ಇಂದೋರ್: ಆರು ಮಂದಿ ಅಪ್ರಾಪ್ತ ವಯಸ್ಸಿನ ಬಾಲಕರು ಸೇರಿ 22 ವರ್ಷದ ಕಾಲೇಜು ಯುವಕನೊಬ್ಬನನ್ನು ಮಧ್ಯ ರಸ್ತೆಯಲ್ಲಿ, ಚಾಕುವಿನಿಂದ ಇರಿದು ಕೊಂದಿದ್ದಾರೆ. ‘ನಮ್ಮ ಬೈಕ್ ಹೋಗಲು ದಾರಿಬಿಡಿ’ ಎಂದು ಹೇಳಿದ್ದಕ್ಕೆ ಆವೇಶಗೊಂಡ ಬಾಲಕರು ಈ ಕೃತ್ಯ ಎಸಗಿದ್ದಾರೆ.
ಮೃತ ಯುವಕನ ಹೆಸರು ಆಯುಷ್. ಡಿಸೆಂಬರ್ 31ರಂದು ರಾತ್ರಿ ಹೊಸವರ್ಷದ ಪಾರ್ಟಿ ನಿಮಿತ್ತ ಇಂದೋರ್ನ ಭನ್ವಾರ್ಕುವಾನ್ ಏರಿಯಾದ ಮುಖ್ಯರಸ್ತೆ ಜನರಿಂದ ತುಂಬಿ ತುಳುಕುತ್ತಿತ್ತು. ಆಗ ಆಯುಷ್ ಮತ್ತು ಅವನ ಸ್ನೇಹಿತರು ಬೈಕ್ನಲ್ಲಿ ಹೋಗುತ್ತಿದ್ದರು. ಆಯುಷ್ ಹಿಂಬದಿಗೆ ಕುಳಿತಿದ್ದ. ರಸ್ತೆ ಮೇಲೆ ವಾಹನ ಸವಾರರಿಗೆ ಜಾಗ ಕೊಡದೆ ಹೋಗುತ್ತಿದ್ದ ಅಪ್ರಾಪ್ತ ವಯಸ್ಸಿನ ಹುಡುಗರ ಬಳಿ, ಸ್ವಲ್ಪ ಸರಿಯಿರಿ. ನಮಗೆ ದಾರಿಬಿಡಿ ಎಂದು ಹೇಳಿದ್ದಾನೆ. ಅಷ್ಟಕ್ಕೇ ಬಾಲಕರು ಕ್ರೋಧಗೊಂಡಿದ್ದಾರೆ. ಜನಸಂದಣಿ ಮಧ್ಯೆ ನಿಧಾನವಾಗಿ ಹೋಗುತ್ತಿದ್ದ ಬೈಕ್ನ್ನು ಬೆನ್ನಟ್ಟಿ ಬಂದ ಬಾಲಕರು ಆಯುಷ್ಗೆ ಚಾಕುವಿನಿಂದ ಇರಿದು ಓಡಿ ಹೋಗಿದ್ದಾರೆ. ಆಯುಷ್ನನ್ನು ಕೂಡಲೇ ಆಸ್ಪತ್ರೆಗೆ ದಾಖಲು ಮಾಡಿದರೂ, ಚಿಕಿತ್ಸೆ ಫಲಿಸದೆ ಮೃತಪಟ್ಟಿದ್ದಾನೆ.
ಬಾಲಕರೆಲ್ಲ ಬಂಧಿತರಾಗಿದ್ದು, ಅದರಲ್ಲಿ ಇಬ್ಬರು 9ನೇ ತರಗತಿಯವರು ಎಂದು ಹೇಳಲಾಗಿದೆ. ಬಾಲಕರು ಸೇರಿ ಯುವಕನಿಗೆ ಚಾಕುವಿನಿಂದ ಇರಿದ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಅದರಲ್ಲಿ ಒಬ್ಬ ಬಾಲಕ ಆಯುಷ್ಗೆ ಇರಿಯುತ್ತಿದ್ದಂತೆ, ಎಲ್ಲರೂ ಸ್ಥಳದಿಂದ ಪರಾರಿಯಾಗಿದ್ದಾರೆ.
ಇದನ್ನೂ ಓದಿ: Accident In Delhi | ದೆಹಲಿ ಯುವತಿ ಆ್ಯಕ್ಸಿಡೆಂಟ್ ಕೇಸ್ನಲ್ಲಿ ಬಿಜೆಪಿ ಮುಖಂಡ ಅರೆಸ್ಟ್; ರಾಜಕೀಯ ಸ್ವರೂಪ ಪಡೆದ ಪ್ರಕರಣ