ನವ ದೆಹಲಿ: ಬ್ರಿಟನ್‌ನಲ್ಲಿರುವ ಕಿಂಗ್‌ಫಿಶರ್‌ ಏರ್‌ಲೈನ್‌ನ ಮಾಜಿ ಬಾಸ್‌ ವಿಜಯ್‌ ಮಲ್ಯ (Mallya) ಅವರು ಗಣೇಶ ಚತುರ್ಥಿ ಪ್ರಯುಕ್ತ ಶುಭಾಶಯ ಕೋರಿ ಟ್ವೀಟ್‌ ಮಾಡಿದ್ದರು. ಆದರೆ ಅದಕ್ಕೆ ನೆಟ್ಟಿಗರು ಈ ಪರಿಯಲ್ಲಿ ತಮ್ಮನ್ನು ಟ್ರೋಲ್‌ ಮಾಡುತ್ತಾರೆ ಎಂದು ಬಹುಶಃ ನಿರೀಕ್ಷಿಸಿರಲಿಕ್ಕಿಲ್ಲ.
“ಎಲ್ಲರಿಗೂ ಗಣೇಶ ಚತುರ್ಥಿಯ ಶುಭಾಶಯಗಳುʼ ಎಂದು ಮಲ್ಯ ಟ್ವೀಟ್‌ ಮಾಡಿದ್ದರು. ಅದಕ್ಕೆ ಹಲವಾರು ನೆಟ್ಟಿಗರು ” ಈ ವ್ಯಕ್ತಿ ಬ್ಯಾಂಕ್‌ ರಜೆ ಇದ್ದಾಗ ಮಾತ್ರ ಟ್ವೀಟ್‌ ಮಾಡುತ್ತಾರೆʼ ಎಂದು ಟೀಕಿಸಿದ್ದಾರೆ.
ಆರ್‌ಪಿಜಿ ಗ್ರೂಪ್‌ ಅಧ್ಯಕ್ಷ ಹರ್ಷ ಗೋಯೆಂಕಾ, “ನಿರ್ದಯʼ ಟ್ವೀಟ್‌ ಎಂದು ಈ ಟೀಕಾಸ್ತ್ರವನ್ನು ಕರೆದಿದ್ದಾರೆ. ಮತ್ತೊಬ್ಬರು ನೀವು ಹಬ್ಬ ಆಚರಿಸಲು ಭಾರತಕ್ಕೆ ಯಾವಾಗ ಬರುತ್ತೀರಿ? ಎಂದು ಕಾಲೆಳೆದಿದ್ದಾರೆ.