ಬೆಂಗಳೂರು: ಹಲವಾರು ತಮಿಳು ಚಲನಚಿತ್ರಗಳಲ್ಲಿ ಖಳನಾಯಕನ ಪಾತ್ರಗಳಿಗೆ ಹೆಸರುವಾಸಿಯಾದ ನಟ ಡೇನಿಯಲ್ ಬಾಲಾಜಿ (Daniel Balaji), ತಮ್ಮ ಅಭಿನಯದೊಂದಿಗೆ ಛಾಪು ಮೂಡಿಸಿದವರು. ದುರಂತ ಎಂದರೆ ಮಾರ್ಚ್ 29ರ ರಾತ್ರಿ ಹಠಾತ್ ಹೃದಯಾಘಾತದಿಂದ ಬಾರದ ಲೋಕಕ್ಕೆ ಹೋಗಿದ್ದಾರೆ. ʻಕಿರಾತಕ’ ಸಿನಿಮಾ ಕನ್ನಡಕ್ಕೂ ಕಾಲಿಟ್ಟಿದ್ದ ಡೇನಿಯಲ್ ಬಾಲಾಜಿ ದುನಿಯಾ ವಿಜಯ್ ನಟಿಸಿದ ‘ಶಿವಾಜಿನಗರ’ ಸೇರಿದಂತೆ ಇನ್ನೂ ಕೆಲವು ಸಿನಿಮಾಗಳಲ್ಲಿ ನಟಿಸಿ ಗಮನ ಸೆಳೆದಿದ್ದರು. ಆದರೀಗ ನಟ ಸಾವಿನಲ್ಲೂ ಸಾರ್ಥಕತೆ ಮೆರೆದಿದ್ದಾರೆ. ನಟ ತಮ್ಮ ಕಣ್ಣುಗಳನ್ನು ದಾನ ಮಾಡಿದ್ದಾರೆ.
ನಟ ಎದೆನೋವಿನಿಂದ ಇತ್ತೀಚೆಗೆ ಚೆನ್ನೈ ಆಸ್ಪತ್ರೆಗೆ ದಾಖಲಾದರು. ನಂತರ ಅವರು ಕೊನೆಯುಸಿರು ಎಳೆದರು. ಇಂದು (ಮಾ.30) ಚೆನ್ನೈನ ಪುರಸೈವಾಕ್ಕಂನಲ್ಲಿರುವ ಅವರ ನಿವಾಸದಲ್ಲಿ ಅಂತ್ಯಕ್ರಿಯೆ ನಡೆಯಲಿದೆ. ಗೌತಮ್ ಮೆನನ್, ವೆಟ್ರಿ ಮಾರನ್ ಅವರಂತಹ ಪ್ರಮುಖ ಗಣ್ಯರು ನಟನ ನಿಧನಕ್ಕೆ ಸಂತಾಪ ಸೂಚಿಸಿದ್ದಾರೆ.
ಇದನ್ನೂ ಓದಿ; Daniel Balaji: ತಮಿಳು ಖ್ಯಾತ ಖಳ ನಟ ಹೃದಯಾಘಾತದಿಂದ ನಿಧನ
Few days back you told me during a 40 min call "One Day, I want to leave everything and go " but never expected this is what you meant …. will miss you da yet to digest you are gone. 😢 #DanielBalaji
— Sa Re Ga (मोदी जी का परिवार ) (@Rajsarega) March 30, 2024
He wanted to start a trust to rebuild temples in Tamil Nadu. 🙏🙏🙏 pic.twitter.com/82Nc311JJp
ಚಲನಚಿತ್ರ ವಿಶ್ಲೇಷಕ ಶ್ರೀಧರ್ ಪಿಳ್ಳೈ ಅವರು ಬಾಲಾಜಿ ಅವರ ನಿಧನದ ಸುದ್ದಿಯನ್ನು ತಮ್ಮ ಎಕ್ಸ್ ಖಾತೆಯಲ್ಲಿ ಹಂಚಿಕೊಂಡಿದ್ದರು. ಡೇನಿಯಲ್ ಬಾಲಾಜಿ (48) ಒಬ್ಬ ಉತ್ತಮ ನಟ. ಹೃದಯಾಘಾತದಿಂದ ತಡರಾತ್ರಿ ನಿಧನರಾದರು. ʻವೆಟ್ಟೈಯಾಡು ವಿಲಯಾಡುʼ, ʻಪೊಲ್ಲಾಧವನ್ʼ ಚಿತ್ರದಲ್ಲಿ ಖಳನಾಯಕನಾಗಿ ನಟಿಸಿದರು. ಅವರ ಅಭಿನಯವನ್ನು ಯಾರು ಮರೆಯಲು ಸಾಧ್ಯ?ʼʼಎಂದು ಬರೆದುಕೊಂಡಿದ್ದರು.
ಡೇನಿಯಲ್ ಬಾಲಾಜಿ ಇತ್ತೀಚೆಗೆ ಆಧ್ಯಾತ್ಮದ ಕಡೆಗೆ ಹೆಚ್ಚು ಒಲವು ಬೆಳೆಸಿಕೊಂಡಿದ್ದರು ಎನ್ನಲಾಗಿದೆ. ಆ ಕಾರಣಕ್ಕೆ ಅವರು ದೇವಸ್ಥಾನವನ್ನು ಕಟ್ಟಿದ್ದರು ಎಂದು ವರದಿಯಾಗಿದೆ.
ಡೇನಿಯಲ್ ಬಾಲಾಜಿ 2022ರ ಏಪ್ರಿಲ್ ʻಮಾಧತಿಲ್ʼ ಚಿತ್ರದ ಮೂಲಕ ತಮಿಳು ಇಂಡಸ್ಟ್ರಿಗೆ ಪದಾರ್ಪಣೆ ಮಾಡಿದರು. ಗೌತಮ್ ಮೆನನ್ ಮತ್ತು ಸೂರ್ಯ-ಜ್ಯೋತಿಕಾ ಅವರʻ ಕಾಖಾ ಕಾಖಾʼ ( Kaakha Kaakh) ಮೂಲಕ ಜನಪ್ರಿಯರಾದರು. ನಂತರ ಅವರು ʻವಿಧಿ ಮದಿ ಉಲ್ಟಾʼ (Vidhi Madhi Ultaa )ಮತ್ತು ʻಪೊಲ್ಲಾಧವನ್ʼ (Polladhavan) ಸೇರಿದಂತೆ ಹಲವಾರು ತಮಿಳು ಚಲನಚಿತ್ರಗಳಲ್ಲಿ ಕಾಣಿಸಿಕೊಂಡಿದ್ದರು. ದಳಪತಿ ವಿಜಯ್ ಅವರ ʻಭೈರವಾʼ, ಧನುಷ್ ಅವರ ʻವಡಾ ಚೆನ್ನೈʼ ಮತ್ತು ವಿಜಯ್ ಅವರ ʻಬಿಗಿಲ್ʼ (Bigil) ಚಿತ್ರಗಳಲ್ಲಿ ನಟಿಸಿದ್ದರು.
ಇದನ್ನೂ ಓದಿ: Anil Kapoor: ಸಿನಿಮಾಗೆ ʻನೋ ಎಂಟ್ರಿʼ ಎಂದ ಬೋನಿ; ಮಾತು ಬಿಟ್ಟ ತಮ್ಮ!
Morning Wake Up With Heartbroken News😰
— Madhav warpade (@madhav_warpade) March 30, 2024
The Man The Legend The Villain 😥😞 too early sir you leaving from this world💔🥀#RIPDanielBalaji #DanielBalaji pic.twitter.com/CA3hgQxbUc
ಕಮಲ್ ಹಾಸನ್ ನಟನೆಯ ‘ವೆಟ್ಟೈಯಾಡು ವಿಲೈಯಾಡು’ ಸಿನಿಮಾದಲ್ಲಿ ವಿಲನ್ ಪಾತ್ರ ಮಾಡಿದ್ದರು. ಮೋಹನ್ಲಾಲ್ ನಟನೆಯ ‘ಭಗವಾನ್’, ಮಮ್ಮೂಟಿ ನಟನೆಯ ‘ಡ್ಯಾಡಿ ಕೂಲ್’ ಸಿನಿಮಾಗಳಲ್ಲಿ ವಿಲನ್ ಪಾತ್ರ ಮಾಡಿದ್ದರು. ಬಾಲಾಜಿ ಕೆಲವು ಮಲಯಾಳಂ, ತೆಲುಗು ಮತ್ತು ಕನ್ನಡ ಚಲನಚಿತ್ರಗಳಲ್ಲಿಯೂ ಕೆಲಸ ಮಾಡಿದ್ದರು.
.