25 ವರ್ಷದ ಹುಡುಗನೊಬ್ಬ ತನ್ನ ಅಜ್ಜಿ, ಅಪ್ಪ-ಅಮ್ಮ, ಸಹೋದರಿಯನ್ನು ಹತ್ಯೆ ಮಾಡಿದ್ದಾನೆ. ನೈಋತ್ಯ ದೆಹಲಿಯ ಪಾಲಮ್ನಲ್ಲಿರುವ ಈ ಹುಡುಗನ ಮನೆಯಲ್ಲಿ ಮಂಗಳವಾರ ದೊಡ್ಡ ಜಗಳವಾಗಿದೆ. ಅದರ ಬೆನ್ನಲ್ಲೇ ಆತ ಎಲ್ಲರನ್ನೂ ಹತ್ಯೆಗೈದಿದ್ದಾನೆ. ಸದ್ಯ ಅವನೀಗ ಅರೆಸ್ಟ್ ಆಗಿದ್ದಾನೆ. ಆರೋಪಿ ಹೆಸರು ಕೇಶವ್ ಎಂದಾಗಿದ್ದು, ಆತ ತನ್ನ ಅಜ್ಜಿ ದಿವಾನೋ ದೇವಿ (75), ಅಪ್ಪ ದಿನೇಶ್ ಮತ್ತು ತಾಯಿ ದರ್ಶನಾ ಮತ್ತು ಸಹೋದರಿ ಊರ್ವಶಿ ಅವರನ್ನು ಮಾರಕಾಸ್ತ್ರಗಳಿಂದ ಕೊಂದು ಹಾಕಿದ್ದಾನೆ ಎಂದು ತನಿಖಾಧಿಕಾರಿ ಮಾಹಿತಿ ನೀಡಿದ್ದಾರೆ.
ಕೇಶವ್ ಮಾದಕ ವ್ಯಸನಿಯಾಗಿದ್ದ ಎಂಬುದು ಪ್ರಾಥಮಿಕ ತನಿಖೆಯಲ್ಲೇ ಗೊತ್ತಾಗಿದೆ. ಈತನಿಗೆ ಒಂದು ಸ್ಥಿರವಾದ ಉದ್ಯೋಗ ಇರಲಿಲ್ಲ. ಇದೇ ಕಾರಣಕ್ಕೆ ಮನೆಯಲ್ಲಿ ಗಲಾಟೆಯಾಗುತ್ತಿತ್ತು. ಮನೆಯಲ್ಲಿ ಯಾರೇನೇ ಹೇಳಿದರೂ ಅವರ ಬಳಿ ಆತ ಜಗಳಕ್ಕೆ ಹೋಗುತ್ತಿದ್ದ. ಮಂಗಳವಾರವೂ ಅದೇ ಆಯಿತು. ಆದರೆ ಗಲಾಟೆ ಜೋರಾಗಿ ಕೇಶವ್ ಎಲ್ಲರನ್ನೂ ಕೊಂದು ಹಾಕಿದ್ದಾನೆ. ಅವರ ನೆರೆಮನೆಯವರು ನಮಗೆ ರಾತ್ರಿ 10.30ರ ಹೊತ್ತಿಗೆ ಮಾಹಿತಿ ನೀಡಿದರು. ಅಲ್ಲಿಗೆ ಹೋಗುವಷ್ಟರಲ್ಲಿ ಬಾಗಿಲು ಹಾಕಿತ್ತು, ಒಳಗಿನಿಂದ ಚಿಲಕವೂ ಹಾಕಿಕೊಂಡಿತ್ತು. ನಾವು ಬಾಗಿಲು ಒಡೆದು ಹೋಗುವಷ್ಟರಲ್ಲಿ ನಾಲ್ಕೂ ಜನ ಹೆಣವಾಗಿ ಬಿದ್ದಿದ್ದರು. ಆರೋಪಿ ಕೇಶವ್ ತಪ್ಪಿಸಿಕೊಳ್ಳಲು ಯತ್ನಿಸುತ್ತಿದ್ದ. ನಾವು ಅದನ್ನು ತಡೆದು, ಬಂಧಿಸಿದ್ದೇವೆ’ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.
ಇದನ್ನೂ ಓದಿ: Shraddha Murder Case | ಶ್ರದ್ಧಾ ವಾಳ್ಕರ್ ಹತ್ಯೆ ಕೇಸ್ ಸಿಬಿಐಗೆ ವರ್ಗಾಯಿಸಲು ಸಾಧ್ಯವಿಲ್ಲ ಎಂದ ದೆಹಲಿ ಹೈಕೋರ್ಟ್