ಬೆಂಗಳೂರು: ಹ್ಯಾಟ್ರಿಕ್‌ ಹೀರೋ ಶಿವರಾಜ್‌ಕುಮಾರ್‌ ಅವರ 125ನೇ ಸಿನಿಮಾ ʼವೇದʼ ಇಂದು ಮುಂಜಾನೆ ರಾಜ್ಯಾದ್ಯಂತ ಥಿಯೇಟರ್‌ಗಳಲ್ಲಿ ರಿಲೀಸ್ ಆಗಿದ್ದು, ತುಂಬಿದ ಗೃಹಗಳಲ್ಲಿ ಪ್ರದರ್ಶನ ಕಾಣುತ್ತಿದೆ.
ಬೆಳಗ್ಗೆ 5 ಘಂಟೆಯಿಂದಲೇ ಹಲವು ಥಿಯೇಟರ್‌ಗಳಲ್ಲಿ ಪ್ರದರ್ಶನ ಆರಂಭವಾಗಿದೆ. ಬೆಂಗಳೂರಿನ ಪ್ರಸನ್ನ, ರಾಬಿನ್, ಶ್ರೀನಿವಾಸ ಥಿಯೇಟರ್, ವೀರಭದ್ರಶ್ವರ ಹಾಗೂ ಸಿದ್ದೇಶ್ವರ ಸೇರಿದಂತೆ ಹಲವೆಡೆ 5 ಗಂಟೆಗೆ ಶೋ ಏರ್ಪಡಿಸಲಾಗಿತ್ತು. ಬೆಳಗ್ಗೆ 6.30ಕ್ಕೆ ವಿರೇಶ್ ಚಿತ್ರಮಂದಿರದಲ್ಲಿ ಶೋ ಆರಂಭಿಸಲಾಗಿದೆ.
ಬೆಳಗ್ಗೆ 5 ಘಂಟೆಯಿಂದಲೇ ಅಭಿಮಾನಿಗಳು ಥಿಯೇಟರ್‌ಗಳ ಮುಂದೆ ಜಮಾಯಿಸಿದರು. ಪ್ರಸನ್ನ ಚಿತ್ರಮಂದಿರದಲ್ಲಿ ಅಭಿಮಾನಿಗಳಿಂದ ಚಂಡಿಕಾ ಹೋಮ ನೆರವೇರಿತು. ನರ್ತಕಿ ಥಿಯೇಟರ್‌ನಲ್ಲಿ 10 ಗಂಟೆಗೆ ಮೊದಲ ಶೋ ಪ್ರದರ್ಶನಗೊಳ್ಳಲಿದ್ದು, ಶಿವಣ್ಣ ಹಾಗೂ ಚಿತ್ರತಂಡ ನರ್ತಕಿ ಚಿತ್ರಮಂದಿರಕ್ಕೆ ಬೆಳಗ್ಗೆ 9:30ಕ್ಕೆ ಆಗಮಿಸುವ ಸಾಧ್ಯತೆ ಇದೆ.
ವೇದ ಸಿನಿಮಾವನ್ನು ದೊಡ್ಮನೆ ಅಭಿಮಾನಿಗಳು ಸಂಭ್ರಮದಿಂದ ಸ್ವಾಗತಿಸಿದ್ದಾರೆ. 239 ಸಿಂಗಲ್ ಸ್ಕ್ರೀನ್‌ಗಳು ಹಾಗೂ 65 ಮಲ್ಟಿಪ್ಲೆಕ್ಸ್‌ಗಳಲ್ಲಿ ವೇದ ಅಬ್ಬರಿಸಲಿದೆ. ದಿನಂಪ್ರತಿ 1216ಕ್ಕೂ ಅಧಿಕ ಪ್ರದರ್ಶನ ಕಾಣಲಿದೆ. ಕನ್ನಡ, ತೆಲುಗು, ತಮಿಳು ಭಾಷೆಯಲ್ಲಿ ಸಿನಿಮಾ ರಿಲೀಸ್ ಆಗುತ್ತಿದೆ.
ಇದನ್ನೂ ಓದಿ | Vedha Movie | ಶಿವಣ್ಣ ಅಭಿನಯದ 125ನೇ ಚಿತ್ರ ʻವೇದʼ ಟ್ರೈಲರ್‌ ಔಟ್‌!