ಹೊಸದಿಲ್ಲಿ: ಈ ವರ್ಷ ಜೂನ್ ತಿಂಗಳಿನಲ್ಲಿ ನ್ಯಾಷನಲ್ ಟೆಸ್ಟಿಂಗ್ ಏಜೆನ್ಸಿ (ಎನ್‌ಟಿಎ) ನಡೆಸಿದ ಯುಜಿಸಿ ನೆಟ್‌ ಪರೀಕ್ಷೆಯ ಫಲಿತಾಂಶಗಳನ್ನು (UGC NET results 2023) ಪ್ರಕಟಿಸಿದೆ. ಅಂತಿಮ ಕೀ ಉತ್ತರ ಮತ್ತು ಕಟ್ಆಫ್ ಟೇಬಲ್‌ಗಳನ್ನು ಸಹ ಬಿಡುಗಡೆ ಮಾಡಲಾಗಿದೆ. ನೆಟ್‌ ಫಲಿತಾಂಶ 2023 ಅನ್ನು ಚೆಕ್‌ ಮಾಡುವುದು ಹೇಗೆಂಬ ವಿವರ ಇಲ್ಲಿದೆ.
ನ್ಯಾಷನಲ್ ಟೆಸ್ಟಿಂಗ್ ಏಜೆನ್ಸಿಯು (NTA) 2023ರ ಜೂನ್ ತಿಂಗಳಲ್ಲಿ ಯುಜಿಸಿ ನೆಟ್‌ ಪರೀಕ್ಷೆಯನ್ನು ನಡೆಸಿತ್ತು. ಇಂದು ಅದರ ಫಲಿತಾಂಶ ಪ್ರಕಟಿಸಲಾಗಿದೆ. JRF UGC NET ಜೂನ್ 2023ರ ಕಟ್ಆಫ್ ಟೇಬಲ್ ಮತ್ತು ಸಹಾಯಕ ಪ್ರಾಧ್ಯಾಪಕ-ಯುಜಿಸಿ ನೆಟ್‌ ಜೂನ್, 2023ರ ಕಟ್ಆಫ್ ಟೇಬಲ್ ಅನ್ನು ಸಹ ಫಲಿತಾಂಶಗಳೊಂದಿಗೆ ಪ್ರಕಟಿಸಲಾಗಿದೆ.
ಪರೀಕ್ಷೆಗೆ ಹಾಜರಾದ ಅಭ್ಯರ್ಥಿಗಳು ugcnet.nta.nic.in ಗೆ ಭೇಟಿ ನೀಡುವ ಮೂಲಕ ತಮ್ಮ ಸ್ಕೋರ್ ಕಾರ್ಡ್‌ಗಳನ್ನು ಪರಿಶೀಲಿಸಬಹುದು. ಯುಜಿಸಿ ನೆಟ್‌ ಜೂನ್ 2023 ಫಲಿತಾಂಶಗಳನ್ನು ಅಪ್ಲಿಕೇಶನ್ ಸಂಖ್ಯೆ, ಅಭ್ಯೃತಿಯ ಜನ್ಮ ದಿನಾಂಕ ಮತ್ತು ಭದ್ರತಾ ಪಿನ್ ಬಳಸಿಯೂ ಪರಿಶೀಲಿಸಬಹುದು.
ಹೀಗೆ ಚೆಕ್‌ ಮಾಡಿ:
- ಯುಜಿಸಿ ನೆಟ್‌ ಜೂನ್ 2023 ಫಲಿತಾಂಶ ಪರಿಶೀಲಿಸಲು ಮೊದಲು ಯುಜಿಸಿ ನೆಟ್‌ನ ಅಧಿಕೃತ ವೆಬ್‌ಸೈಟ್‌ ugcnet.nta.nic.inಗೆ ಲಾಗಿನ್‌ ಆಗಿ,
- ಪುಟದ ಮೇಲ್ಭಾಗದಲ್ಲಿರುವ ಯುಜಿಸಿ ನೆಟ್‌ ಜೂನ್ 2023 ಫಲಿತಾಂಶಗಳು ಎಂಬ ಲಿಂಕ್ ಅನ್ನು ಕ್ಲಿಕ್ ಮಾಡಿ.
- ಪರದೆ ಮೇಲೆ ತೋರಿಸಿರುವಂತೆ ನಿಮ್ಮ ಅಪ್ಲಿಕೇಶನ್ ಸಂಖ್ಯೆ, ಜನ್ಮದಿನಾಂಕಮ ಭದ್ರತಾ ಪಿನ್ ಅನ್ನು ಟೈಪ್‌ ಮಾಡಿ.
- ನಿಮ್ಮ ಸ್ಕೋರ್ ಕಾರ್ಡ್‌ ಅನ್ನು ಡೌನ್‌ಲೋಡ್‌ ಮಾಡಿ ಭವಿಷ್ಯದ ಅಗತ್ಯಗಳಿಗಾಗಿ ನಿಮ್ಮ ಕಂಪ್ಯೂಟರ್‌ನಲ್ಲಿ ಸೇವ್‌ ಮಾಡಿ ಇಟ್ಟುಕೊಳ್ಳಿ.
ಪರೀಕ್ಷೆಯ ತಾತ್ಕಾಲಿಕ ಉತ್ತರ ಕೀಯನ್ನು ಜುಲೈ 6ರಂದು ಬಿಡುಗಡೆ ಮಾಡಲಾಗಿದೆ. ಯುಜಿಸಿ ನೆಟ್‌ ಜೂನ್ 2023 ಪರೀಕ್ಷೆ ದೇಶದಾದ್ಯಂತ 181 ನಗರಗಳಲ್ಲಿ 83 ವಿಷಯಗಳಿಗೆ ನಡೆಯಿತು. ಒಟ್ಟು 6,39,069 ಅಭ್ಯರ್ಥಿಗಳು ಪರೀಕ್ಷೆ ಬರೆದಿದ್ದರು.