವು ಹಿಟ್‌ ಸಿನಿಮಾಗಳನ್ನು ನೀಡಿದ್ದ ಶಂಕರ್ ಷಣ್ಮುಗಂ (shankar shanmugam) ಮಗಳು ಐಶ್ವರ್ಯಾ ಶಂಕರ್ ಅವರು (Aishwarya Shankar) ತರುಣ್ ಕಾರ್ತಿಕೇಯನ್ ಜತೆ ವಿವಾಹವಾಗಿದ್ದಾರೆ. ಪುದುಚೇರಿ ಕ್ರಿಕೆಟ್ ತಂಡದ ನಾಯಕನಾಗಿದ್ದ ದಾಮೋದರ್ ರೊಹೀತ್ ಜತೆ ಶಂಕರ್ ಪುತ್ರಿ ಐಶ್ವರ್ಯಾ ಶಂಕರ್ ಮೊದಲು ಮುದುವೆಯಾಗಿದ್ದು. ಈಗ ಮೂರು ವರ್ಷದ ನಂತರ ಮತ್ತೊಮ್ಮೆ ಮದುವೆಯಾಗಿದ್ದಾರೆ. ಆರತಕ್ಷತೆಯ ಫೋಟೊಗಳು ಇದೀಗ ವೈರಲ್‌ ಆಗಿದ್ದು, ಗಣ್ಯರು ಸೇರಿದಂತೆ ಅನೇಕ ಸೆಲೆಬ್ರಿಟಿಗಳು ಭಾಗಿಯಾಗಿದ್ದರು . ರಾಮ್ ಚರಣ್, ಜಾಹ್ನವಿ ಕಪೂರ್, ಅಟ್ಲಿ ಕೂಡ ಇದ್ದರು. ಜಾನ್ವಿ ಕಪೂರ್ ಮತ್ತು ತಂದೆ ಬೋನಿ ಕಪೂರ್ ಕೂಡ ಫೋಟೊಗೆ ಪೋಸ್‌ ಕೊಟ್ಟಿದ್ದಾರೆ.
ಶಂಕರ್ ಷಣ್ಮುಗಂ ಅವರು ಮಗಳು ಐಶ್ವರ್ಯಾ ಅವರನ್ನು ,ಕ್ರಿಕೆಟ್ ಪ್ಲೇಯರ್ ದಾಮೋದರ್ ರೊಹೀತ್ ಅವರಿಗೆ ಮುಂಚೆ ಮುದುವೆ ಮಾಡಿಕೊಟ್ಟಿದ್ದರು. ಅಷ್ಟೇ ಅಲ್ಲದೇ ಅದ್ಧೂರಿಯಾಗಿ ಮದುವೆ ನೆರವೇರಿತ್ತು. ಮದುವೆಯಾದ ಕೆಲವೇ ದಿನದಲ್ಲಿ ಸಂಬಂಧ ಮುರಿದು ಬಿತ್ತು. ದಾಮೋದರ್ ರೊಹೀತ್ ವಿರುದ್ದ ಮದುವೆಯಾದ ವರ್ಷ 2021ರಲ್ಲಿಯೇ 16 ವರ್ಷದ ಯುವತಿ ಲೈಂಗಿಕ ಕಿರುಕುಳದ ಆರೋಪ ಮಾಡಿದ್ದರು. ಫೋಕ್ಸೋ ಕಾಯ್ದೆಯಡಿ ಪೊಲೀಸರು ಪ್ರಕರಣವನ್ನ ಕೂಡ ದಾಖಲಿಸಿಕೊಂಡಿದ್ದರು. ಐಶ್ವರ್ಯ ಬಳಿಕ ರೋಹಿತ್‌ಗೆ ಡಿವೋರ್ಸ್‌ ನೀಡಿದರು. ಈಗ ಮೂರು ವರ್ಷದ ನಂತರ ತರುಣ್ ಕಾರ್ತಿಕೇಯನ್ ಜತೆ ಮದುವೆಯಾಗಿದ್ದಾರೆ.
ಇದನ್ನೂ ಓದಿ: Indian 2: ‘ಇಂಡಿಯನ್ 2′ ಚಿತ್ರದ ಶೂಟಿಂಗ್ ಪೂರ್ಣ; ಕಮಲ್ ಹಾಸನ್ ಸಿನಿಮಾ ತೆರೆಗೆ ಯಾವಾಗ?
Actors @ikamalhaasan, @rajinikanth, @chiyaan, @Suriya_offl, @Karthi_Offl along with his wife graced the grand wedding ceremony of Director @shankarshanmugh‘s elder daughter #AishwaryaShankar with #TarunKarthikeyan! 🎊😍 pic.twitter.com/7GV0YtlARi
— Navi Filmy (@NaviFilmyOffl) April 16, 2024
ಮದುವೆ ಸಮಾರಂಭದಲ್ಲಿ ಸೂಪರ್ ಸ್ಟಾರ್ ರಜಿನಿಕಾಂತ್‌, ಕಮಲ್ ಹಾಸನ್, ಚಿಯಾನ್ ವಿಕ್ರಮ್.. ಮಣಿರತ್ನಂ, ಸುಹಾಸಿನಿ, ನಯನತಾರಾ ಹೀಗೆ ಅನೇಕ ತಾರೆಯರು ಭಾಗಿಯಾಗಿದ್ದರು.
ಇನ್ನು ಆರತಕ್ಷತೆಯಲ್ಲಿ ರಾಮ್ ಚರಣ್, ಪತ್ನಿ ಉಪಾಸನಾ ಕಾಮಿನೇನಿ ಜತೆಯಲ್ಲಿ, ಚಿರಂಜೀವಿ ಇದ್ದರು. ರಾಮ್ ಚರಣ್ ಪ್ರಸ್ತುತ ಶಂಕರ್ ಅವರ ಬಹು ನಿರೀಕ್ಷಿತ ಪ್ರಾಜೆಕ್ಟ್ ʻಗೇಮ್ ಚೇಂಜರ್‌ʼ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
ಜೂನ್‌ನಲ್ಲಿ ʻಇಂಡಿಯನ್ 2ʼ ಸಿನಿಮಾ ತೆರೆಗೆ!
ʻಇಂಡಿಯನ್ʼ (Indian 2 Movie) ಸಿನಿಮಾದಲ್ಲಿ ಕಮಲ್ ಹಾಸನ್ (kamal haasan) ಸೇನಾಪತಿ ಪಾತ್ರದಲ್ಲಿ ಮಿಂಚಿದ್ದರು. ಅದರ ಮುಂದುವರಿದ ಭಾಗವಾಗಿ ‘ಇಂಡಿಯನ್ 2’ ಹೊಸ ಪೋಸ್ಟರ್‌ ಜತೆಗೆ ಸಿನಿಮಾ ಡೇಟ್‌ ಅನೌನ್ಸ್‌ ಮಾಡಿದೆ. ಶಂಕರ್ ನಿರ್ದೇಶನದ ʻಇಂಡಿಯನ್ 2ʼ ಇದೇ ಜೂನ್‌ನಲ್ಲಿ ಬಿಡುಗಡೆಯಾಗಲಿದೆ.
Aishwarya, the elder daughter of renowned filmmaker Shankar Shanmugam, tied the knot with Tarun Karthikeyan.#sivakarthikeyan #anirudhravichander #anirudh #keerthysuresh #arrahman #shruthihassan #mohanlal #chiranjeevi #lokeshkanagaraj #ramcharan #beziquestreams #Kollywood pic.twitter.com/fbU1CCsDUQ
— Bezique Streams (@BeziqueStreams) April 16, 2024
ಚಿತ್ರತಂಡ ಸಿನಿಮಾ ಜೂನ್‌ನಲ್ಲಿ ಬಿಡುಗಡೆಯಾಗಲಿದೆ ಎಂದು ಮಾಹಿತಿ ಹಂಚಿಕೊಂಡಿದ್ದು, ಯಾವ ದಿನ ಎಂಬುದನ್ನು ಬಹಿರಂಗಪಡಿಸಿಲ್ಲ. ಹೊಸ ಪೋಸ್ಟರ್‌ನಲ್ಲಿ, ಕಮಲ್ ಬಿಳಿ ಅಂಗಿ ಧರಿಸಿ, ಕೈಯನ್ನು ಕೈಕೋಳದಲ್ಲಿ ಕಟ್ಟಿರುವುದನ್ನು ತೋರಿಸಲಾಗಿದೆ. ಚಿತ್ರದಲ್ಲಿ ಸೇನಾಪತಿ ಪಾತ್ರದಲ್ಲಿ ಕಮಲ್ ಕಾಣಿಸಿಕೊಳ್ಳಲಿದ್ದಾರೆ ಎಂದು ವರದಿಯಾಗಿದೆ. ಭ್ರಷ್ಟಾಚಾರ ಮತ್ತು ಅನ್ಯಾಯದ ವಿರುದ್ಧ ಸೇನಾಪತಿಯ ಹೋರಾಟದ ಕಥೆ ಇರಲಿದೆ ಎನ್ನಲಾಗಿದೆ.