ಜಶ್ಪುರ್: ಗಂಡ-ಹೆಂಡತಿ ಜಗಳ ಉಂಡು ಮಲಗುವ ತನಕ ಎಂಬುದೊಂದು ಗಾದೆಯಿದೆ. ಆದರೆ ಈ ಕಾಲದಲ್ಲಿ ಉಂಡು ಮಲಗಿದ ಮೇಲಷ್ಟೇ ಅಲ್ಲ, ಮರುದಿನವೂ ಮುಂದುವರಿಯುವಂಥ ಜಗಳಗಳು ಆಗುವುದೇ ಹೆಚ್ಚು ಬಿಡಿ. ಅದಿರಲಿ, ಈಗ ಛತ್ತೀಸ್ಗಢ್ನಲ್ಲಿ (Chhattisgarh News ) ಗಂಡ-ಹೆಂಡತಿಯ ಜಗಳ ‘ಕುಡಿದು’ ಮಲಗಿದ ಮೇಲೆ ಶುರುವಾಗಿ, ಕೊಲೆಯಲ್ಲಿ ಅಂತ್ಯಕಂಡಿದೆ. ಛತ್ತೀಸ್ಗಢ್ನ ಜಶ್ಪುರ್ ಜಿಲ್ಲೆಯಲ್ಲಿ ಪತಿ ತನ್ನ ಪತ್ನಿಯನ್ನು ಹತ್ಯೆಗೈದಿದ್ದಾನೆ. ಲೈಂಗಿಕ ಕ್ರಿಯೆಗೆ ಬರುವಂತೆ ಆಕೆಯನ್ನು ಕೇಳಿದ್ದಕ್ಕೆ, ಅವಳು ಒಪ್ಪಲಿಲ್ಲ ಎಂಬ ಕಾರಣಕ್ಕೆ ಕೊಂದಿದ್ದಾನೆ..
ಗಂಡನ ಹೆಸರು ಶಂಕರ್ ರಾಮ್ ಮತ್ತು ಪತ್ನಿ ಆಶಾ ಬಾಯಿ. ಇವರಿಬ್ಬರೂ ಒಟ್ಟಾಗಿ ಸೋಮವಾರ ರಾತ್ರಿ ಕಂಠಪೂರ್ತಿ ಮದ್ಯಪಾನ ಮಾಡಿದ ಬಳಿಕ ಮಲಗಲು ಹೋಗಿದ್ದಾರೆ. ಆಗ ಶಂಕರ್ ರಾಮ್ ತನ್ನ ಪತ್ನಿಯನ್ನು ಸೆಕ್ಸ್ಗಾಗಿ ಒತ್ತಾಯ ಮಾಡಿದ್ದಾನೆ. ಆದರೆ ಆಶಾ ಬಾಯಿ ಒಪ್ಪಲಿಲ್ಲ. ಇದೇ ವಿಷಯ ತಾರಕಕ್ಕೇರಿ, ಗಂಡ-ಹೆಂಡತಿ ಜಗಳವೂ ದೊಡ್ಡದಾಯಿತು. ಕುಡಿದ ಅಮಲು, ಕೋಪ ಮತ್ತು ಬೇಸರದಲ್ಲಿದ್ದ ಆಶಾ ಬಾಯಿ ಹೋಗಿ ಬಾವಿಗೆ ಹಾರಿದ್ದಾಳೆ.
ಇದನ್ನೂ ಓದಿ: Triple Talaq: ಆನ್‌ಲೈನ್‌ನಲ್ಲಿ 1.5 ಲಕ್ಷ ರೂ. ಕಳೆದುಕೊಂಡ ಪತ್ನಿಗೆ ತ್ರಿವಳಿ ತಲಾಕ್‌ ನೀಡಿದ ಪತಿ
ಪತ್ನಿ ಆಶಾ ಬಾವಿಗೆ ಹಾರಿದ್ದನ್ನು ನೋಡಿದ ಶಂಕರ್ ರಾಮ್ ಆಕೆಯನ್ನು ರಕ್ಷಿಸಲೆಂದು ತಾನೂ ಬಾವಿಗೆ ಹಾರಿದ್ದಾನೆ. ಆಶಾಳನ್ನು ರಕ್ಷಣೆ ಮಾಡಿದ್ದಾನೆ. ಹೀಗೆ ಅವಳನ್ನು ಬಾವಿಯಿಂದ ಮೇಲೆತ್ತಿ ಕರೆದುಕೊಂಡು ಬಂದ ಶಂಕರ್ ರಾಮ್ ಮತ್ತೆ ಸೆಕ್ಸ್ಗಾಗಿ ಜಗಳ ತೆಗೆದಿದ್ದಾನೆ. ಆದರೆ ಆಶಾ ಸುತಾರಾಂ ಒಪ್ಪಲಿಲ್ಲ. ಇಲ್ಲ, ನನಗೆ ಸೆಕ್ಸ್ ಮಾಡಲು ಇಷ್ಟವಿಲ್ಲ ಎಂದು ಹೇಳಿದ್ದಾಳೆ. ಕೋಪಗೊಂಡ ಶಂಕರ್ ರಾಮ್ ಆಕೆಯ ಖಾಸಗಿ ಭಾಗದ ಮೇಲೆಯೇ ಹಲ್ಲೆ ಮಾಡಿ, ಕೊಂದಿದ್ದಾನೆ. ಹೆಣದೊಂದಿಗೆ ರಾತ್ರಿಪೂರ್ತಿ ಕುಳಿತು ಕಾಲಕಳೆದಿದ್ದಾನೆ.
ಮರುದಿನ ಬೆಳಗ್ಗೆ ಅಕ್ಕಪಕ್ಕದ ಮನೆಯವರು ಪೊಲೀಸರಿಗೆ ವಿಷಯ ತಿಳಿಸಿದ್ದರು. ಸ್ಥಳಕ್ಕೆ ಬಂದ ಪೊಲೀಸ್ ಸಿಬ್ಬಂದಿ ಶಂಕರ್ನನ್ನು ಅರೆಸ್ಟ್ ಮಾಡಿದ್ದಾರೆ. ಆಶಾ ಶವವನ್ನು ಪೋಸ್ಟ್ಮಾರ್ಟಮ್ಗೆ ಕಳಿಸಿದ್ದಾರೆ. ಪ್ರಕರಣದ ತನಿಖೆ ನಡೆಸುತ್ತಿರುವುದಾಗಿ ಠಾಣಾ ಉಸ್ತುವಾರಿ ಅಧಿಕಾರಿ ತಿಳಿಸಿದ್ದಾರೆ.