ಬೆಂಗಳೂರು: ಸಮಂತಾ ಅಭಿನಯದ ʻಶಾಕುಂತಲಂʼ ಸಿನಿಮಾ ಸೋಲಿನ ಬೆನ್ನಲ್ಲೇ ಸಿಟಾಡೆಲ್ ಸಿರೀಸ್‌ ಚಿತ್ರೀಕರಣದಲ್ಲಿ ತೊಡಗಿದ್ದಾರೆ ನಟಿ. ಇದೀಗ ಅವರ ಮತ್ತೊಂದು ರೊಮ್ಯಾಂಟಿಕ್ ಸಿನಿಮಾ ʻಖುಷಿʼ ಈಗಾಗಲೇ ಸೆಟ್ಟೇರಿದ್ದು, ಹೊಸ ಅಪ್‌ಡೇಟ್‌ ನೀಡಿದೆ. ಚಿತ್ರದಲ್ಲಿ ನಟಿ ವಿಜಯ್ ದೇವರಕೊಂಡ (Vijay Deverakond) ಅವರ ಜತೆ ಸಮಂತಾ ತೆರೆ ಹಂಚಿಕೊಳ್ಳುತ್ತಿದ್ದಾರೆ. ಮೇ 7ರಂದು ಚಿತ್ರದ ಮೊದಲ ರೊಮ್ಯಾಂಟಿಕ್ ಸಾಂಗ್‌ ಟೀಸರ್ ಬಿಡುಗಡೆಗೊಂಡಿದೆ.
ʻಖುಷಿʼ ಫಸ್ಟ್ ಸಿಂಗಲ್ ಟೀಸರ್ ಔಟ್!
ʻಖುಷಿʼ ಚಿತ್ರದಲ್ಲಿ ಸಮಂತಾ ಮತ್ತು ವಿಜಯ್ ದೇವರಕೊಂಡ ಜೋಡಿಯಾಗಿದ್ದಾರೆ. ಚಿತ್ರವು ಸೆಪ್ಟೆಂಬರ್ 1ರಂದು ಚಿತ್ರಮಂದಿರಗಳಲ್ಲಿ ತೆರೆ ಕಾಣುತ್ತಿದೆ. ʻಖುಷಿʼ ಫಸ್ಟ್ ಸಿಂಗಲ್ ಟೀಸರ್ ತುಣುಕಿನಲ್ಲಿ ವಿಜಯ್ ದೇವರಕೊಂಡ ಪ್ರೇಮಕ್ಕೆ ಅರಿಸಿ ನಿಂತರೆ, ಸಮಂತಾ ಹಿಜಾಬ್ ಮತ್ತು ಬುರ್ಖಾ ಧರಿಸಿ ಪ್ರಾರ್ಥನೆಗೆ ಕುಳಿತಿರುವುದು ಕಾಣಬಹುದು. ವಿಜಯ್ ದೇವರಕೊಂಡ ಟೀಸರ್ ಹಂಚಿಕೊಂಡು, ಪೂರ್ಣ ಹಾಡು ಮೇ 9ರಂದು ಬಿಡುಗಡೆಯಾಗಿದೆ ಎಂದು ಬರೆದುಕೊಂಡಿದ್ದಾರೆ. ಮೇ 9 ವಿಜಯ್ ದೇವರಕೊಂಡ ಅವರ ಜನುಮದಿನ. ಹೀಗಾಗಿ ಖುಷಿ ಚಿತ್ರತಂಡ ಮೊದಲ ಹಾಡನ್ನು ಅವತ್ತೇ ಬಿಡಗಡೆ ಮಾಡಲು ನಿರ್ಧರಿಸಿದೆ ಎಂದು ವರದಿಯಾಗಿದೆ.
ಇದೇ ಸೆಪ್ಟೆಂಬರ್ 1ರಂದು ಸಿನಿಮಾ ವಿಶ್ವಾದ್ಯಂತ ಬಿಡುಗಡೆಯಾಗುತ್ತಿದೆ. 2018ರ ಮಹಾನಟಿ ಚಿತ್ರದ ನಂತರ ವಿಜಯ್ ಹಾಗೂ ಸ್ಯಾಮ್‌ ಒಟ್ಟಿಗೆ ತೆರೆ ಮೇಲೆ ಕಾಣಿಸಿಕೊಳ್ಳುತ್ತಿದ್ದಾರೆ. ಖುಷಿ ಚಿತ್ರವನ್ನು ಶಿವ ನಿರ್ವಾಣ ನಿರ್ದೇಶಿಸುತ್ತಿದ್ದಾರೆ. ಕಳೆದ ವರ್ಷ ಸಮಂತಾ ಅವರ ಮೈಯೋಸಿಟಿಸ್ ನಿಂದಾಗಿ ಖುಷಿ ಸಿನಿಮಾ ರಿಲೀಸ್‌ ವಿಳಂಬವಾಗಬಹುದು ಎಂಬ ವದಂತಿಗಳು ಹಬ್ಬಿದ್ದವು.
ಇದನ್ನೂ ಓದಿ: Vijay Devarakonda: ವಿಜಯ್ ದೇವರಕೊಂಡ-ಸಮಂತಾ ಅಭಿನಯದ ಖುಷಿ ಸಿನಿಮಾ ರಿಲೀಸ್‌ ಡೇಟ್‌ ಅನೌನ್ಸ್‌
ವಿಜಯ್ ದೇವರಕೊಂಡ, ಸಮಂತಾ, ಜಯರಾಮ್, ಸಚಿನ್ ಖೇಡಕರ್, ಮುರಳಿ ಶರ್ಮಾ, ಲಕ್ಷ್ಮೀ, ಅಲಿ, ರೋಹಿಣಿ, ವೆನ್ನೆಲ ಕಿಶೋರ್, ರಾಹುಲ್ ರಾಮಕೃಷ್ಣ, ಶ್ರೀಕಾಂತ್ ಅಯ್ಯಂಗಾರ್, ಶರಣ್ ಮುಂತಾದ ಅದ್ಭುತ ನಟ, ನಟಿಯರು ಈ ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ.
ಈ ಚಿತ್ರಕ್ಕೆ, ಪೀಟರ್ ಹೆನ್ಸ್ ಸಾಹಸ ನಿರ್ದೇಶನ, ಪ್ರವೀನ್ ಪುಡಿ ಅವರ ಸಂಕಲನ, ಜಿ ಮುರಳಿ ಕ್ಯಾಮೆರಾ ಕೆಲಸ ಮಾಡಿದೆ. ಹೇಶಮ್ ಅಬ್ದುಲ್ ವಹಾಬ್ ಅವರ ಸಂಗೀತವಿದೆ. ಮೈತ್ರಿ ಮೂವಿ ಮೇಕರ್ಸ್ ಈ ಚಿತ್ರವನ್ನು ನಿರ್ಮಿಸುತ್ತಿದೆ. ತೆಲುಗು, ತಮಿಳು, ಮಲಯಾಳಂ ಮತ್ತು ಕನ್ನಡದಲ್ಲಿ ಚಿತ್ರ ಬಿಡುಗಡೆಯಾಗುತ್ತಿದೆ ಎಂದು ಚಿತ್ರತಂಡ ಮಾಹಿತಿ ನೀಡಿದೆ.