ಮುಂಬಯಿ: ಕೋಲ್ಕತಾ ಏರ್‌ಪೋರ್ಟ್‌ನಲ್ಲಿ 30 ಕೋಟಿ ರೂ. ಬೆಲೆ ಬಾಳುವ ಹೈ ಎಂಡ್‌ ವಾಚ್‌ಗಳನ್ನು ಕಳ್ಳ ಸಾಗಣೆ ಮಾಡುತ್ತಿದ್ದ ವ್ಯಕ್ತಿಯನ್ನು ಕಂದಾಯ ವಿಚಕ್ಷಣ ದಳ ಅರೆಸ್ಟ್‌ ( Smuggling watches) ಮಾಡಿದೆ. ಗ್ರೂಬೆಲ್‌ ಫೋರ್ಸೆ ಬ್ರಾಂಡ್‌ನ ಲಕ್ಸುರಿ ವಾಚ್‌ಗಳನ್ನು ಸ್ಮಗ್ಲಿಂಗ್ ಮಾಡಲಾಗುತ್ತಿತ್ತು. ಆರೋಪಿಯ ಮನೆಯ ಮೇಲೆ ಬಳಿಕ ದಾಳಿ ನಡೆಸಲಾಯಿತು.
ಈ ಸಂದರ್ಭ 34 ಹೈ ಎಂಡ್‌ ವಾಚ್‌ಗಳನ್ನೂ ಜಪ್ತಿ ಮಾಡಲಾಯಿತು. ಇದರಲ್ಲಿ ಗ್ರೂಬೆಲ್‌ ಫರ್ಸೆ, ಪ್ರೂರ್ನೆಲ್‌, ಲೂಯಿಸ್‌ ವ್ಯೂಟ್ಟೋನ್‌, ಎಂಬಿ&ಎಫ್‌, ಮ್ಯಾಡ್‌, ರೊಲೆಕ್ಸ್‌, ಆಡ್‌ಮಾರ್ಸ್‌ ಪಿಗ್ಯುಯೆಟ್‌, ರಿಚರ್ಡ್‌ ಮಿಲ್ಲೇ ವಾಚುಗಳಿದ್ದವು.
ಬಹುತೇಕ ವಾಚುಗಳು ಲಿಮಿಟೆಡ್‌ ಎಡಿಶನ್‌ ವಾಚುಗಳಾಗಿದ್ದು, ದುಬಾರಿಯಾಗಿವೆ. ಇವುಗಳ ಒಟ್ಟು ಮಾರುಕಟೆ ಮೌಲ್ಯ 30 ಕೋಟಿ ರೂ.ಗೂ ಹೆಚ್ಚು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
Directorate of Revenue Intelligence (DRI), Mumbai zonal Unit arrested a person and recovered more than 30 smuggled high-end premium watches of foreign origin from his residence. Most of these watches are limited edition watches of exceptionally high value. The total market value… pic.twitter.com/rm28EnV9Wi
— ANI (@ANI) July 22, 2023
ಕಂದಾಯ ಇಲಾಖೆಯ ಮುಂಬಯಿ ವಿಭಾಗದ ವಿಚಕ್ಷಣ ದಳ ಈ ಕಾರ್ಯಾಚರಣೆಯನ್ನು ಯಶಸ್ವಿಯಾಗಿ ನಡೆಸಿದೆ. ಯಾವುದೇ ಕಸ್ಟಮ್ಸ್‌ ಸುಂಕ ನೀಡದೆಯೇ ಈ ವಾಚುಗಳನ್ನು ಭಾರತದೊಳಕ್ಕೆ ಕಳ್ಳ ಸಾಗಣೆ ಮಾಡಲಾಗುತ್ತಿತ್ತು.