ಕಿಚ್ಚ ಸುದೀಪ್ ಹುಟ್ಟುಹಬ್ಬಕ್ಕೆ ಕೌಂಟ್‌ಡೌನ್‌ ಶುರುವಾಗಿರುವ ಹೊತ್ತಲ್ಲೇ ‘ವಿಕ್ರಾಂತ್ ರೋಣ’ನ ಅಭಿಮಾನಿ ಬಳಗಕ್ಕೂ ಸಿಹಿಸುದ್ದಿ ಸಿಕ್ಕಿದೆ. ನಾಳೆ ಸುದೀಪ್ ಅವರ ಬರ್ತ್‌ ಡೇ (Sudeep birthday) ಜೊತೆಗೆ ‘ವಿಕ್ರಾಂತ್ ರೋಣ’ ಕೂಡ ಒಟಿಟಿಗೆ ಎಂಟ್ರಿ ಕೊಡಲಿದೆ. ಹೀಗಾಗಿ ಫ್ಯಾನ್ಸ್‌ ಡಬಲ್‌ ಸಂಭ್ರಮದಲ್ಲಿದ್ದಾರೆ. ಈಗಾಗಲೇ ‘ವಿಕ್ರಾಂತ್ ರೋಣ’ ಚಿತ್ರ ₹250 ಕೋಟಿಗೂ ಹೆಚ್ಚು ಕಲೆಕ್ಷನ್‌ ಮಾಡಿದ್ದು, ಒಟಿಟಿ ಪ್ಲಾಟ್‌ಫಾರಂಗೂ ದೊಡ್ಡ ಮೊತ್ತಕ್ಕೆ ಸೋಲ್ಡ್‌ ಆಗಿದೆ.
ಅಭಿಮಾನಿಗಳ ಪಾಲಿನ ಅಭಿನಯ ಚಕ್ರವರ್ತಿ ಸುದೀಪ್ ಅವರ ‘ವಿಕ್ರಾಂತ್ ರೋಣ’ ಅಬ್ಬರಿಸಿ ಬೊಬ್ಬಿರಿಯುತ್ತಿದೆ. ಜುಲೈ 28ರಂದು ಸಿನಿಮಾ ಜಗತ್ತಿನಾದ್ಯಂತ ಸಾವಿರಾರು ಥಿಯೇಟರ್‌ಗಳಲ್ಲಿ ರಿಲೀಸ್‌ ಆಗಿತ್ತು. ಇದೇ ಮೊದಲ ಬಾರಿಗೆ ಕನ್ನಡಿಗರ ಚಿತ್ರ ಒಂದು ಹಾಲಿವುಡ್‌ಗೆ ಅಧಿಕೃತವಾಗಿ ಎಂಟ್ರಿ ಕೊಟ್ಟಂತಾಗಿತ್ತು. ಹೀಗೆ ವಿಕ್ರಾಂತ್ ರೋಣ ಚಿತ್ರ ಹಾಲಿವುಡ್‌ನಲ್ಲೂ ಭರ್ಜರಿ ಕಲೆಕ್ಷನ್‌ ಮಾಡಿದೆ. ಇಷ್ಟಲ್ಲಾ ನಿರೀಕ್ಷೆ ಜೊತೆಯಲ್ಲೇ ಒಟಿಟಿ ಪ್ಲಾಟ್‌ಫಾರಂನಲ್ಲೂ ಅಬ್ಬರಿಸಲು ಸಜ್ಜಾಗಿದೆ ನಟ ಸುದೀಪ್ ಸಿನಿಮಾ.
ಬಾಕ್ಸ್‌ ಆಫೀಸ್ ಶೇಕ್‌
ವಿಕ್ರಾಂತ್ ರೋಣ ರಿಲೀಸ್‌ ಆಗಿ 1 ತಿಂಗಳು ಕಂಪ್ಲೀಟ್ ಆಗಿದೆ. ಇದರ ಜೊತೆಗೆ ಕಿಚ್ಚ ಸುದೀಪ್ ಹುಟ್ಟುಹಬ್ಬ ಬಂದಿದೆ. ಈ ಬಾರಿ ಸುದೀಪ್ ಫ್ಯಾನ್ಸ್‌ ಸಖತ್ತಾಗಿ ಸೆಲೆಬ್ರೆಷನ್‌ ಮಾಡೋದಕ್ಕೆ ತಯಾರಿಯಲ್ಲಿ ತೊಡಗಿದ್ದಾರೆ. ಹೀಗಾಗಿ ಸೋಷಿಯಲ್‌ ಮೀಡಿಯಾದಲ್ಲಿ ಕಿಚ್ಚ ಸುದೀಪ್ ಬರ್ತ್‌ ಡೇ ವಿಚಾರ ಟ್ರೆಂಡ್‌ ಆಗುತ್ತಿದೆ. ಬಾಕ್ಸ್‌ ಆಫೀಸ್ ಶೇಕ್‌ ಮಾಡಿ, ಭಾರತೀಯ ಚಿತ್ರರಂಗದಲ್ಲಿ ಹೊಸ ದಾಖಲೆ ಬರೆದ ‘ವಿಕ್ರಾಂತ್ ರೋಣ’ ಬಾಲಿವುಡ್‌ನ ಸ್ಟಾರ್‌ಗಳಿಗೂ ನಡುಕ ತರಿಸಿತ್ತು. ಹೀಗಾಗಿಯೇ ‘ವಿಕ್ರಾಂತ್ ರೋಣ’ ರಿಲೀಸ್‌ ಆಗಿದ್ದಾಗ ಬಾಲಿವುಡ್‌ನ ಯಾವ ಸ್ಟಾರ್‌ ಸಿನಿಮಾ ಕೂಡ ರಿಲೀಸ್‌ ಆಗಿರಲಿಲ್ಲ.
ಈ ಬಾರಿ ಕಿಚ್ಚ ಸುದೀಪ್ ಅಭಿಮಾನಿ ಬಳಗಕ್ಕೆ ಗಿಫ್ಟ್ ಮೇಲೆ ಗಿಫ್ಟ್ ಸಿಗುತ್ತಿದೆ. ಒಂದು ಕಡೆ ‘ವಿಕ್ರಾಂತ್ ರೋಣ’ ಸಿನಿಮಾ ಬಿಗ್‌ ಹಿಟ್‌ ಆಗುವುದರ ಜೊತೆಗೆ ಸುದೀಪ್ ಅವರ ಮತ್ತಷ್ಟು ಹೊಸ ಸಿನಿಮಾಗಳು ಸೆಪ್ಟೆಂಬರ್‌ 2ರಂದು ಘೋಷಣೆಯಾಗುವ ಸಾಧ್ಯತೆ ಇದೆ. ಹೀಗಾಗಿ ಕೋಟ್ಯಂತರ ಅಭಿಮಾನಿಗಳು ಈ ಘಳಿಗೆಗಾಗಿ ಕಾಯುತ್ತಿದ್ದಾರೆ. ನಾಳೆ ಯಾವೆಲ್ಲಾ ಸರ್ಪ್ರೈಸ್‌ ಸಿಗಬಹುದು ಅಂತಾ ಕಾದು ನೋಡಬೇಕಿದೆ.
ಇದನ್ನೂ ಓದಿ: Kichcha Sudeep | ಕಿಚ್ಚ ಸುದೀಪ್ ಬರ್ತ್‌ ಡೇಗೆ ಅಂಚೆ ಇಲಾಖೆಯಿಂದ ಸ್ಪೆಷಲ್‌ ಗಿಫ್ಟ್!