ಬೆಂಗಳೂರು: ʼಆರಂಭʼ ಸೇರಿದಂತೆ ಕನ್ನಡದ ಕೆಲವು ಚಿತ್ರಗಳಲ್ಲಿ ನಾಯಕನಾಗಿ ಅಭಿನಯಿಸಿದ್ದ ಹಿರಿಯ ನಟ ಉದಯ್‌ ಹುತ್ತಿನಗದ್ದೆ (62) ಗುರುವಾರ ಉಸಿರಾಟದ ಸಮಸ್ಯೆಯಿಂದ ನಿಧನರಾದರು. ಅವರು ಪತ್ನಿ ಹಾಗೂ ಇಬ್ಬರು ಮಕ್ಕಳನ್ನು ಅಗಲಿದ್ದಾರೆ.
1987ರಲ್ಲಿ ಬಿಡುಗಡೆಯಾದ ʼಆರಂಭʼ ಚಿತ್ರದ ಮೂಲಕ ಕನ್ನಡ ಚಿತ್ರರಂಗಕ್ಕೆ ಪ್ರವೇಶ ಮಾಡಿದ್ದ ಅವರು, ನಂತರದ ವರ್ಷಗಳಲ್ಲಿ ʼಶಿವಯೋಗಿ ಅಕ್ಕಮಹಾದೇವಿʼ ಸೇರಿದಂತೆ ಹಲವು ಚಿತ್ರಗಳಲ್ಲಿ ನಟಿಸಿದ್ದರು.
ಇದನ್ನೂ ಓದಿ | SDM ಶಿಕ್ಷಣ ಟ್ರಸ್ಟ್ ಕಾರ್ಯದರ್ಶಿ ಯಶೋವರ್ಮ ಸಿಂಗಾಪುರದಲ್ಲಿ ವಿಧಿವಶ
ನಾಗತಿಹಳ್ಳಿ ಚಂದ್ರಶೇಖರ್‌ ನಿರ್ದೇಶನದ ʼಉಂಡೂ ಹೋದ ಕೊಂಡೂ ಹೋದʼ ಅವರು ನಟಿಸಿದ ಕೊನೆಯ ಚಿತ್ರವಾಗಿತ್ತು. 90ರ ದಶಕದಲ್ಲಿ ಕ್ರಮೇಣ ವ್ಯಾಪಾರದಲ್ಲಿ ತೊಡಗಿಸಿಕೊಂಡು ಚಿತ್ರರಂಗದಿಂದ ದೂರವೇ ಉಳಿದ್ದಿದ್ದರು. ಮೆಜಿಸ್ಟಿಕ್‌ ಮತ್ತು ರಾಜಾಜಿನಗರದಲ್ಲಿ ಪ್ರಿಂಟಿಂಗ್‌ ಮತ್ತು ವಿಡಿಯೋ ಶೂಟಿಂಗ್ ವ್ಯವಹಾರ ಮಾಡುತ್ತಿದ್ದ ಅವರು, ಅದರಲ್ಲೇ ಸಕ್ರಿಯರಾಗಿದ್ದರು. ಗುರುವಾರ ಸಂಜೆ 5.30ರ ಹೊತ್ತಿಗೆ ಉಸಿರಾಟದ ಸಮಸ್ಯೆಯಿಂದಾಗಿ ತಮ್ಮ ಮನೆಯಲ್ಲೇ ಮೃತಪಟ್ಟರು.
ಉದಯ್‌ ಹುತ್ತಿನಗದ್ದೆ ಅವರ ಅಂತಿಮ ಸಂಸ್ಕಾರ ಶುಕ್ರವಾರ ಮಧ್ಯಾಹ್ನ ಚಾಮರಾಜಪೇಟೆ ರುದ್ರಭೂಮಿಯಲ್ಲಿ ನಡೆಯಲಿದೆ.
ಇದನ್ನೂ ಓದಿ | ಅಂತಾರಾಷ್ಟ್ರೀಯ ಕಬಡ್ಡಿ ಆಟಗಾರ ಉದಯ್‌ ಚೌಟ ಇನ್ನಿಲ್ಲ!