-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಮಳೆಗಾಲದ ಫ್ಯಾಷನ್‌ನಲ್ಲಿ (Monsoon kids Fashion) ಇದೀಗ ಮಕ್ಕಳ ಸರದಿ. ಮುದ್ದುಮುದ್ದಾಗಿರುವ ಮಕ್ಕಳನ್ನು ಮತ್ತಷ್ಟು ಆಕರ್ಷಕವಾಗಿಸಬಲ್ಲ ಲೆಕ್ಕವಿಲ್ಲದಷ್ಟು ಬಗೆಯ ಕ್ಯೂಟ್‌ ಫ್ಯಾಷನ್‌ವೇರ್‌ಗಳು ಮಾರುಕಟ್ಟೆಗೆ ಕಾಲಿಟ್ಟಿವೆ.
ಮಾನ್ಸೂನ್‌ ಕಿಡ್ಸ್‌ ಡಿಸೈನರ್‌ವೇರ್ಸ್‌ನಲ್ಲಿ ಏನೇನಿವೆ ?
ಅಂದಹಾಗೆ, ಮಕ್ಕಳ ಮಾನ್ಸೂನ್‌ ಡಿಸೈನರ್‌ವೇರ್‌ಗಳಲ್ಲಿ, ಕಳೆದ ವರ್ಷಕ್ಕೆ ಹೋಲಿಸಿದಲ್ಲಿ ಈ ವರ್ಷ ಸಾಕಷ್ಟು ಬದಲಾವಣೆಯಾಗಿದೆ. ಮೊದಲಿನ ಹಾಗೆ, ಕೇವಲ ಒಂದು ಜಾಕೆಟ್‌ ಹಾಗೂ ಸ್ವೆಟರ್‌ ಹಾಕಿದರೇ ಮಕ್ಕಳ ಮಳೆಗಾಲದ ಫ್ಯಾಷನ್ ಕಂಪ್ಲೀಟ್‌ ಆಗುವುದಿಲ್ಲ! ಬದಲಿಗೆ, ದೊಡ್ಡವರು ಧರಿಸುವ ಡಿಸೈನ್‌ನ ಫ್ಯಾಷನ್‌ವೇರ್‌ಗಳಂತೆಯೇ ಚಿಣ್ಣರಿಗೆ ಕೂಡ ಸೂಟ್‌ ಆಗುವಂತಹ ನಾನಾ ಬಗೆಯ ಮಿನಿ ಡಿಸೈನರ್‌ವೇರ್‌ಗಳು ಆಗಮಿಸಿವೆ.
ಸೈಡಿಗೆ ಸರಿದ ಮಿನಿ-ಮೈಕ್ರೋ ಡ್ರೆಸ್‌ಗಳು
ತೀರಾ ಪುಟ್ಟ ಪುಟ್ಟಾದಾಗಿದ್ದ ಡ್ರೆಸ್‌ಗಳು. ಮಿನಿ, ಶಾರ್ಟ್ ಮಿಡಿ, ಕ್ರಾಪ್‌ ಟಾಪ್‌, ಚಿಕ್ಕ ಫ್ರಾಕ್‌, ಹಾಲ್ಟರ್‌, ಬಾರ್ಡಟ್‌ ನೆಕ್‌ನ ಟಾಪ್‌ಗಳು ಹಾಗೂ ಉಡುಪುಗಳು ಇದೀಗ ಈ ಸೀಸನ್‌ನಲ್ಲಿ ಸೈಡಿಗೆ ಸರಿದಿದ್ದು, ಸದ್ಯಕ್ಕೆ ಮರೆಯಾಗಿವೆ. ಬೇಸಿಗೆಯಲ್ಲಿ ಮಕ್ಕಳನ್ನು ಸವಾರಿ ಮಾಡಿದ್ದ ಲೈಟ್‌ವೈಟ್‌ 2 ಪೀಸ್‌ ಡ್ರೆಸ್‌, ಮೈಕ್ರೋ, ಮಿನಿ ಸ್ಕರ್ಟ್ಗಳು ಸೈಡಿಗೆ ಸರಿದಿವೆ ಎನ್ನುತ್ತಾರೆ ಕಿಡ್ಸ್‌ ಸ್ಟೈಲಿಸ್ಟ್‌ ಅಮಿತ್‌, ಅವರ ಪ್ರಕಾರ, ಈ ಸೀಸನ್‌ಗೆ ಹೊಂದುವಂತಹ ಲೇಯರ್‌ ಲುಕ್‌ ನೀಡುವ ಔಟ್‌ಫಿಟ್‌ಗಳು ಲಗ್ಗೆ ಇಟ್ಟಿವೆ. ಉದಾಹರಣೆಗೆ., ಟಾಪ್‌, ಸ್ಕರ್ಟ್, ಅದರ ಮೇಲೊಂದು ಕ್ರಾಪ್‌ ಜಾಕೆಟ್‌, ಕಾಲಿಗೆ ಸ್ಟಾಕಿನ್ಸ್‌, ಇನ್ನು ಪುಟ್ಟದಾದ ಡೆನಿಮ್‌ ಫ್ರಾಕ್‌ ಮೇಲೊಂದು ಶೀರ್‌ ಅಥವಾ ಲೇಸ್‌ನ ಜಾಕೆಟ್‌, ಕಾಲಿಗೆ ಟೈಟ್ಸ್, ಇನ್ನು ಇಂಡೋ-ವೆಸ್ಟರ್ನ್ ಲುಕ್‌ ಕಿಡ್ಸ್‌ವೇರ್‌ನಲ್ಲಿ ಸೆಮಿ ಎಥ್ನಿಕ್‌ ಲುಕ್‌ ನೀಡುವ ಅಂಬ್ರೆಲ್ಲಾ-ಸಿಂಡ್ರೆಲ್ಲಾ ಗೌನ್‌ಗಳು ಚಾಲ್ತಿಯಲ್ಲಿವೆ. ಡೈಲಿ ಬಳಸುವ ಔಟ್‌ಫಿಟ್‌ಗಳಲ್ಲಿ ಫುಲ್‌ ಸ್ಲೀವ್‌, ತ್ರೀ ಫೋರ್ತ್, ಫ್ರಿಲ್‌, ಫ್ಲೇರ್‌ ಫ್ರಾಕ್‌ಗಳು ಟ್ರೆಂಡ್‌ನಲ್ಲಿವೆ. ಡಬ್ಬಲ್‌ ಲೈನಿಂಗ್‌ ಇರುವಂತಹ ಔಟ್‌ಫಿಟ್ಸ್, ಮಲ್ಟಿ ಲೇಯರ್‌ ಗೌನ್ಸ್‌ ಕೂಡ ಬೇಡಿಕೆ ಹೆಚ್ಚಿಸಿಕೊಂಡಿವೆ ಎನ್ನುತ್ತಾರೆ ಕಿಡ್ಸ್‌ ಸ್ಟೈಲಿಸ್ಟ್‌ಗಳು.
ಇದನ್ನೂ ಓದಿ: Monsoon Fashion: ಜೆನ್ ಜಿ ಹುಡುಗಿಯರ ಫ್ಯಾಷನ್ ಲಿಸ್ಟ್‌ಗೆ ಸೇರಿದ ದೊಗಲೆ ಓವರ್ ಸೈಜ್ ಶೋಲ್ಡರ್ ಶರ್ಟ್!
ಮಾನ್ಸೂನ್‌ ಕಿಡ್ಸ್‌ವೇರ್‌ ಆಯ್ಕೆ ಹೀಗಿರಲಿ
- ಆಯ್ಕೆ ಮಾಡುವ ಕಿಡ್ಸ್‌ವೇರ್‌ ಫ್ಯಾಬ್ರಿಕ್‌, ಸ್ಕಿನ್‌ ಫ್ರೆಂಡ್ಲಿಯಾಗಿರಲಿ.
- ಬೆಚ್ಚಗಿಡುವ ನೆಪದಲ್ಲಿ ತೀರಾ ಬಿಗಿಯಾದ ಉಸಿರುಕಟ್ಟಿಸುವ ಔಟ್‌ಫಿಟ್‌ ಆಯ್ಕೆ ಬೇಡ.
- ಮಕ್ಕಳ ಕಂಫರ್ಟಬಲ್‌ಗೆ ಆದ್ಯತೆ ನೀಡಿ.
- ತೀರಾ ಡಾರ್ಕ್ ಕಲರ್‌ನ ಔಟ್‌ಫಿಟ್‌ ಮಕ್ಕಳಿಗೆ ಬೇಡ.
- ಸಕಾರಾತ್ಮಕ ಹಾಗೂ ಸಕ್ರಿಯವಾಗಿಡುವಂತಹ ಡಿಸೈನ್‌ಗಳಿಗೆ ಪ್ರಾಮುಖ್ಯತೆ ನೀಡಿ.
- ಕಾರ್ಟೂನ್‌ ಇರುವಂತಹ ಡಿಸೈನರ್‌ವೇರ್‌ಗಳು ಮಕ್ಕಳಿಗೆ ಖುಷಿ ನೀಡುತ್ತವೆ.
- ಗಂಡು ಮಕ್ಕಳಿಗೆ ಫುಲ್‌ ಸ್ಲೀವ್‌ ಟೀ ಶರ್ಟ್, ಸ್ಟ್ರೇಟ್‌ ಜೀನ್ಸ್‌ ಜೊತೆಗೆ ಜಾಕೆಟ್‌ ಪ್ರಿಫರ್‌ ಮಾಡಿ, ಲೇಯರ್‌ ಲುಕ್‌ ನೀಡಿ.
- ನೆಟ್ಟೆಡ್‌ನ ಡಬ್ಬಲ್‌ ತ್ರಿಬಲ್‌ ಲೇಯರ್‌ ಗೌನ್‌ಗಳು ಹೆಣ್ಣು ಮಕ್ಕಳಿಗೆ ಆಕರ್ಷಕವಾಗಿ ಬಿಂಬಿಸುತ್ತವೆ.
(ಲೇಖಕಿ : ಫ್ಯಾಷನ್ ಪತ್ರಕರ್ತೆ)