ಬಿಟ್ಟು ಹೊರಟ ಲವರ್​​​ ಮೇಲೆ ಅತ್ಯಾಚಾರ ಮಾಡಿ, ಖಾಸಗಿ ಅಂಗಕ್ಕೆ ಖಾರದಪುಡಿ ಚೆಲ್ಲಿದ ವಿವಾಹಿತ!

ಎಲ್ಲರಿಗೂ ಪ್ರೀತಿ ಬೇಕು. ಆದರೆ ಅನೇಕರು ಅದರಲ್ಲಿ ವಿಕೃತಿ ಮೆರೆಯುತ್ತಾರೆ. ಗುಜರಾತ್​​ನ ಸೂರತ್​​ನಲ್ಲೊಬ್ಬ (Surat Man) ಮಹಿಳೆಯೊಬ್ಬರನ್ನು ಪ್ರೀತಿ ಹೆಸರಲ್ಲಿ ಅತ್ಯಾಚಾರ ಮಾಡಿದ್ದಾನೆ. ಅಷ್ಟೇ ಅಲ್ಲ, ರೇಪ್​ ಮಾಡಿದ ಬಳಿಕ ಆಕೆಯ ಖಾಸಗಿ ಭಾಗಕ್ಕೆ ಮೆಣಸಿನ ಪುಡಿ ಹಾಕಿದ್ದಾನೆ. ಸದ್ಯ ಆ ಯುವತಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಈ ಆರೋಪಿ ಹೆಸರು ನಿಕುಂಜ್ ಕುಮಾರ್ ಅಮೃತ್​ ಭಾಯ್​ ಎಂದಾಗಿದ್ದು, ಅದಾಗಲೇ ಒಬ್ಬಳು ಮಹಿಳೆಯೊಟ್ಟಿಗೆ ಮದುವೆಯಾಗಿತ್ತು. ಆದರೆ ಪತ್ನಿ ಈತನ ಜತೆ ಇರಲಿಲ್ಲ. ಕೆಲಸದ ನಿಮಿತ್ತ ನಿಕುಂಜ್ ಕುಮಾರ್​ ಅಮೃತ್​ ಭಾಯ್​ ಪಟೇಲ್​ ಬೇರೆ ಹಳ್ಳಿಯಲ್ಲಿ ವಾಸಿಸುತ್ತಿದ್ದ.

ಹೀಗೆ ಪತ್ನಿಯಿಂದ ಪ್ರತ್ಯೇಕವಾಗಿ ವಾಸಿಸುತ್ತಿದ್ದ ನಿಕುಂಜ್ ಕುಮಾರ್​ ಇಲ್ಲಿ ಇನ್ನೊಬ್ಬಳು ಯುವತಿಯನ್ನು ಪ್ರೀತಿ ಹೆಸರಲ್ಲಿ ಸೆಳೆದಿದ್ದ. ಆಕೆಗೆ ತಾನು ಮದುವೆಯಾದವನು ಎಂದು ಹೇಳಿರಲಿಲ್ಲ. ಆಕೆಗೆ ಅದೂ ಇದು ಆಮಿಷ ತೋರಿಸಿ, ಜತೆಗೇ ಇರುವಂತೆ ನೋಡಿಕೊಂಡಿದ್ದ. ಆದರೂ ಒಂದು ದಿನ ಯುವತಿಗೆ ಈ ನಿಕುಂಜ್ ಕುಮಾರ್​ ಮದುವೆಯಾದವನು, ಆತನಿಗೆ ಪತ್ನಿ ಇದ್ದಾಳೆ ಎಂಬುದು ಗೊತ್ತಾಯಿತು. ಅದು ಗೊತ್ತಾಗುತ್ತಿದ್ದಂತೆ ಜಗಳ ತೆಗೆದಳು. ಅವನಿಂದ ದೂರವಾಗಲು ನಿರ್ಧಾರ ಮಾಡಿದ್ದಳು.

ಇದನ್ನೂ ಓದಿ: ಪಶ್ಚಿಮ ಬಂಗಾಳದಲ್ಲಿ ಬುಡಕಟ್ಟು ಬಾಲಕಿ ಮೃತಪಟ್ಟಿದ್ದು ವಿಷದಿಂದ ಎಂದ ಪೋಸ್ಟ್​ಮಾರ್ಟಮ್​ ರಿಪೋರ್ಟ್​; ಅತ್ಯಾಚಾರ ನಡೆದಿತ್ತಾ?

ಯುವತಿ ದೂರವಾಗುತ್ತಿದ್ದಾಳಲ್ಲ ಎಂಬ ಕ್ರೋಧದಿಂದ ನಿಕುಂಜ್ ಕುಮಾರ್​ ಮಿತಿಮೀರಿ ವರ್ತಿಸಿದ್ದಾನೆ. ಮೊದಲು ಕೇಬಲ್​ ವೈರ್​ನಿಂದ ಆಕೆಗೆ ಥಳಿಸಿದ್ದಾನೆ. ಬಳಿಕ ರೇಪ್​ ಮಾಡಿದ್ದಾನೆ. ಅಷ್ಟಕ್ಕೂ ಬಿಡದೆ ಅವಳ ಗುಪ್ತಾಂಗಕ್ಕೆ ಖಾರದ ಪುಡಿ ಹಾಕಿದ್ದಾನೆ. ನಿನ್ನ ಅಶ್ಲೀಲ ಫೋಟೋಗಳನ್ನು, ವಿಡಿಯೊಗಳನ್ನು ಸೋಷಿಯಲ್ ಮೀಡಿಯಾಗಳಲ್ಲಿ ವೈರಲ್ ಮಾಡುವ ಬೆದರಿಕೆಯನ್ನೂ ಹಾಕಿದ್ದ. ಸದ್ಯ ಆಕೆ ಆಸ್ಪತ್ರೆಗೆ ದಾಖಲಾಗಿದ್ದಾಳೆ. ಒಲ್ಪಾಡ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ವಿಚಾರಣೆ ನಡೆಸುತ್ತಿದ್ದಾರೆ.