ಬೆಂಗಳೂರು: ಬಂಗಾರವನ್ನು ಖರೀದಿಸಲು ಬಯಸುವವರಿಗೆ ಇದು ಶುಭ ಸುದ್ದಿ. ಪ್ರತಿ 10 ಗ್ರಾಮ್ ಚಿನ್ನದ ದರದಲ್ಲಿ 380 ರೂ. ಕಡಿತವಾಗಿದೆ.
ಬೆಂಗಳೂರಿನಲ್ಲಿ 24 ಕ್ಯಾರಟ್ ಬಂಗಾರದ (GOLD RATE) ಬೆಲೆ ಬುಧವಾರ ೧೦ 10 ಗ್ರಾಮ್‌ಗೆ 51,380ರೂ.ಗೆ ಇಳಿಕೆಯಾಗಿತ್ತು. ಆಭರಣ ಚಿನ್ನ ಅಥವಾ 22 ಕ್ಯಾರಟ್ ಬಂಗಾರದ ಬೆಲೆ 47,100 ರೂ.ಗೆ ತಗ್ಗಿತ್ತು. 100 ಗ್ರಾಮ್ ಆಭರಣ ಬಂಗಾರ ಖರೀದಿಸಿದರೆ 4,000 ರೂ. ಉಳಿತಾಯವಾಗುತ್ತದೆ.
ಕಳೆದ ಮಾರ್ಚ್ 9 ರಂದು 24 ಕ್ಯಾರಟ್ ಚಿನ್ನದ ದರ 10 ಗ್ರಾಮ್‌ಗೆ 53,890 ರೂ. ಇತ್ತು ಎಂಬುದನ್ನಿಲ್ಲಿ ಸ್ಮರಿಸಬಹುದು. ಬೆಳ್ಳಿಯ ದರ ಬೆಂಗಳೂರಿನಲ್ಲಿ ಪ್ರತಿ ಕೆ.ಜಿಗೆ 66,100 ರೂ.ಗಳಾಗಿದ್ದು, ಯಾವುದೇ ಬದಲಾವಣೆ ಆಗಿಲ್ಲ. ಮೇ 2ರಂದು 67,600 ರೂ. ಇತ್ತು ಎಂಬುದನ್ನು ಇಲ್ಲಿ ಸ್ಮರಿಸಬಹುದು. ಅಂದರೆ ಬಂಗಾರ ಮತ್ತು ಬೆಳ್ಳಿ ಎರಡರ ಬೆಲೆಯಲ್ಲೂ ಇಳಿಕೆಯಾಗಿರುವುದನ್ನು ಗಮನಿಸಬಹುದು.