ಬೆಂಗಳೂರು: ನಿರ್ದೇಶಕ ಲೋಕೇಶ್ ಕನಕರಾಜ್ (Lokesh Kanagaraj) ಅವರು ಏಪ್ರಿಲ್ 14 ರಂದು ಹೊಸ ಸಿನಿಮಾ ಅನೌನ್ಸ್‌ ಮಾಡಿದ್ದಾರೆ. ಹೊಸ ಸಿನಿಮಾಗೆ ‘ಬೆಂಜ್’ (film titled ‘Benz’) ಎಂಬ ಶೀರ್ಷಿಕೆ ಇಟ್ಟಿದ್ದು, ಹೊಸ ಪೋಸ್ಟರ್‌ ಹಂಚಿಕೊಂಡಿದ್ದಾರೆ. ಆಕ್ಷನ್ ಥ್ರಿಲ್ಲರ್ ಚಿತ್ರದಲ್ಲಿ ರಾಘವ ಲಾರೆನ್ಸ್ (Raghava Lawrence) ಮುಖ್ಯ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಲೋಕೇಶ್ ಅವರೇ ಕಥೆ ಬರೆದಿದ್ದಾರೆ. ಈ ಚಿತ್ರವನ್ನು ಬಕ್ಕಿಯರಾಜ್ ಕಣ್ಣನ್ (Bakkiyaraj Kannan) ನಿರ್ದೇಶಿಸಲಿದ್ದಾರೆ.
‘ಸುತ್ತ ಕಾದಲ್’ ಮತ್ತು ‘ಸುಂದರ್ ಸಿ.’ ನಂತಹ ಚಿತ್ರಗಳ ಮೂಲಕ ಹೆಸರುವಾಸಿಯಾದ ಬಕ್ಕಿಯರಾಜ್ ಕಣ್ಣನ್ ನಿರ್ದೇಶನ ಮತ್ತು ನಟ ರಾಘವ ಲಾರೆನ್ಸ್ ಜತೆ ಲೋಕೇಶ್ ಕೈ ಜೋಡಿಸಿದ್ದಾರೆ. ಈ ಬಗ್ಗೆ ಲೋಕೇಶ್ ಅವರು ಪೋಸ್ಟ್‌ ಮಾಡಿ ʻʻನಮ್ಮ ಪ್ರೀತಿಯ ರಾಘವ ಲಾರೆನ್ಸ್ಅವರೊಂದಿಗೆ ಸಿನಿಮಾ ಮಾಡುತ್ತಿರುವುದು ನನಗೆ ತುಂಬಾ ಸಂತೋಷವಾಗಿದೆ. ನಮ್ಮ ತಂಡಕ್ಕೆ ಸೇರಿದಕ್ಕಾಗಿ ಧನ್ಯವಾದಗಳುʼʼಎಂದು ಬರೆದುಕೊಂಡಿದ್ದಾರೆ. ಲೋಕೇಶ್ ಕನಕರಾಜ್ ಅವರು ತಮ್ಮ ವಿಭಿನ್ನ ಶೈಲಿಯ ಆಕ್ಷನ್ ಫಿಲ್ಮ್ ಮೇಕಿಂಗ್‌ಗೆ ಹೆಸರುವಾಸಿಯಾಗಿದ್ದಾರೆ.
‘ಬೆಂಜ್’ ಚಿತ್ರದ ಪಾತ್ರವರ್ಗ, ಸಿಬ್ಬಂದಿ ಮತ್ತು ಸಿನಿಮಾ ಬಿಡುಗಡೆ ದಿನಾಂಕ ಹೀಗೆ ಹೆಚ್ಚಿನ ಅಪ್‌ಡೇಟ್‌ಗಳು ಮುಂದಿನ ದಿನಗಳಲ್ಲಿ ಗೊತ್ತಾಗಲಿದೆ ಎಂದು ಚಿತ್ರತಂಡ ಮಾಹಿತಿ ಹಂಚಿಕೊಂಡಿದೆ.
ಇದನ್ನೂ ಓದಿ: Leo OTT Release: ದಳಪತಿ ವಿಜಯ್‌-ಲೋಕೇಶ್ ಕನಕರಾಜ್ ಕಾಂಬೋ ʻಲಿಯೋʼಒಟಿಟಿಗೆ ಬರಲು ರೆಡಿ!
It is my wish to bring #Benz to the screen and this is catching its own wish at 11:11 🤞🏻
— Lokesh Kanagaraj (@Dir_Lokesh) April 14, 2024
I am very happy to be associating with our beloved @offl_Lawrence sir, thank you so much for trusting our team. And Director @bakkiyaraj_k , I am excited for you.
Thank you everyone for… pic.twitter.com/MOVB12Puh4
ಲೋಕೇಶ್ ಕನಕರಾಜ್ ಶ್ರುತಿ ಹಾಸನ್‌ಗೆ ಆ್ಯಕ್ಷನ್ ಕಟ್‌
ಕಮಲ್ ಹಾಸನ್ (Kamal Haasan) ನಟನೆಯ ‘ವಿಕ್ರಮ್’ ಚಿತ್ರಕ್ಕೆ ಲೋಕೇಶ್ ಕನಕರಾಜ್ ನಿರ್ದೇಶನ ಮಾಡುವ ಮೂಲಕ ಸೈ ಎನಿಸಿಕೊಂಡಿದ್ದರು. ಕಮಲ್ ಹಾಸನ್ ಪುತ್ರಿ ಶ್ರುತಿ ಹಾಸನ್ ಅವರಿಗೆ ಆ್ಯಕ್ಷನ್ ಕಟ್‌ ಹೇಳಲಿದ್ದಾರೆ ಲೋಕೇಶ್ ಕನಕರಾಜ್. ಕಮಲ್ ಹಾಸನ್ ಅವರ ನಿರ್ಮಾಣ ಸಂಸ್ಥೆ ರಾಜ್ ಕಮಲ್ ಫಿಲ್ಮ್ಸ್ ಇಂಟರ್ನ್ಯಾಷನಲ್ (RKFI) ಅಡಿಯಲ್ಲಿ ಈ ಸಿನಿಮಾ ನಿರ್ಮಾಣವಾಗುತ್ತಿದೆ.
ಕಮಲ್ ಹಾಸನ್ (Kamal Haasan) ನಟನೆಯ ‘ವಿಕ್ರಮ್’ ಚಿತ್ರಕ್ಕೆ ಲೋಕೇಶ್ ನಿರ್ದೇಶನ ಮಾಡಿದ್ದಾರೆ. ಅದೇ ರೀತಿ ಈ ಚಿತ್ರಕ್ಕೆ ಕಮಲ್ ಹಾಸನ್ ನಿರ್ಮಾಣ ಮಾಡಿದ್ದರು. ಇದೀಗ ಶ್ರುತಿ ಅವರಿಗೆ ಲೋಕೇಶ್ ಅವರು ನಿರ್ದೇಶನ ಮಾಡುತ್ತಿದ್ದು, ಕಮಲ್ ಹಾಸನ್ ಅವರ ನಿರ್ಮಾಣ ಸಂಸ್ಥೆ ಬಂಡವಾಳ ಹೂಡುತ್ತಿದೆ. ಶ್ರುತಿ ಮತ್ತು ಲೋಕೇಶ್ ಕನಕರಾಜ್ ಜತೆಯಿರುವ ಬ್ಲ್ಯಾಕ್ ಆ್ಯಂಡ್‌ ವೈಟ್ ಫೋಟೊ ಹಂಚಿಕೊಂಡು, ಇಬ್ಬರ ಕಾಂಬಿನೇಷನ್ ಸಿನಿಮಾ ಬಗ್ಗೆ ಚಿತ್ರತಂಡ ಅಧಿಕೃತ ಅಪ್‌ಡೇಟ್ ನೀಡಿತ್ತು. ಶ್ರುತಿ ಹಾಸನ್ ಅವರ ಚಿತ್ರಕ್ಕೆ ಇದೇ ಮೊದಲು ಕಮಲ್ ಹಾಸನ್ ಅವರು ನಿರ್ಮಿಸುತ್ತಿದ್ದಾರೆ. ಶ್ರುತಿ ಹಾಸನ್ ಅವರು ತಂದೆಯ ಚಿತ್ರಗಳಿಗೆ ಅನೇಕ ಹಾಡುಗಳನ್ನು ಹಾಡಿದ್ದರು.