ಶೀಲಾ ಸಿ. ಶೆಟ್ಟಿ
ಕಿರುತೆರೆಯ ರಾಮಾಚಾರಿ ಎಂದೇ ಖ್ಯಾತಿ ಗಳಿಸಿರುವ ನಟ ಋತ್ವಿಕ್‌ ಕ್ರುಪಾಕರ್‌ ಅವರ ಕಂಪ್ಲೀಟ್‌ ಲುಕ್‌ ಬದಲಾಗಿದೆ. ಡಿಸೆಂಟ್‌ ಹುಡುಗನ ಹಾಗೇ ಕಾಣುತ್ತಿದ್ದ ಈ ನಟ ಇದೀಗ ಕಂಪ್ಲೀಟ್‌ ಸೂಪರ್‌ ಮಾಡೆಲ್‌ನಂತೆ ಕಾಣಿಸಿಕೊಂಡಿದ್ದಾರೆ. ಅದು ಮಾನ್ಸೂನ್‌ಗೆ ತಕ್ಕಂತೆ ತಮ್ಮ ಫ್ಯಾಷನ್ ಸ್ಟೇಟ್‌ಮೆಂಟ್‌ ಬದಲಿಸಿಕೊಂಡಿದ್ದಾರೆ. ಅದು ಯಾಕೆ? ಎಂದು ಯೋಚಿಸುತ್ತಿದ್ದೀರಾ! ಈ ಬಗ್ಗೆ ಅವರೇ ಹೇಳಿದ್ದಾರೆ. ವಿಸ್ತಾರ ನ್ಯೂಸ್‌ನೊಂದಿಗೆ ತಮ್ಮ ನಯಾ ಫ್ಯಾಷನ್ ಹಾಗೂ ಸ್ಟೈಲ್‌ ಸ್ಟೇಟ್‌ಮೆಂಟ್‌ ಬಗ್ಗೆ ಮಾತನಾಡಿರುವ ಅವರು ಖುಲ್ಲಾಂ ಖುಲ್ಲಾ ತಮ್ಮ ಫ್ಯಾಷನ್ ಚಾಯ್ಸ್‌ ಹಾಗೂ ಇನ್ನೀತರೇ ವಿಷಯಗಳ ಬಗ್ಗೆ ಹಂಚಿಕೊಂಡಿದ್ದಾರೆ.
ವಿಸ್ತಾರ ನ್ಯೂಸ್‌ : ಡಿಸೆಂಟ್‌ ಲುಕ್‌ನಲ್ಲಿದ್ದ ರಾಮಾಚಾರಿ ಅಲಿಯಾಸ್‌ ರಿತ್ವಿಕ್‌ ಲುಕ್‌ ಇದ್ದಕ್ಕಿದ್ದ ಹಾಗೇ ಬದಲಾಗಿದ್ದು ಹೇಗೇ?
ಋತ್ವಿಕ್‌ : ಸದಾ ಒಂದೇ ಲುಕ್‌ನಲ್ಲಿ ಸಿಂಪಲ್‌ ಹಾಗೂ ಡಿಸೆಂಟ್‌ ಆಗಿ ಕಾಣಿಸಿಕೊಳ್ಳುತ್ತಿದ್ದ ನನ್ನ ಲುಕ್‌ ಕೊಂಚ ಬದಲಿಸಬೇಕೆನಿಸಿತು. ಯಾಕೆ ನಾನು ಕೂಡ ಕೊಂಚ ವೆಸ್ಟರ್ನ್ ಲುಕ್‌ನಲ್ಲಿ ಕಾಣಿಸಿಕೊಳ್ಳಬಾರದು. ಹಾಗಾಗಿ ಡಿಫರೆಂಟ್‌ ಇಮೇಜ್‌ನಲ್ಲಿ ಕಾಣಿಸಿಕೊಂಡು ಫೋಟೊಶೂಟ್‌ ಮಾಡಿಸಿದೆ.
ವಿಸ್ತಾರ ನ್ಯೂಸ್‌ : ನಿಮ್ಮ ಈ ಹೊಸ ಲುಕ್‌ಗೆ ಸ್ಟೈಲಿಶ್‌ ಯಾರು? ಹೇಗೆಲ್ಲಾ ಲುಕ್‌ ಬದಲಿಸಲು ಪ್ಲಾನ್‌ ಮಾಡಿದಿರಿ?
ಋತ್ವಿಕ್‌ : ಸ್ಟೈಲಿಶ್‌ ಎಲ್ಲವೂ ನಾನೇ! ಇದಕ್ಕಾಗಿ ಇದೀಗ ಸ್ಟ್ರೀಟ್‌ವೇರ್‌ ಟ್ರೆಂಡ್‌ನಲ್ಲಿರುವ ಹಿಪ್‌ ಹಾಪ್‌ ಲುಕ್‌ ನೀಡುವ ಓವರ್‌ಸೈಝ್‌ನ ಕಾರ್ಗೋ ಶರ್ಟ್ ಜಾಕೆಟ್‌ನೊಂದಿಗೆ ಮ್ಯಾಚಿಂಗ್‌ ಪ್ಯಾಂಟ್‌ ಧರಿಸಿದೆ. ವರ್ಕೌಟ್‌ ಆಯಿತು. ಸಖತ್ತಾಗಿ ಲುಕ್‌ ಬದಲಾಯಿತು.
ಇದನ್ನೂ ಓದಿ: Fashion Factory: ಹಳೆ ಬಟ್ಟೆ, ಶೂ ಕೊಟ್ರೆ, ಹೊಸ ಬಟ್ಟೆ ಕೊಡ್ತಾರೆ! ಇದು ಫ್ಯಾಷನ್ ಫ್ಯಾಕ್ಟರಿ ಕಮಾಲ್
ವಿಸ್ತಾರ ನ್ಯೂಸ್‌ :ನಿಮ್ಮ ಸಿಗ್ನೇಚರ್‌ ಸ್ಟೈಲ್‌ ಏನು ?
ಋತ್ವಿಕ್‌ : ಇದುವರೆಗೂ ನಾನು ಈ ಬಗ್ಗೆ ಯೋಚಿಸಿಯೇ ಇಲ್ಲ! ಆದರೂ ನನ್ನ ಸ್ಮೈಲ್‌, ಆಲ್‌ಟೈಮ್‌ ನನ್ನ ಸಿಗ್ನೇಚರ್‌ ಸ್ಟೈಲ್‌ ಎನ್ನಬಹುದು.
ವಿಸ್ತಾರ ನ್ಯೂಸ್‌ : ನಿಮಗೆ ಫ್ಯಾಷನ್ ಐಕಾನ್‌ ಎಂದೆನಿಸುವ ಸ್ಟಾರ್‌ ಯಾರು?ಯಾಕೆ?
ಋತ್ವಿಕ್‌ : ಪ್ರಯೋಗಾತ್ಮಕ ಫ್ಯಾಷನ್‌ವೇರ್‌ ಧರಿಸುವ ಬಾಲಿವುಡ್‌ ನಟ ರಣವೀರ್‌ ಸಿಂಗ್‌.
ವಿಸ್ತಾರ ನ್ಯೂಸ್‌ : ಯಾವತ್ತಾದರೂ ನೀವು ವಿಚಿತ್ರ ಫ್ಯಾಷನ್ ಮಾಡಿದ್ದುಂಟಾ?
ಋತ್ವಿಕ್‌ : ಇದೆ. ಕಾಲೇಜಿನಲ್ಲಿದ್ದಾಗ ಒಂದು ಕಾಲಿಗೆ ಯೆಲ್ಲೋ ಮತ್ತೊಂದು ಕಾಲಿಗೆ ರೆಡ್‌ ಸಾಕ್ಸ್‌ ಧರಿಸಿದ್ದೆ. ಮಿಸ್‌ ಮ್ಯಾಚ್‌ ಫ್ಯಾಷನ್ ಮಾಡಿದ್ದೆ. ಇದೀಗ ಅದು ಫಂಕಿ ಫ್ಯಾಷನ್ ಟ್ರೆಂಡ್‌ ಎಂದೆನಿಸಿಕೊಳ್ಳುತ್ತಿದೆ.
ವಿಸ್ತಾರ ನ್ಯೂಸ್‌ : ನೀವು ಬ್ರ್ಯಾಂಡ್‌ ಫ್ರೀಕಾ ?
ಋತ್ವಿಕ್‌ : ಖಂಡಿತಾ ಇಲ್ಲ! ನನಗೆ ಯಾವುದು ಇಷ್ಟವಾಗುತ್ತದೋ ಅಥವಾ ನೋಡಲು ಚೆನ್ನಾಗಿ ಕಾಣಿಸುತ್ತದೆಯೋ ಆ ಔಟ್‌ಫಿಟ್‌ ಧರಿಸುತ್ತೇನೆ.
ವಿಸ್ತಾರ ನ್ಯೂಸ್‌ : ನಿಮ್ಮ ಅಭಿಮಾನಿಗಳಿಗೆ ನೀವು ನೀಡುವ 3 ಫ್ಯಾಷನ್ ಟಿಪ್ಸ್‌ ಏನು ?
ಋತ್ವಿಕ್‌ : ಮಾನ್ಸೂನ್‌ಗೆ ತಕ್ಕಂತೆ ಬೆಚ್ಚಗಿಡಬಹುದಾದ ಸ್ಟೈಲ್‌ ಮಾಡಿ.
ಇತರರನ್ನು ನೋಡಿ ಅನುಕರಿಸಬೇಡಿ,
ಏನೇ ಧರಿಸಿದರೂ ಕಾನ್ಫಿಡೆನ್ಸ್‌ ಸದಾ ನಿಮ್ಮದಾಗಿರಲಿ.
(ಲೇಖಕಿ : ಫ್ಯಾಷನ್ ಪತ್ರಕರ್ತೆ)
Photography : Ratstudio7