ಲಖನೌ: ತನ್ನ ಪ್ರೀತಿ ಒಪ್ಪಲಿಲ್ಲ ಎಂಬ ಕಾರಣಕ್ಕೆ ಯುವಕನೊಬ್ಬ, ಇನ್ನೂ 18 ತುಂಬದ ಹುಡುಗಿಯನ್ನು ಗುಂಡಿಟ್ಟುಕೊಂದಿದ್ದಾನೆ. ಉತ್ತರ ಪ್ರದೇಶದ ಭಾದೋಹಿ ಎಂಬಲ್ಲಿ ಈ ದುರ್ಘಟನೆ ನಡೆದಿದೆ.
15ವರ್ಷದ ಹುಡುಗಿ ಅನುರಾಧಾ ಬಿಂಡ್ ತನ್ನ ಸಹೋದರ ಸಂಬಂಧಿ ನೇಹಾ ಎಂಬುವಳೊಂದಿಗೆ ಕೋಚಿಂಗ್ ಕೇಂದ್ರದಿಂದ ವಾಪಸ್ ಮನೆಗೆ ಬರುತ್ತಿದ್ದಳು. ಆಗ ಅಲ್ಲಿಗೆ ಬಂದ ಅರವಿಂದ್ ವಿಶ್ವಕರ್ಮ (22) ಎಂಬಾತ ಮೊದಲು ಏನೋ ಮಾತಾಡಿದ್ದಾನೆ. ಹಾಗೇ, ತಕ್ಷಣವೇ ಆಕೆಯ ತಲೆಗೆ ಗುಂಡಿಟ್ಟಿದ್ದಾನೆ. ಅನುರಾಧಾ ಸ್ಥಳದಲ್ಲೇ ಮೃತಪಟ್ಟಿದ್ದಾಳೆ.
ಆರೋಪಿ ಅರವಿಂದ್ ಪರಾರಿಯಾಗಿದ್ದಾನೆ. ಆತನನ್ನು ಪತ್ತೆ ಮಾಡುವ ಕಾರ್ಯಾಚರಣೆ ನಡೆಯುತ್ತಿದೆ. ಅರವಿಂದ್ ವಿಶ್ವಕರ್ಮ ಅನುರಾಧಾಳನ್ನು ಪ್ರೀತಿಸುವುದಾಗಿ ಹೇಳಿಕೊಂಡಿದ್ದ. ಪದೇಪದೇ ಆಕೆಗೆ ಪ್ರಪೋಸ್ ಕೂಡ ಮಾಡಿದ್ದ. ಅವಳ ಬಳಿ ಹೋಗಿ, ತನ್ನ ಪ್ರೀತಿಯನ್ನು ವ್ಯಕ್ತಪಡಿಸಿದ್ದ. ಆದರೆ ಆಕೆ ಒಪ್ಪಿಕೊಂಡಿರಲಿಲ್ಲ. ಇದೇ ಕಾರಣಕ್ಕೆ ಗುಂಡಿಟ್ಟು ಕೊಂದಿದ್ದಾನೆ ಎಂಬುದು ಪ್ರಾಥಮಿಕ ತನಿಖೆಯಲ್ಲಿ ಗೊತ್ತಾಗಿದೆ ಎಂದು ಸ್ಥಳೀಯ ಪೊಲೀಸ್ ಅಧಿಕಾರಿ ಅನಿಲ್ ಕುಮಾರ್ ತಿಳಿಸಿದ್ದಾರೆ.
ಇದನ್ನೂ ಓದಿ: Woman murder : ಪ್ರೀತಿಸಲು ನಿರಾಕರಿಸಿದ ಯುವತಿಯನ್ನು ಮನೆಯಂಗಳದಲ್ಲೇ ಕೊಂದು ಹಾಕಿದ್ದ ಕಿರಾತಕ ಅರೆಸ್ಟ್‌