ಬೆಂಗಳೂರು: ವಿಘ್ನೇಶ್ ಶಿವನ್ ಮತ್ತು ನಯನತಾರಾ (Actress Nayanthara) ಕೇವಲ ಚಿತ್ರರಂಗ ಮಾತ್ರವಲ್ಲ, ಉದ್ಯಮವನ್ನೂ ಶುರು ಮಾಡಿಕೊಂಡಿದ್ದಾರೆ. ʻ9 ಸ್ಕಿನ್ʼ ಎನ್ನುವ ಸ್ಕಿನ್ ಕೇರ್‌ ಬ್ರ್ಯಾಂಡ್‌ವನ್ನು ಕೆಲವು ದಿನಗಳ ಹಿಂದೆ ನಯನತಾರಾ ಶುರು ಮಾಡಿದ್ದರು. ಮಲೇಷ್ಯಾದಲ್ಲಿ ನಡೆದ ಬ್ರ್ಯಾಂಡ್ ಬಿಡುಗಡೆ ಸಮಾರಂಭದಲ್ಲಿ, ಶಿವನ್ ಅವರು ನಯನತಾರಾ ಬಗ್ಗೆ ಕೆಲವು ಮಾಹಿತಿಗಳನ್ನು ಹಂಚಿಕೊಂಡಿದ್ದಾರೆ. ನಯನತಾರಾ ಕೆಲವು ಬಾರಿ ತನ್ನ ಸ್ವಂತ ಚಲನಚಿತ್ರಗಳನ್ನು ಪ್ರಚಾರ ಮಾಡುವುದಿಲ್ಲ ಮತ್ತು ತನಗೆ ಅವಳು ದೊಡ್ಡ ಸ್ಫೂರ್ತಿʼʼ ಎಂದು ಹೇಳಿಕೊಂಡಿದ್ದಾರೆ.
ವಿಘ್ನೇಶ್ ಶಿವನ್ ಮತ್ತು ನಯನತಾರಾ ಇತ್ತೀಚೆಗೆ ಮಲೇಷ್ಯಾದಲ್ಲಿ ತಮ್ಮ ಸ್ಕಿನ್‌ಕೇರ್ ಬ್ರ್ಯಾಂಡ್ 9 ಸ್ಕಿನ್ ಪರಿಚಯಿಸಿದರು. ಇದಕ್ಕಾಗಿ ಅವರು ಸಹ-ಸಂಸ್ಥಾಪಕರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಬ್ರ್ಯಾಂಡ್‌ನ ಬಿಡುಗಡೆ ಸಮಾರಂಭದಲ್ಲಿ, ವಿಘ್ನೇಶ್ ಅವರು ಹಲವು ವಿಚಾರಗಳ ಬಗ್ಗೆ ಮಾತನಾಡಿದ್ದಾರೆ. ನಿರ್ದೇಶಕ ವಿಘ್ನೇಶ್ ಶಿವನ್ ಮಾತನಾಡಿ ʻʻನಯನತಾರಾ ತನಗೆ ಯಾವುದಾದರೂ ವಿಚಾರ ಸರಿ ಎನಿಸಿದರೆ ಮಾತ್ರ ಅವಳು ಮುಂದೆ ಸಾಗುತ್ತಾಳೆ. ಅವಳು ತನ್ನ ಸ್ವಂತ ಚಲನಚಿತ್ರಗಳನ್ನು ಪ್ರಚಾರ ಮಾಡದಿರುವ ಸಂದರ್ಭಗಳು ಬಹಳಷ್ಟಿವೆ. ಸಿನಿಮಾ ತನ್ನನ್ನು ತಾನು ಪ್ರಚಾರ ಮಾಡುತ್ತದೆ ಎಂದು ಅವಳು ಭಾವಿಸುವುದಿಲ್ಲ. ಅದು ಅವಳಲ್ಲಿರುವ ನಂಬಿಕೆ. 9 ಸ್ಕಿನ್ ಬ್ರ್ಯಾಂಡ್ ವಿಚಾರಕ್ಕೆ ಬಂದರೆ ಹಲವು ಐಡಿಯಾಗಳ ಜತೆ ನಯನತಾರಾ ಬಂದಿದ್ದಳು. ಬ್ರ್ಯಾಂಡ್ ಅಂಬಾಸಿಡರ್ ಆದ ಕಾರಣ ಪ್ರಾಡಕ್ಟ್‌ ಜತೆ ಕೇವಲ ಫೋಟೊ, ಪ್ರಚಾರ ಆಕೆ ಮಾಡಬಹುದಿತ್ತು. ಆದರೆ ಅವಳು ಹಾಗೇ ಮಾಡಲಿಲ್ಲ. ಪ್ರಾಡಕ್ಟ್‌ ವಿನ್ಯಾಸದಿಂದ ಹಿಡಿದು ಸಂಪೂರ್ಣ ಪ್ಯಾಕೇಜಿಂಗ್‌ವರೆಗೂ ಕೇರ್‌ ತೆಗೆದುಕೊಂಡಿದ್ದಾಳೆ. ತಾನೇ ಸ್ವತಃ ಪ್ರಾಡಕ್ಟ್‌ ಬಳಿಸಿ ನೋಡಿದ್ದಾಳೆ. ಅವಳ ಪ್ರಯತ್ನ ತುಂಬ ಅದ್ಭುತ. ಪ್ರತಿಯೊಂದು ವಿಚಾರದಲ್ಲಿಯೂ ಆಕೆ ಹೀಗೆ. ನನಗೆ ತುಂಬಾ ಸ್ಫೂರ್ತಿ” ಎಂದರು.
ಮಾತು ಮುಂದುವರಿಸಿ ʻʻನಯನತಾರಾ ನನಗೆ ದೊಡ್ಡ ಸ್ಫೂರ್ತಿ .ನಾನು ಅವಳೊಂದಿಗೆ ನನ್ನ ಮೊದಲ ಚಲನಚಿತ್ರವನ್ನು ಕೆಲಸ ಮಾಡುವಾಗ, ಅವಳನ್ನು ತುಂಬಾ ಗಮನಿಸಿದ್ದೆ. , ಸರಳವಾದ ವಿಷಯಗಳಿಗೂ ಪ್ರಾಮಾಣಿಕತೆ ಮತ್ತು ಡೆಡಿಕೇಷನ್‌ ಇರುವ ವ್ಯಕ್ತಿʼʼಎಂದರು.
ಇದನ್ನೂ ಓದಿ: Lady Super Star: ʼಜವಾನ್‌ʼ ನಯನತಾರಾ ಶ್ರೀಮಂತ ನಟಿ! ಆಸ್ತಿ ಮೌಲ್ಯ ಎಷ್ಟು?
ನಯನತಾರಾ (Actress Nayanthara: ) ಇನ್ನೂ ಜವಾನ್‌ (Jawan Movie)ಸಿನಿಮಾ ಸಕ್ಸೆಸ್‌ ಮೂಡ್‌ನಲ್ಲಿದ್ದಾರೆ. ಈ ಸಿನಿಮಾ ಮೂಲಕ ಕಾಲಿವುಡ್‌ ಲೇಡಿ ಸೂಪರ್‌ ಸ್ಟಾರ್‌ ಹಿಂದಿಗೂ ಪರಿಚಯವಾದರು. ನಟಿಯ ಕೈಯಲ್ಲಿ ಹಲವಾರು ಸಿನಿಮಾಗಳಿವೆ. ಯೂಟ್ಯೂಬರ್ ಡ್ಯೂಡ್ ವಿಕ್ಕಿ ಅವರ ಜತೆ ಸಿನಿಮಾ ಮಾಡುತ್ತಿದ್ದಾರೆ. ಈಗ ನಟಿ ಯೂಟ್ಯೂಬರ್ ನಿರ್ದೇಶನ ಮಾಡುತ್ತಿರುವ ಸಿನಿಮಾದಲ್ಲಿ ನಾಯಕಿ ಆಗಿ ಮಿಂಚಲು ತಯಾರಾಗಿದ್ದಾರೆ. ಇದು ಫ್ಯಾನ್ಸ್‌ಗೆ ಅಚ್ಚರಿ ತಂದಿದೆ. ಚಿತ್ರದ ಚಿತ್ರೀಕರಣ ಶೀಘ್ರದಲ್ಲೇ ಪ್ರಾರಂಭವಾಗಲಿದ್ದು, ಆರ್‌ಡಿ ರಾಜಶೇಖರ್ ಛಾಯಾಗ್ರಹಣವನ್ನು ನಿರ್ವಹಿಸುತ್ತಿದ್ದಾರೆ ಮತ್ತು ಸೀನ್ ರೋಲ್ಡನ್ ಸಂಗೀತ ಸಂಯೋಜಿಸಿದ್ದಾರೆ.
ಡ್ಯೂಡ್ ವಿಕ್ಕಿ ಬರೆದು ನಿರ್ದೇಶಿಸಿದ ಈ ಚಿತ್ರವನ್ನು ಪ್ರಿನ್ಸ್ ಪಿಕ್ಚರ್ಸ್ ಬೆಂಬಲಿಸಿದೆ. ನಯನತಾರಾ ನಟನೆಯ ಮತ್ತೊಂದು ಸಿನಿಮಾ ‘ಉರೈವನ್’ ಸೆಪ್ಟೆಂಬರ್ 28ರಂದು ರಿಲೀಸ್ ಆಗಲಿದೆ. ಇದರ ಪ್ರಚಾರದಲ್ಲಿ ಅವರು ಬ್ಯುಸಿ ಆಗಿದ್ದಾರೆ. ಈ ಚಿತ್ರಕ್ಕೆ ಜಯಂ ರವಿ ಹೀರೋ. ಈ ಸಿನಿಮಾಗೆ ಎ ಪ್ರಮಾಣಪತ್ರ ಸಿಕ್ಕಿದೆ. ‘ದಿ ವ್ಯಾಕ್ಸಿನ್ ವಾರ್’ ಸಿನಿಮಾ ಕೂಡ ಇದೇ ದಿನ ರಿಲೀಸ್ ಆಗುತ್ತಿದ್ದು, ಭರ್ಜರಿ ಪೈಪೋಟಿ ಉಂಟಾಗಲಿದೆ.