ಚೆನ್ನೈ: ಸೂಪರ್ ಸ್ಟಾರ್ ರಜನಿಕಾಂತ್ (Rajinikanth) ಅವರ 73ನೇ ಹುಟ್ಟುಹಬ್ಬದ ಸಂದರ್ಭದಲ್ಲಿ ಅಭಿಮಾನಿಗಳಿಗೆ ಸಿಹಿ ಸುದ್ದಿ ಸಿಕ್ಕಿದೆ. ಜೈಲರ್‌ ಸಿನಿಮಾ ಭರ್ಜರಿ ಯಶಸ್ಸಿನ ಬಳಿಕ ತಮ್ಮ ನೆಚ್ಚಿನ ನಟನ ಮುಂದಿನ ಸಿನಿಮಾ ಯಾವಾಗ ಎಂದು ಅಭಿಮಾನಿಗಳು ಕಾಯುತ್ತಿದ್ದರು. ಇದೀಗ ರಜನಿಕಾಂತ್ ಅವರ ʼತಲೈವರ್ 170ʼ (Thalaivar 170 Title) ಸಿನಿಮಾ ಟೈಟಲ್‌ ರಿವೀಲ್ ಆಗಿದ್ದು, ಚಿತ್ರತಂಡವು ಮಂಗಳವಾರ ಟೈಟಲ್‌ ಟೀಸರ್‌ ಬಿಡುಗಡೆ ಮಾಡಿದೆ.
‘ಜೈ ಭೀಮ್‌’ ಖ್ಯಾತಿಯ ನಿರ್ದೇಶಕ ಟಿ.ಜೆ. ಜ್ಞಾನವೇಲ್ ನಿರ್ದೇಶನದ ʼತಲೈವರ್ 170ʼ ಸಿನಿಮಾಗೆ ʼವೆಟ್ಟಯ್ಯನ್’ ಎಂದು ಟೈಟಲ್‌ ಇಡಲಾಗಿದೆ. ವೆಟ್ಟಯ್ಯನ್ (Vettaiyan) ಎಂದರೆ ತಮಿಳಿನಲ್ಲಿ ʼಬೇಟೆಗಾರ (Hunter) ಎಂದು ಅರ್ಥ. ಇದು ಮಲ್ಟಿಸ್ಟಾರರ್‌ ಚಿತ್ರವಾಗಿದ್ದು, ಅಮಿತಾಬ್ ಬಚ್ಚನ್, ಫಹಾದ್ ಫಾಸಿಲ್, ರಾಣಾ ದಗ್ಗುಬಾಟಿ, ಮಂಜು ವಾರಿಯರ್ ಸೇರಿದಂತೆ ಪ್ರಮುಖ ಕಲಾವಿದರು ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಸಿನಿಮಾ ಚಿತ್ರೀಕರಣ ಕೂಡ ಭರದಿಂದ ಸಾಗುತ್ತಿದೆ.
The wait is over! ⌛ Presenting the title of #Thalaivar170 🕴🏻 – VETTAIYAN 🕶️
— Lyca Productions (@LycaProductions) December 12, 2023
▶️ https://t.co/lzzKA7B0lA
Unleashing Thalaivar's power, style & swag on his special day! 💥#Vettaiyan 🕶️ @rajinikanth @SrBachchan @tjgnan @anirudhofficial @LycaProductions #Subaskaran… pic.twitter.com/6wD1c5Zehw
ಲೈಕಾ ಪ್ರೊಡಕ್ಷನ್ಸ್ ಈ ಸಿನಿಮಾವನ್ನು ನಿರ್ಮಿಸುತ್ತಿದ್ದು, ಸಿನಿಮಾಗೆ ಅನಿರುದ್ಧ್ ರವಿಚಂದರ್ ಮ್ಯೂಸಿಕ್ ಇರಲಿದೆ. ವೆಟ್ಟಯ್ಯನ್ ಟೈಟಲ್‌ ಟೀಸರ್‌ನಲ್ಲಿ ಲಾಠಿ ಹಿಡಿದು ರಜಿನಿಕಾಂತ್ ಸ್ಟೈಲಿಸ್ಟ್ ಆಗಿ ನಡೆದುಕೊಂಡು ಬಂದಿದ್ದಾರೆ. “ಬೇಟೆ ಆರಂಭವಾದಾಗ ಆಹಾರ ತಪ್ಪದೇ ಸಿಗುತ್ತದೆ” ಎಂಬದು ತಮಿಳಿನಲ್ಲಿ ಡೈಲಾಗ್ ಹೇಳಿದ್ದಾರೆ. ಸಿನಿಮಾದಲ್ಲಿ ರಜನಿಕಾಂತ್ ನಿವೃತ್ತ ಪೊಲೀಸ್ ಅಧಿಕಾರಿಯಾಗಿ ಕಾಣಿಸಿಕೊಳ್ಳಲಿದ್ದು, ಪ್ರಕರಣವೊಂದನ್ನು ರೀ ಓಪನ್ ಮಾಡಿ ನ್ಯಾಯ ಒದಗಿಸುವ ಕೆಲಸವನ್ನು ಮಾಡಲಿದ್ದಾರೆ ಎನ್ನಲಾಗಿದೆ.
#Thalaivar170 – Vettaiyan!#HBDSuperstarRajinikanth pic.twitter.com/uOqzFl0tds
— Fahadh Faasil (@Fahadh_Offl) December 12, 2023
ಇದನ್ನೂ ಓದಿ | Mansoor Ali Khan: ಅಸಭ್ಯ ಹೇಳಿಕೆ ನೀಡಿದ್ದಲ್ಲದೆ ತ್ರಿಶಾ ವಿರುದ್ಧವೇ ಮೊಕದ್ದಮೆ; ನಟನಿಗೆ ಕೋರ್ಟ್‌ ತಪರಾಕಿ
ತಮ್ಮ ವಿಶಿಷ್ಟ ಸ್ಟೈಲ್‌ನಿಂದಲೇ ಇಡೀ ಭಾರತೀಯ ಚಿತ್ರೋದ್ಯಮದ ಗಮನ ಸೆಳೆದಿರುವ ಸೂಪರ್ ಸ್ಟಾರ್ ರಜನಿಕಾಂತ್ ಇಂದು (ಡಿಸೆಂಬರ್‌ 12) 73ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ (Rajinikanth Birthday). ದಕ್ಷಿಣ ಭಾರತದ ಅತ್ಯಂತ ಶ್ರೀಮಂತ ನಟ ಎಂದು ಕರೆಯಿಸಿಕೊಳ್ಳುವ ರಜನಿಕಾಂತ್ ಕನ್ನಡ, ತಮಿಳು, ಹಿಂದಿ ಮತ್ತಿತರ ಭಾಷೆಗಳಲ್ಲಿಯೂ ನಟಿಸಿದ್ದಾರೆ. ಈಗಲೂ ಅಭಿನಯಿಸುತ್ತ ಚಿತ್ರರಂಗದಲ್ಲಿ ಸಕ್ರಿಯರಾಗಿದ್ದಾರೆ.
ರಜನಿಕಾಂತ್ ಅವರಿಗೆ 2000ರಲ್ಲಿ ಪದ್ಮ ಭೂಷಣ, 2016ರಲ್ಲಿ ಪದ್ಮ ವಿಭೂಷಣ ಮತ್ತು 2019ರಲ್ಲಿ ದಾದಾ ಸಾಹೇಬ್ ಫಾಲ್ಕೆ ಪ್ರಶಸ್ತಿ ನೀಡಲಾಯಿತು. ಇತ್ತೀಚೆಗೆ ತೆರೆಕಂಡ ʼಜೈಲರ್‌ʼ ಚಿತ್ರ ಬಾಕ್ಸ್‌ ಆಫೀಸ್‌ನಲ್ಲಿ ಭರ್ಜರಿ ಗಳಿಕೆ ಕಂಡಿದೆ. ಇವರಿಗೆ ಇಬ್ಬರು ಮಕ್ಕಳು. ಖ್ಯಾತ ನಟ ಧನುಷ್‌ ಅವರು ರಜನಿಕಾಂತ್ ಅವರ ಅಳಿಯ.
ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಾಮೆಂಟ್ ಮೂಲಕ ತಿಳಿಸಿ