ಬೆಂಗಳೂರು : ನಟಿ ಸುಶ್ಮಿತಾ ಸೇನ್ (Sushmita Sen) ಬಾಲಿವುಡ್‌ನಲ್ಲಿ ಮಿಂಚಿದವರು. ಮಾಡೆಲಿಂಗ್‌ ಜಗತ್ತಿನಲ್ಲಿ ಹಾಗೂ ಚಿತ್ರರಂಗದಲ್ಲಿ, ಎರಡೂ ಕ್ಷೇತ್ರದಲ್ಲಿ ಯಶಸ್ಸು ಸಿಕ್ಕಿತು. ಈ ಹಿಂದೆ ತಮಗಿಂತ 15 ವರ್ಷ ಚಿಕ್ಕ ಯುವಕನ ಜತೆ ಅವರು ಡೇಟಿಂಗ್ ಮಾಡಿದ್ದು ದೊಡ್ಡ ಸುದ್ದಿಯಾಗಿತ್ತು. ಇದೀಗ ತಮಗಿಂತ 10 ವರ್ಷ ಹಿರಿಯರಾದ ಲಲಿತ್ ಮೋದಿ ಜತೆ ಪ್ರೀತಿಯಲ್ಲಿ ಬಿದ್ದಿದ್ದಾರೆ. ಮದುವೆ ಆಗದ ಸುಶ್ಮಿತಾ ಸೇನ್ ಅವರಿಗೆ ಇಬ್ಬರು ಮಕ್ಕಳೂ ಇದ್ದಾರೆ.
ಐಪಿಎಲ್‌ನ ಮಾಜಿ ಮುಖ್ಯಸ್ಥ ಲಲಿತ್ ಮೋದಿ ಅವರೊಂದಿಗೆ ಡೇಟಿಂಗ್
ಮಾಜಿ ಭುವನ ಸುಂದರಿ ಸುಶ್ಮಿತಾ ಸೇನ್ ಐಪಿಎಲ್‌ನ ಮಾಜಿ ಮುಖ್ಯಸ್ಥ ಲಲಿತ್ ಮೋದಿಯವರನ್ನು ಮದುವೆಯಾಗುವುದು ಖಚಿತ ಪಟ್ಟಿದೆ. ಈ ವಿಷಯವನ್ನು ಲಲಿತ್ ಮೋದಿಯವರೇ ಟ್ವಿಟರ್‌ನಲ್ಲಿ ಖಚಿತ ಪಡಿಸಿದ್ದಾರೆ. ಇಬ್ಬರೂ ಒಟ್ಟಿಗೇ ಪ್ರವಾಸ ಕೈಗೊಂಡಿದ್ದು, ಮಾಲ್ದೀವ್ಸ್‌ನಲ್ಲಿ ಕಳೆದ ರಸಮಯ ಸಮಯದ ಚಿತ್ರಗಳನ್ನು ಲಲಿತ್ ಮೋದಿಯವರೇ ಟ್ವೀಟರ್‌ನಲ್ಲಿ ಹಂಚಿಕೊಂಡಿದ್ದರು. ಸುಶ್ಮಿತಾ ಸೇನ್ ಅವರನ್ನು ಬಾಳ ಸಂಗಾತಿ ಎಂದು ಕರೆದಿದ್ದರು. ಹೊಸ ಜೀವನ ಆರಂಭ ಎಂದು ಬರೆದುಕೊಂಡಿದ್ದರು. ಹೀಗಾಗಿ ಇವರಿಬ್ಬರೂ ಗೌಪ್ಯವಾಗಿ ಮದುವೆಯಾಗಿದ್ದಾರೆ ಎಂಬ ಸುದ್ದಿ ಹರಡಿದ್ದು, ಕೂಡಲೇ ಈ ಕುರಿತು ಟ್ವಿಟರ್‌ನಲ್ಲಿಯೇ ಸ್ಪಷ್ಟನೆ ನೀಡಿರುವ ಲಲಿತ್ ಮೋದಿ, ʻʻನಾವಿಬ್ಬರೂ ಇನ್ನೂ ಮದುವೆಯಾಗಿಲ್ಲ, ಒಟ್ಟಿಗೇ ಓಡಾಡುತ್ತಿದ್ದೇವೆ. ಮುಂದೊಂದು ದಿನ ಅದೂ ಆಗಬಹುದುʼʼ ಎಂದಿದ್ದಾರೆ.
ಇದನ್ನೂ ಓದಿ | ಲಲಿತ್ ಮೋದಿ: ವಂಚಿಸಿ ಭಾರತದಿಂದ ಪರಾರಿ, ಸುಶ್ಮಿತಾ ಸೇನ್ ಜತೆ ಡೇಟಿಂಗ್ ಸವಾರಿ!
ವಿಶ್ವ ಸುಂದರಿ ಸುಶ್ಮಿತಾ
18ನೇ ವಯಸ್ಸಿನಲ್ಲಿಯೇ ಸುಶ್ಮಿತಾ ಸೇನ್ ʻಮಿಸ್‌ ಯೂನಿವರ್ಸ್‌ʼ ಮತ್ತು ʻಮಿಸ್‌ ಇಂಡಿಯಾʼ ಕಿರೀಟ ಪಡೆದರು. ನಂತರ ಬಣ್ಣದ ಲೋಕಕ್ಕೆ ಪದಾರ್ಪಣೆ ಮಾಡಿದರು. ತಮ್ಮ 24ನೇ ವಯಸ್ಸಿನಲ್ಲಿ ಅವರು ಹೆಣ್ಣು ಮಗುವನ್ನು ದತ್ತು ಪಡೆಯುವ ತೀರ್ಮಾನಕ್ಕೆ ಬಂದರು. 2000ರಲ್ಲಿ ರೀನೀ ಎಂಬ ಹೆಣ್ಣು ಮಗಳನ್ನು ದತ್ತು ಪಡೆದುಕೊಂಡರು. 2010ರಲ್ಲಿ ಆಲಿಶಾ ಎಂಬ ಮಗುವನ್ನು ದತ್ತು ಪಡೆದರು.
ಸುಶ್ಮಿತಾ ಬ್ರೇಕ್ಅಪ್ ಕಹಾನಿ
1. ರೋಹ್ಮನ್ ಶಾಲ್ ಜತೆ ಬ್ರೇಕ್ಅಪ್
2018ರಲ್ಲಿ ಸುಶ್ಮಿತಾ ಸೇನ್ ಮೊದಲ ಬಾರಿಗೆ ರೋಹ್ಮನ್ ಶಾಲ್ ಜತೆಗಿನ ಫೋಟೋಗಳನ್ನು ಪೋಸ್ಟ್ ಮಾಡಿದ್ದು ಅಭಿಮಾನಿಗಳಿಗೆ ಕುತೂಹಲ ಮೂಡಿಸಿತ್ತು. ಸುಶ್ಮಿತಾ ಮತ್ತು ರೋಹ್ಮನ್ ಫ್ಯಾಮಿಲಿ ಫಂಕ್ಷನ್‌ಗಳಲ್ಲಿ ಮತ್ತು ಸಾರ್ವಜನಿಕ ಸಭೆಗಳಲ್ಲಿ ಜತೆಯಾಗಿ ಕಾಣಿಸಿಕೊಂಡಿದ್ದರು. ನಂತರ ಇವರಿಬ್ಬರು ಡೇಟಿಂಗ್ ನಡೆಸುತ್ತಿರುವುದು ಬೆಳಕಿಗೆ ಬಂದಿತ್ತು.
ಡಿಸೆಂಬರ್ 23, 2021ರಂದು, ಇಬ್ಬರೂ ದೂರವಾಗುತ್ತಿರುವುದನ್ನು ಪೋಸ್ಟ್ ಮೂಲಕ ಹಂಚಿಕೊಂಡಿದ್ದರು. ತನ್ನ ಮಾಜಿ ಗೆಳೆಯ ರೋಹ್ಮನ್ ಜತೆಗಿನ ಫೋಟೋವನ್ನು ಹಂಚಿಕೊಂಡ ಸುಶ್ಮಿತಾ, ʻʻನಾವು ಸ್ನೇಹಿತರಾಗಿಯೇ ಇದ್ದೇವೆ!! ಪ್ರೀತಿ ಉಳಿದಿದೆ !!ʼʼ ಎಂದು ಬರೆದುಕೊಂಡಿದ್ದರು.
2. ವಿಕ್ರಮ್ ಭಟ್ ಜತೆ ವಿವಾಹದಾಚೆ ಸಂಬಂಧ
ಸುಶ್ಮಿತಾ ಸೇನ್ ಮತ್ತು ವಿಕ್ರಮ್ ಭಟ್ ಬಾಲಿವುಡ್‌ನ ಮೋಸ್ಟ್‌ ಹ್ಯಾಪನಿಂಗ್ ಜೋಡಿಗಳಲ್ಲಿ ಒಂದಾಗಿದ್ದರು. ʻದಸ್ತಕ್ʼ ಚಿತ್ರದ ಚಿತ್ರೀಕರಣದ ವೇಳೆ ವಿಕ್ರಮ್ ಭಟ್ ಮತ್ತು ಸುಶ್ಮಿತಾ ಸೇನ್ ಅವರ ಕುರಿತು ಗಾಸಿಪ್‌ಗಳು ಹರಿದಾಡಿದ್ದವು. ಇವರ ಸಂಬಂಧವೇ ವಿಕ್ರಮ್ ಭಟ್ ಮತ್ತು ಪತ್ನಿ ಅದಿತಿಯ ನಡುವೆ ಭಿನ್ನಾಭಿಪ್ರಾಯಕ್ಕೆ ಕಾರಣವಾಗಿತ್ತು.
3. ರಣದೀಪ್ ಹೂಡಾ ರಿಲೇಶನ್‌ಶಿಪ್
ರಣದೀಪ್ ಹೂಡಾ ಮತ್ತು ಸುಶ್ಮಿತಾ ಸೇನ್ ಅವರು ಮೂರು ವರ್ಷಗಳ ಕಾಲ ರಿಲೇಷನ್‌ಶಿಪ್‌ನಲ್ಲಿ ಇದ್ದರು. ಈ ಸಂಬಂಧ ಅತ್ಯಂತ ಕಹಿಯಾದ ಅಂತ್ಯವನ್ನು ಹೊಂದಿತ್ತು. ಸಂದರ್ಶನವೊಂದರಲ್ಲಿ ರಣದೀಪ್ ಹೂಡಾ ಅವರು ಸುಶ್ಮಿತಾ ಸೇನ್ ಜತೆಗಿನ ಸಂಬಂಧವನ್ನು ಮುರಿದುಕೊಳ್ಳುವುದು ನನಗೆ ಸಂಬಂಧಿಸಿದ ಅತ್ಯುತ್ತಮ ವಿಷಯ ಎಂದು ಹೇಳಿದ್ದರು.
ಟೈಮ್ಸ್ ಆಫ್ ಇಂಡಿಯಾದೊಂದಿಗಿನ ಸಂವಾದದಲ್ಲಿ, ರಣದೀಪ್ “ಮೂರು ವರ್ಷಗಳಲ್ಲಿ ಅವಳೊಂದಿಗಿನ ನನ್ನ ಸಂಬಂಧದ ದೊಡ್ಡ ಭಾಗವೆಂದರೆ ಮಗಳು ರೆನೀ ಅವರೊಂದಿಗಿನ ನನ್ನ ಆತ್ಮೀಯತೆ. ನಮ್ಮಿಬ್ಬರ ಸಂಬಂಧ ಮುರಿದು ಬಿದ್ದ ಮೇಲೆ ಇದಕ್ಕಾಗಿ ನಾನು ನನ್ನ ಜೀವನದಲ್ಲಿ ಹೆಚ್ಚು ಸಮಯವನ್ನು ನೀಡಿದ್ದೇನೆʼʼ ಎಂದು ಹೇಳಿಕೊಂಡಿದ್ದರು.
4. ಸುಶ್ಮಿತಾ ಸೇನ್ ಮತ್ತು ಬಂಟಿ ಸಚ್‌ದೇವ್ ವದಂತಿ
ಬಂಟಿ ಸಚ್‌ದೇವ್ ಕಾರ್ನರ್‌ಸ್ಟೋನ್ ಹೆಸರಿನ ಟ್ಯಾಲೆಂಟ್ ಮ್ಯಾನೇಜ್‌ಮೆಂಟ್ ಕಂಪನಿಯ ಮುಖ್ಯಸ್ಥರಾಗಿದ್ದಾರೆ. ಇಬ್ಬರು ಹಲವು ಬಾರಿ ಒಟ್ಟಿಗೆ ಕಾಣಿಸಿಕೊಂಡಿದ್ದರು. ಬಂಟಿ ಸಚ್‌ದೇವ್ ಆ ಸಮಯದಲ್ಲಿ ಸುಶ್ಮಿತಾ ಅವರ ಮ್ಯಾನೇಜರ್ ಆಗಿದ್ದರು. ಆದರೆ, ಸುಶ್ಮಿತಾ ಇವರಿಬ್ಬರ ರಿಲೇಷನ್‌ಶಿಪ್‌ ವದಂತಿಗಳಿಗೆ ನಗೆ ಬೀರಿದ್ದರು.
5. ವಾಸಿಂ ಅಕ್ರಂ ಜತೆ ಲಾಂಗ್‌ ಡಿಸ್ಟೆನ್ಸ್‌
ಹಲವು ಮಾಧ್ಯಮಗಳ ವರದಿ ಪ್ರಕಾರ, ಪಾಕಿಸ್ತಾನಿ ಕ್ರಿಕೆಟ್ ತಂಡದ ಮಾಜಿ ನಾಯಕ ವಾಸಿಂ ಅಕ್ರಮ್ ಮತ್ತು ಸುಶ್ಮಿತಾ ಸೇನ್ ʻಏಕ್ ಖಿಲಾಡಿ ಏಕ್ ಹಸೀನಾʼ ಎಂಬ ಡ್ಯಾನ್ಸ್ ರಿಯಾಲಿಟಿ ಶೋನಲ್ಲಿ ತೀರ್ಪುಗಾರರಾಗಿದ್ದಾಗ ಇಬ್ಬರೂ ಪ್ರೀತಿಸುತ್ತಿದ್ದರು ಎಂದು ಸುದ್ದಿ ಹರಿದಾಡಿತ್ತು.
ಐದು ತಿಂಗಳ ನಂತರ, ಲಲಿತ್ ಮೋದಿಯೊಂದಿಗೆ ಸುಶ್ಮಿತಾ ಅವರು ಹತ್ತಿರವಾಗಿದ್ದೇ, ಇವರಿಬ್ಬರು ದೂರವಾಗಲು ಕಾರಣ ಎಂಬ ಮಾತುಗಳು ಹರಿದಾಡಿತ್ತು.
6. ರಿತಿಕ್ ಭಾಸಿನ್
2015ರಲ್ಲಿ, ಸುಶ್ಮಿತಾ ಸೇನ್ ಮುಂಬೈ ಮೂಲದ ರೆಸ್ಟೊರೆಟರ್ ರಿತಿಕ್ ಭಾಸಿನ್ ಜತೆ ಡೇಟಿಂಗ್ ನಡೆಸುತ್ತಿದ್ದಾರೆ ಎಂದು ಹೇಳಲಾಗಿತ್ತು. ಹಲವಾರು ಸಾರ್ವಜನಿಕ ಪ್ರವಾಸಗಳಲ್ಲಿ ಒಟ್ಟಿಗೆ ಕಾಣಿಸಿಕೊಂಡ ನಂತರ ಇವರು ದಂಪತಿ ಎಂಬ ವದಂತಿಗಳು ಕೇಳಿಸಿದವು.
7. ಮುದಸ್ಸರ್ ಅಜೀಜ್
ಸುಶ್ಮಿತಾ ಸೇನ್ ಮತ್ತು ಚಲನಚಿತ್ರ ನಿರ್ಮಾಪಕ ಮುದಸ್ಸರ್ ಅಜೀಜ್ ಕೂಡ ಸಂಬಂಧದಲ್ಲಿದ್ದರು. ಸುಶ್ಮಿತಾ ಅವರೊಂದಿಗಿನ ಬ್ರೇಕ್ಅಪ್ ನಂತರ, ಇಡೀ ವಿಷಯಕ್ಕೆ ಅವರ ಕುಟುಂಬ ಹೇಗೆ ಪ್ರತಿಕ್ರಿಯಿಸಿತು ಎಂಬುದರ ಕುರಿತು 2010ರಲ್ಲಿ ಡಿಎನ್‌ಎಗೆ ನೀಡಿದ ಸಂದರ್ಶನದಲ್ಲಿ ಮಾತನಾಡಿದ್ದರು. ʻʻನಾನು ಸುಶ್ಮಿತಾಳ ಜತೆಗಿದ್ದೇನೆ ಎಂದು ಜನ ಮಾತನಾಡತೊಡಗಿದಾಗಲೂ, ಹಾಗೇ ನಾವು ಬೇರ್ಪಟ್ಟಿದ್ದೇವೆ ಎಂದು ಹೇಳಿದಾಗಲೂ ನಾನು ಪ್ರತಿಕ್ರಿಯಿಸಲಿಲ್ಲ. ಈ ಸುದ್ದಿ ನನ್ನ ಹೆತ್ತವರಿಗೆ ತುಂಬಾ ತೊಂದರೆ ಕೊಟ್ಟಿತು. ನಾನು ಮಧ್ಯಮ ವರ್ಗದ ಹಿನ್ನೆಲೆಯಿಂದ ಬಂದವನು ಮತ್ತು ಪೋಷಕರು ತಮ್ಮ ಮಗನ ಸಂಬಂಧದ ಗಾಸಿಪ್‌ಗಳ ಬಗ್ಗೆ ಪತ್ರಿಕೆಗಳಲ್ಲಿ ಓದುವುದು ಎಷ್ಟು ಕೆಟ್ಟದಾಗಿರುತ್ತದೆ ಎಂಬುದು ನಿಮಗೆ ತಿಳಿದಿದೆ. ಇದು ನನ್ನ ಹೆತ್ತವರೊಂದಿಗಿನ ನನ್ನ ಸಂಬಂಧದ ಮೇಲೆ ಪರಿಣಾಮ ಬೀರಿತ್ತುʼʼ ಎಂದು ಹೇಳಿಕೊಂಡಿದ್ದರು.
8. ಇಮ್ತಿಯಾಜ್ ಖತ್ರಿ
36 ವರ್ಷದ ಸುಶ್ಮಿತಾ 22 ವರ್ಷದ ಉದ್ಯಮಿ ಇಮ್ತಿಯಾಜ್ ಖತ್ರಿಯನ್ನು ಪ್ರೀತಿಸುತ್ತಿದ್ದರು. ಇವರಿಬ್ಬರು ಗೋವಾದಲ್ಲಿ ರ್‍ಯಾಂಪ್‌ ವಾಕ್ ಮಾಡಿದ್ದು ಇವರ ಆತ್ಮೀಯತೆಗೆ ಕಾರಣವಾಗಿತ್ತು ಎಂದು ವದಂತಿ ಹಬ್ಬಿತ್ತು. ಸುಶ್ಮಿತಾ ಈ ಬಗ್ಗೆ ಯಾವುದೇ ಪ್ರತಿಕ್ರಿಯೆ ನೀಡದಿದ್ದರೂ, ಇಮ್ತಿಯಾಜ್ ಅವರು ತನಗೆ ಯಾವಾಗಲೂ ಒಳ್ಳೆಯ ಸ್ನೇಹಿತರು ಎಂದು ಹೇಳಿದ್ದರು.
9. ಸಬೀರ್ ಭಾಟಿಯಾ
ಸಬೀರ್ ಭಾಟಿಯಾ ಹಾಟ್‌ಮೇಲ್‌ನ ಸಂಸ್ಥಾಪಕರಾಗಿದ್ದು, ಅವರ ಜತೆಗೂ ಸಂಬಂಧದಲ್ಲಿದ್ದಾರೆ ಎಂಬ ವದಂತಿಗಳು ಹಬ್ಬಿದ್ದವು. ಈ ಬಗ್ಗೆ ಇಬ್ಬರೂ ಯಾವುದೇ ವಿಶೇಷ ಪ್ರತಿಕ್ರಿಯೆ ನೀಡಲಿಲ್ಲ.
10. ಅನಿಲ್ ಅಂಬಾನಿ
ಸುಶ್ಮಿತಾ ಸೇನ್, ಅನಿಲ್ ಅಂಬಾನಿಯೊಂದಿಗೆ ಡೇಟಿಂಗ್ ಮಾಡುತ್ತಿದ್ದಾರೆ ಎಂಬ ವದಂತಿಗಳು ಕೇಳಿ ಬಂದಿತ್ತು. ಅನಿಲ್ ಅಂಬಾನಿ ಹಾಗೂ ಸುಶ್ಮಿತಾ ಅವರ ಪ್ರೀತಿಯಿಂದಾಗಿ ಟೀನಾ ಅಂಬಾನಿ ಜತೆಗಿನ ಅವರ ದಾಂಪತ್ಯಕ್ಕೆ ತೊಂದರೆಯಾಗಿತ್ತು ಎಂಬ ಗಾಸಿಪ್‌ಗಳು ಹರಿದಾಡಿದ್ದವು.
ಸುಶ್ಮಿತಾ ಸೇನ್ ನಟಿಸಿದ ಮೊದಲ ಸಿನಿಮಾ ʼದಸ್ತಕ್ʼ. ನಾಯಕಿಯಾಗಿ ನಟಿಸಿರುವುದರ ಜತೆ ಹಲವು ಸಿನಿಮಾಗಳಲ್ಲಿ ಅತಿಥಿ ಪಾತ್ರದಲ್ಲಿಯೂ ನಟಿಸಿದ್ದಾರೆ. ʻಬೀವಿ ನಂ 1ʼ, ʼಮೈ ಹೂ ನಾʼ,ʻಮೈ ನೇ ಪ್ಯಾರ್‌ ಕ್ಯೂ ಕಿಯಾʼ ಮುಂತಾದ ಸಿನಿಮಾಗಳಲ್ಲಿ ನಟಿಸಿದ್ದರು.
ಇದನ್ನೂ ಓದಿ | ಬೆಂಗಳೂರಿನ ವಿಧಾನಸೌಧ ಬಾಲಿವುಡ್‌ನವರಿಗೆ CBI ಪ್ರಧಾನ ಕಚೇರಿ, ಎಂಥಾ ವಿಪರ್ಯಾಸ!