ಬೆಂಗಳೂರು : ಇತ್ತೀಚೆಗೆ ಕೇರಳದಲ್ಲಿ “ಥಂಕಮ್” ಚಿತ್ರತಂಡ ಕಾಲೇಜು ಕಾರ್ಯಕ್ರಮವೊಂದರಲ್ಲಿ ಭಾಗಿಯಾಗಿತ್ತು. ಈ ವೇಳೆ ನಟಿ ಅಪರ್ಣಾ ಬಾಲಮುರಳಿ (Aparna Balamurali ) ಮೇಲೆ ವಿದ್ಯಾರ್ಥಿನಿಯೊಬ್ಬ ಅನುಚಿತ ವರ್ತನೆ ತೋರಿದ್ದಾನೆ. ಗಾಯಕ ವಿನೀತ್ ಶ್ರೀನಿವಾಸನ್ ಸೇರಿದಂತೆ “ಥಂಕಮ್” ಚಿತ್ರತಂಡ ವೇದಿಕೆಯಲ್ಲಿ ಉಪಸ್ಥಿತರಿದ್ದರು. ವೇದಿಕೆಯಲ್ಲಿ ವಿದ್ಯಾರ್ಥಿಗೆ ಸ್ವಾಗತಿಸಿಲು ಕೋರಿದಾಗ ನಟಿ ಅಪರ್ಣಾರನ್ನು ಕೈ ಕುಲುಕಿ ನಟಿಯ ಮೈ ಮೇಲೆ ಕೈ ಹಾಕಲು ಯತ್ನಿಸಿದ್ದಾನೆ. ವಿದ್ಯಾರ್ಥಿಯ ಈ ವರ್ತನೆಯಿಂದಾಗಿ ನಟಿ ಮುಜುಗರಕ್ಕೆ ಒಳಗಾಗಿದ್ದಾರೆ. ಇದೀಗ ಈ ವಿಡಿಯೊ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್ ಆಗಿದೆ.
ವಿದ್ಯಾರ್ಥಿ ನಂತರ ಕ್ಷಮೆಯಾಚಿಸಿದ್ದರೂ ವೇದಿಕೆಯಲ್ಲಿದ್ದ ಯಾವುದೇ ಕಾಲೇಜು ಅಧಿಕಾರಿಗಳು ಅವನ ವರ್ತನೆಯನ್ನು ವಿರೋಧ ವ್ಯಕ್ತಪಡಿಸಿಲ್ಲ. ಇದೀಗ ಈ ವಿಡಿಯೊ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್ ಆಗಿದ್ದು, ಈ ಬಗ್ಗೆ ಅಪರ್ಣಾ ಅಭಿಮಾನಿಗಳು ವಿರೊಧ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ | Sarath Kumar | ಕಾಲಿವುಡ್‌ ನಟ ಶರತ್‌ಕುಮಾರ್‌ ಆಸ್ಪತ್ರೆಗೆ ದಾಖಲು
ನೆಟ್ಟಿಗರು ವಿಡಿಯೊಗೆ ಕಮೆಂಟ್‌ ಮಾಡಿದ್ದು ʻʻವಿದ್ಯಾರ್ಥಿಯು ಪರಿಸ್ಥಿತಿಯ ಲಾಭವನ್ನು ಪಡೆಯಲು ಪ್ರಯತ್ನಿಸಿದ್ದಾರೆ. ಯಾರನ್ನಾದರೂ ಮುಟ್ಟಬೇಕು ಎಂತಾದರೆ ಅದರ ಬಗ್ಗೆ ಅರಿವಿರಬೇಕುʼʼಎಂದು ಕಮೆಂಟ್‌ ಮಾಡಿದರೆ ಇನ್ನೊಬ್ಬರು ʻʻಸಂಸ್ಕಾರ ಇಲ್ಲದ ವಿದ್ಯಾರ್ಥಿ. ಇಲ್ಲಿ ಕ್ಷಮಿಸಿ ಎಂದು ಹೇಳುವುದು ಪರಿಹಾರವಲ್ಲ, ಜೀವನದಲ್ಲಿ ಶಿಸ್ತು ಬೇಕು.”ಎಂದು ಗರಂ ಆಗಿ ಪ್ರತಿಕ್ರಿಯೆ ನೀಡಿದ್ದಾರೆ.
“ಥಂಕಮ್” ಸಿನಿಮಾವನ್ನು ಸಹೀದ್ ಅರಾಫತ್ ನಿರ್ದೇಶನ ಮಾಡಿದ್ದಾರೆ. ಚಿತ್ರದಲ್ಲಿ ಬಿಜು ಮೆನನ್, ವಿನೀತ್ ಶ್ರೀನಿವಾಸನ್, ಅಪರ್ಣಾ ಬಾಲಮುರಳಿ ಮತ್ತು ಗಿರೀಶ್ ಕುಲಕರ್ಣಿ ಸೇರಿದಂತೆ ತಾರಾಗಣವಿದೆ. ಈ ಚಿತ್ರವನ್ನು ಫಹಾದ್ ಫಾಸಿಲ್, ಶ್ಯಾಮ್ ಪುಷ್ಕರನ್ ಮತ್ತು ದಿಲೀಶ್ ಪೋತನ್ ನಿರ್ಮಿಸಿದ್ದಾರೆ. ಜನವರಿ 26ರಂದು ಚಿತ್ರ ಬಿಡುಗಡೆಯಾಗಿದೆ. ಗಿರೀಶ್ ಕುಲಕರ್ಣಿ ಅವರು ಮಹಾರಾಷ್ಟ್ರದ ಪೊಲೀಸ್ ಅಧಿಕಾರಿಯಾಗಿ ನಟಿಸಿದ್ದಾರೆ. ಚಿತ್ರದ ಬಹುತೇಕ ಚಿತ್ರೀಕರಣ ತಮಿಳುನಾಡಿನಲ್ಲಿ ನಡೆದಿದೆ.
ಇದನ್ನೂ ಓದಿ | Rakhi Sawant | ಮೈಸೂರಿನ ಜನ ನನ್ನೊಂದಿಗೆ ನಿಲ್ಲಬೇಕು: ಆದಿಲ್‌ ವಿಚಾರಕ್ಕೆ ಗಳ ಗಳನೇ ಅತ್ತ ರಾಖಿ ಸಾವಂತ್‌!