ಹೊಸ ವರ್ಷ 2024ರಲ್ಲಿ ನೀವು ನಿಮ್ಮದೇ ಸ್ವಂತ ಬಿಸಿನೆಸ್ ಆರಂಭಿಸಲು ಬಯಸುತ್ತಿದ್ದೀರಾ? ಇನ್ನೊಬ್ಬರ ಅಣತಿಯಂತೆ ಕೆಲಸ ಮಾಡುವುದರ ಬದಲಿಗೆ ನಿಮಗೆ ನೀವೇ ಬಾಸ್‌ ಆಗಲು ( Business Guide ) ನಿರ್ಧರಿಸಿದ್ದೀರಾ? ಹಾಗಿದ್ದರೆ ಬೆಸ್ಟ್ ಬಿಸಿನೆಸ್ ಐಡಿಯಾಗಳನ್ನು ನಿಮ್ಮ ಮುಂದೆ ಇಡುತ್ತಿದ್ದೇವೆ. ನಿಮ್ಮ ಆಸಕ್ತಿ-ಅಭಿರುಚಿ, ತಿಳುವಳಿಕೆ, ಅನುಭವ ಇತ್ಯಾದಿ ಅಂಶಗಳ ನು ಪರಿಗಣಿಸಿ ಸೂಕ್ತ ನಿರ್ಧಾರವನ್ನು ತೆಗೆದುಕೊಳ್ಳಲು ಇದು ಸಹಕಾರಿಯಾಗಬಹುದು.
ಭಾರತ ಈಗ ಉತ್ತಮ ಬಿಸಿನೆಸ್ ಆರಂಭಿಸಲು ಪ್ರಶಸ್ತ ಸ್ಥಳವಾಗಿದೆ. ಭಾರತವು ಈಗ ವಿಶ್ವದಲ್ಲಿಯೇ ವೇಗವಾಗಿ ಅಭಿವೃದ್ಧಿ ಹೊಂದುತ್ತಿರುವ ಪ್ರಮುಖ ಆರ್ಥಿಕತೆಯಾಗಿದೆ. ಜಿಡಿಪಿ ಲೆಕ್ಕಾಚಾರದಲ್ಲಿ ಐದನೇ ಅತಿ ದೊಡ್ಡ ಆರ್ಥಿಕತೆ. ಇಲ್ಲಿ ಅನೇಕ ಸ್ಟಾರ್ಟಪ್‌ಗಳು ಹುಟ್ಟಿಕೊಂಡಿವೆ. ಇನ್ನೂ ಅವಕಾಶಗಳ ಆಗರವೇ ಇಲ್ಲಿದೆ. ಇಲ್ಲಿ ಸಣ್ಣ ಬಿಸಿನೆಸ್ ಮಾಡಲು ಹಲವಾರು ಐಡಿಯಾಗಳ ಪಟ್ಟಿ ಮಾಡಲಾಗಿದೆ.
ಸಿದ್ಧ ಉಡುಪುಗಳ ಮಳಿಗೆ: ನೀವು ರೆಡಿಮೇಡ್‌ ಅಥವಾ ಸಿದ್ಧಪಡಿಸಿದ ಉಡುಪುಗಳ ಸಣ್ಣ ಅಂಗಡಿಯನ್ನು ಆರಂಭಿಸುವ ಮೂಲಕ ಜವಳಿ ವ್ಯಾಪಾರ ಕ್ಷೇತ್ರವನ್ನು ಪ್ರವೇಶಿಸಬಹುದು. ಭಾರತದಲ್ಲಿ ಫ್ಯಾಷನ್‌ ಇಂಡಸ್ಟ್ರಿ ವೇಗವಾಗಿ ಬೆಳೆಯುತ್ತಿದೆ. ಭಾರತೀಯರು ನಾನಾ ವರ್ಣದ ಹಾಗೂ ವಿನ್ಯಾಸಗಳ ಬಟ್ಟೆಬರೆಗಳನ್ನು ಕೊಳ್ಳುತ್ತಾರೆ. ಅಂಚ ಚಂದದ ಬಟ್ಟೆಬರೆಗಳು ಅವರ ಶಾಪಿಂಗ್‌ನ ಪ್ರಮುಖ ಭಾಗ. 2022ರಲ್ಲಿ ಭಾರತೀಯ ಅಪಾರಲ್‌ ಮಾರ್ಕೆಟ್‌ 58.5 ಶತಕೋಟಿ ಡಾಲರ್‌ ಆಗಿತ್ತು. (4.85 ಲಕ್ಷ ಕೋಟಿ ರೂ.) 2026ರಲ್ಲಿ 102 ಶತಕೋಟಿ ಡಾಲರ್‌ಗೆ ( 8.46 ಲಕ್ಷ ಕೋಟಿ ರೂ.) ವೃದ್ಧಿಸಿತ್ತು. ನಿಮ್ಮ ಜವಳಿ ಅಂಗಡಿ ಸಾಂಪ್ರದಾಯಿಕ ಭಾರತೀಯ ಉಡುಪುಗಳು, ಪಾಶ್ಚಿಮಾತ್ಯ ಉಡುಪುಗಳು, ಎರಡರ ಮಿಶ್ರಣವನ್ನೂ ಹೊಂದಬಹುದು. ಉತ್ಪನ್ನಗಳ ಗುಣಮಟ್ಟ, ಸ್ಥಳ, ಪ್ರಚಾರ, ಫ್ಯಾಶನ್‌ ಟ್ರೆಂಡ್‌ಗಳ ಅರಿವು ಮುಖ್ಯವಾಗುತ್ತದೆ.
ಇದನ್ನೂ ಓದಿ: Business plan : ಬೆಸ್ಟ್ ಬಿಸಿನೆಸ್ ಪ್ಲಾನ್‌ ಸಿದ್ಧಪಡಿಸುವುದು ಹೇಗೆ?
ರೆಸ್ಟೊರೆಂಟ್‌ ಬಿಸಿನೆಸ್: ನೀವು ಒಂದು ಒಳ್ಳೆಯ ರೆಸ್ಟೊರೆಂಟ್‌ ಅನ್ನು ಆರಂಭಿಸಬಹುದು. ಭಾರತೀಯ ಖಾದ್ಯಗಳಲ್ಲೂ ಹಲವಾರು ಶೈಲಿಗಳು ಇವೆ. ಸೌತ್ ಇಂಡಿಯನ್‌ ಥಾಲಿ, ಊಟದಲ್ಲೂ ಸೌತ್-ನಾರ್ತ್‌, ಬೆಂಗಾಲಿ, ಪಂಜಾಬಿ, ಗುಜರಾತಿ, ರಾಜಸ್ಥಾನಿ ಶೈಲಿಯ ಊಟೋಪಚಾರಗಳು ಇವೆ. ಯಾವುದನ್ನಾದರೂ ಆಯ್ಕೆ ಮಾಡಿಕೊಳ್ಳಬಹುದು. ಉತ್ತಮ ಗುಣಮಟ್ಟದ ಆಹಾರದ ಜತೆಗೆ ಒಳ್ಳೆಯ ಗ್ರಾಹಕ ಸೇವೆಯನ್ನೂ ಮಾಡಿದರೆ ಚೆನ್ನಾಗಿ ಸಂಪಾದಿಸಬಹುದು. ಆನ್‌ಲೈನ್‌ ಮತ್ತು ಆಫ್‌ಲೈನ್‌ ಮಾರುಕಟ್ಟೆ ಕಾರ್ಯತಂತ್ರವನ್ನು ಅನುಸರಿಸಬಹುದು. ಸೋಶಿಯಲ್‌ ಮೀಡಿಯಾ, ಫುಡ್‌ ಡೆಲಿವರು ಅಪ್ಲಿಕೇಶನ್‌, ಸ್ಥಳೀಯ ದಿನಪತ್ರಿಕೆಗಳಲ್ಲಿ ಮಾರ್ಕೆಟಿಂಗ್‌ ಮಾಡಬಹುದು.
ಪೂಜಾ ಸಾಮಗ್ರಿಗಳ ಸ್ಟೋರ್: ಭಾರತ ಎಂದರೆ ಸಂಪ್ರದಾಯ, ಆಚರಣೆಗಳ ತವರೂರು. ಇಲ್ಲಿ ಅನೇಕ ಧಾರ್ಮಿಕ ಉತ್ಸವ, ಆಚರಣೆ, ಪೂಜೆ ಪುನಸ್ಕಾರಗಳಿದ್ದು, ಅವುಗಳಿಗೆ ಬೇಕಾಗುವ ಪರಿಕರಗಳನ್ನು ಒದಗಿಸಿ ಕೊಡುವ ಮಳಿಗೆಯನ್ನು ನೀವು ಆರಂಭಿಸಬಹುದು. ಭಾರತದಲ್ಲಿ ಇದು ಈಗ 30 ಶತಕೋಟಿ ಡಾಲರ್‌ (2.49 ಲಕ್ಷ ಕೋಟಿ ರೂ.) ಮಾರುಕಟ್ಟೆಯಾಗಿದೆ.
ಆಯುರ್ವೇದ ಉತ್ಪನ್ನಗಳ ಮಳಿಗೆ: ಭಾರತದಲ್ಲಿ ಆಯುರ್ವೇದ ಉತ್ಪನ್ನಗಳ ಮಳಿಗೆಗಳು ವಾರ್ಷಿಕ 17%ರ ಸರಾಸರಿಯಲ್ಲಿ ವಿಸ್ತರಿಸುತ್ತಿವೆ. ಆಯುರ್ವೇದ ಉತ್ಪನ್ನಗಳ ಪ್ರಯೋಜನಗಳ ಬಗ್ಗೆ ಜನ ಜಾಗೃತಿಯೂ ಹೆಚ್ಚುತ್ತಿದೆ. ನೀವು ನಾನಾ ಆಯುರ್ವೇದ ಉತ್ಪನ್ನಗಳ ಮಾರಾಟವನ್ನು ಆರಂಭಿಸಬಹುದು. ಈ ನಿಟ್ಟಿನಲ್ಲಿ ಸ್ಥಳೀಯ ಆಯುರ್ವೇದ ವೈದ್ಯರುಗಳನ್ನು ಸಂಪರ್ಕಿಸಿ ನೆಟ್‌ ವರ್ಕ್‌ ಮಾಡಿಕೊಳ್ಳುವುದು ಉತ್ತಮ.
ಸಂಬಾರ ಪದಾರ್ಥಗಳ ಮಳಿಗೆ: ಭಾರತ ಸಂಬಾರ ವಸ್ತುಗಳಿಗೆ ವಿಶ್ವ ವಿಖ್ಯಾತ. ಪ್ರಾಚೀನ ರೋಮ್‌ ಮತ್ತು ಚೀನಾದ ನಾಗರಿಕತೆಗಳ ಜತೆಗೆ ಭಾರತ ಸಂಬಾರ ಪದಾರ್ಥಗಳ ವ್ಯವಹಾರ ನಡೆಸುತ್ತಿತ್ತು. 2032ರ ವೇಳೆಗೆ ಈ ಬಿಸಿನೆಸ್ 4.70 ಲಕ್ಷ ಕೋಟಿ ರೂ.ಗೆ ಏರಿಕೆಯಾಗುವ ನಿರೀಕ್ಷೆ ಇದೆ. ಸ್ಟಾಕ್‌ ವೆರೈಟಿ, ಕ್ವಾಲಿಟಿ ಕಂಟ್ರೋಲ್‌, ಪ್ಯಾಕೇಜಿಂಗ್‌ ಇತ್ಯಾದಿ ಅಂಶಗಳಿಗೆ ಆದ್ಯತೆ ನೀಡಿದರೆ ಬಿಸಿನೆಸ್ ಕೈ ಹಿಡಿಯುತ್ತದೆ.
ಇ-ಕಾಮರ್ಸ್‌ ಸ್ಟೋರ್ : ಇ-ಕಾಮರ್ಸ್‌ ಇಂಡಸ್ಟ್ರಿ ಭಾರತದಲ್ಲಿ ಪ್ರವರ್ಧಮಾನಕ್ಕೆ ಬರುತ್ತಿದೆ. ಇದು 2025ರ ವೇಳೆಗೆ 188 ಶತಕೋಟಿ ಡಾಲರ್‌ (15 ಲಕ್ಷ ಕೋಟಿ ರೂ.) ಬಿಸಿನೆಸ್ ನಡೆಸುವ ಸಾಧ್ಯತೆ ಇದೆ. ಉತ್ಪನ್ನಗಳ ಆಯ್ಕೆ, ಗುಣಮಟ್ಟದ ಖಾತರಿ, ಬಳಕೆದಾರ ಸ್ನೇಹಿ ವೆಬ್‌ ಸೈಟ್‌, ಎಸ್‌ಇಒ, ಸೋಶಿಯಲ್‌ ಮೀಡಿಯಾ ಮಾರ್ಕೆಟಿಂಗ್‌, ಲಾಜಿಸ್ಟಿಕ್‌ ಪಾಲುದಾರರ ಜತೆಗೆ ಒಪ್ಪಂದ ಅಗತ್ಯ. ಗ್ರಾಹಕರಿಗೆ ಎಕ್ಸಲೆಂಟ್‌ ಕಸ್ಟಮರ್‌ ಸಪೋರ್ಟ್‌ ನೀಡುವುದು ಇಲ್ಲಿ ನಿರ್ಣಾಯಕ.
ಡಿಜಿಟಲ್‌ ಮಾರ್ಕೆಟಿಂಗ್‌ ಏಜೆನ್ಸಿ: ಇತ್ತೀಚಿನ ವರ್ಷಗಳಲ್ಲಿ ಆನ್‌ಲೈನ್‌ ಮಾರುಕಟ್ಟೆ ಅಗಾಧವಾಗಿ ವಿಸ್ತರಿಸುತ್ತಿದೆ. ಡಿಜಿಟಲ್‌ ಮಾರ್ಕೆಂಟಿಂಗ್‌ನ ಮಹತ್ತ್ವವನ್ನು ಪ್ರತಿಯೊಂದು ಕಾರ್ಪೊರೇಟ್‌ ಕಂಪನಿಗಳೂ ಅರಿಯುತ್ತಿವೆ. ಹೀಗಾಗಿ ನೀವೂ ಡಿಜಿಟಲ್‌ ಮಾರ್ಕೆಟಿಂಗ್‌ ಕಂಪನಿಯನ್ನು ಆರಂಭಿಸಬಹುದು. ಡಿಜಿಟಲ್‌ ಮಾರ್ಕೆಟಿಂಗ್‌ ಅಡಿಯಲ್ಲಿ ಎಸ್‌ಇಒ, ಎಸ್‌ ಇಎಂ, ಕಂಟೆಂಟ್‌ ಮಾರ್ಕೆಟಿಂಗ್‌, ಸೋಶಿಯಲ್‌ ಮೀಡಿಯಾ ಮಾರ್ಕೆಟಿಂಗ್‌, ಇ-ಮೇಲ್‌ ಮಾರ್ಕೆಟಿಂಗ್‌, ವೆಬ್‌ ಡಿಸೈನ್‌, ಡೆವಲಪ್‌ಮೆಂಟ್‌ ಇತ್ಯಾದಿ ಸೇವೆಗಳನ್ನು ನೀಡಬಹುದು.
ಐಟಿ ಕನ್ಸಲ್ಟೆನ್ಸಿ ಸರ್ವೀಸ್: ಮಾಹಿತಿ ತಂತ್ರಜ್ಞಾನ ಆಧುನಿಕ ಇಕಾನಮಿಯ ಬೆನ್ನೆಲುಬಾಗಿದೆ. ಭಾರತದ ಆರ್ಥಿಕತೆಯ ಪವರ್‌ ಹೌಸ್‌ ಆಗಿದೆ. ಐಟಿ ಕನ್ಸಲ್ಟೆನ್ಸಿಯ ಮೂಲಕ ನಿಮ್ಮದೇ ಬಿಸಿನೆಸ್ ಶುರು ಮಾಡಬಹುದು. ಇದಕ್ಕಾಗಿ ಐಟಿ ಕ್ಷೇತ್ರದಲ್ಲಿ ನಿಮ್ಮ ಸ್ಪೆಶಲೈಸೇಶನ್‌ ಯಾವುದು ಎಂಬುದನ್ನು ಗುರುತಿಸಿ. ನುರಿತ ವೃತ್ತಿಪರರ ತಂಡ ಕಟ್ಟಿ. ಐಟಿ ಸೆಮಿನಾರ್‌ಗಳಲ್ಲಿ ಭಾಗವಹಿಸಿ ಇತ್ತೀಚಿನ ಟ್ರೆಂಡ್‌ಗಳ ಬಗ್ಗೆ ಅರಿಯಿರಿ.
ಆನ್‌ಲೈನ್‌ ಕರಕುಶಲ ಆಟಿಕೆಗಳ ಸ್ಟೋರ್: ಭಾರತೀಯ ಕರಕುಶಲ ವಸ್ತುಗಳು ಮತ್ತು ಆಟಿಕೆಗಳ ವ್ಯಾಪಾ 2024-25ರ ವೇಳೆಗೆ 1.34 ಲಕ್ಷ ಕೋಟಿ ರೂ.ಗೆ ಏರಿಕೆಯಾಗುವ ನಿರೀಕ್ಷೆ ಇದೆ. ಆನ್‌ಲೈನ್‌ ಹ್ಯಾಂಡಿಕ್ರಾಫ್ಟ್ಸ್‌ ಸ್ಟೋರ್‌ನಲ್ಲಿ ವಿಶಿಷ್ಟ ಮತ್ತು ಸಾಂಪ್ರದಾಯಿಕ ಭಾರತೀಯ ಕರಕುಶಲ ವಸ್ತುಗಳು, ಆಟಿಕೆಗಳನ್ನು ವ್ಯಾಪಾರ ಮಾಡಬಹುದು.
ರಿಯಲ್‌ ಎಸ್ಟೇಟ್‌ ಕನ್ಸಲ್ಟೆನ್ಸಿ: ರಿಯಲ್‌ ಎಸ್ಟೇಟ್‌ ಬಿಸಿನೆಸ್ ಭಾರತದ ಜಿಡಿಪಿಗೆ 13% ಕೊಡುಗೆ ನೀಡುತ್ತದೆ. ರಿಯಲ್‌ ಎಸ್ಟೇಟ್‌ ಕನ್ಸಲ್ಟೆನ್ಸಿ ಭಾರತದಲ್ಲಿ ಸಣ್ಣ ಉದ್ದಿಮೆಯ ಉತ್ತಮ ಬಿಸಿನೆಸ್ ಐಡಿಯಾಗಳಲ್ಲೊಂದು. ರಿಯಾಲ್ಟಿ ಕ್ಷೇತ್ರದ ಬಗ್ಗೆ ತಿಳುವಳಿಕೆ ಹೊಂದಿದ್ದರೆ ಕನ್ಸಲ್ಟೆನ್ಸಿ ಶುರು ಮಾಡಬಹುದು.