-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಅರಬ್‌ ರಾಷ್ಟ್ರಗಳನ್ನು ಸುತ್ತಿ ಬಂದ ನಟಿ ಮೋಕ್ಷಿತಾ ಪೈ ಫ್ಯಾಷನ್‌ ವಾವ್ಹ್ ಎನ್ನುವಂತಿದೆ ಎನ್ನುತ್ತಿದ್ದಾರೆ ಫ್ಯಾಷನ್‌ ವಿಮರ್ಶಕರು. ದುಬೈ, ಅಬುದಾಬಿ ಸೇರಿದಂತೆ ಅರಬ್‌ ರಾಷ್ಟ್ರದಲ್ಲಿನ ನಾನಾ ಜಾಗಗಳನ್ನು ಸುತ್ತುತ್ತ ಬಿಂದಾಸ್‌ ಟೂರ್‌ ಮಾಡಿರುವ ಪಾರು ಅವರ ಟ್ರಾವೆಲ್‌ ಫ್ಯಾಷನ್‌ ಕೂಡ ಟ್ರೆಂಡಿಯಾಗಿತ್ತು. ಇನ್ನು, ಅಲ್ಲಿನ ಹವಮಾನಕ್ಕೆ ತಕ್ಕಂತೆ ಅವರು ಧರಿಸಿದ ಒಂದೊಂದು ಧಿರಿಸುಗಳು ಕೂಡ ಫ್ಯಾಷೆನಬಲ್‌ ಆಗಿದ್ದವು. ಆ ಉಡುಪುಗಳಲ್ಲಿ ಕ್ಲಿಕ್ಕಿಸಿದ ಒಂದೊಂದು ಫೋಟೋಗಳು ಅವರ ಅಭಿಮಾನಿಗಳನ್ನು ಸೆಳೆಯುವಲ್ಲಿ ಯಶಸ್ವಿಯಾದವು ಕೂಡ ಎನ್ನುತ್ತಾರೆ ಫ್ಯಾಷನಿಸ್ಟಾಗಳು.
ಫೇವರೇಟ್‌ ಕಲರ್‌ ಹಾಗೂ ಡ್ರೆಸ್‌ಕೋಡ್‌ನಲ್ಲಿ ಲೈವ್ಲಿಯಾಗಿ ಕಾಣಿಸಿಕೊಂಡಿರುವ ನಟಿ ಪಾರು ತಮ್ಮ ಈ ಟ್ರಾವೆಲ್‌ ಫ್ಯಾಷನ್‌ ಬಗ್ಗೆ ವಿಸ್ತಾರ ನ್ಯೂಸ್‌ನೊಂದಿಗೆ ಹಂಚಿಕೊಂಡಿದ್ದಾರೆ. ಈ ಕುರಿತಂತೆ ಇಲ್ಲಿದೆ ವಿವರ.
ಟ್ರಾವೆಲ್‌ ಸ್ಪಾಟ್‌ಗಳಿಗೆ ತಕ್ಕಂತೆ ಮ್ಯಾಚಿಂಗ್‌
ದುಬೈ ಸೇರಿದಂತೆ ಎಲ್ಲೆಡೆಯೂ ಕೂಡ ಆಯಾ ಜಾಗಗಳಿಗೆ ಮ್ಯಾಚ್‌ ಆಗುವಂತಹ ಔಟ್‌ಫಿಟ್ಸ್ಗೆ ಮಾನ್ಯತೆ ನೀಡಿದ್ದೇನೆ. ಡಂಗ್ರೀಸ್‌ ನನ್ನ ಟ್ರಾವೆಲ್‌ ಫ್ಯಾಷನ್‌ನಲ್ಲಿ ಜೀವ ತುಂಬಿತು. ಕೆಲವೆಡೆ ಲಾಂಗ್‌ ಡಂಗ್ರೀಸ್‌ ಧರಿಸಿದರೇ ಇನ್ನು ಕೆಲವೆಡೆ ಶಾರ್ಟ್ ಡಂಗ್ರೀಸ್‌ ಧರಿಸಿದ್ದೇನೆ. ಇದರೊಂದಿಗೆ ವೈಟ್‌ ಪ್ಯಾಂಟ್‌ ಮೇಲೆ ಸ್ಯಾಟೀನ್‌ ಟಾಪ್‌ನಲ್ಲಿಯೂ ಕಾಣಿಸಿಕೊಂಡಿದ್ದೇನೆ. ದುಬೈನ ಅಂಡರ್‌ ವಾಟರ್‌ ಜೂನಲ್ಲಿ ಅಲ್ಲಿನ ಬ್ಲ್ಯೂ ಥೀಮ್‌ಗೆ ತಕ್ಕಂತೆ ಹೊಂದುವಂತೆ ಫ್ಲೋರಲ್‌ ಫ್ರಾಕ್‌ನಲ್ಲಿ ಎಂಜಾಯ್‌ ಮಾಡಿದ್ದೇನೆ. ಮಿರಾಕಲ್ ಗಾರ್ಡನ್‌ನಲ್ಲಿ, ಫ್ಲೋರಲ್‌ ಪ್ರಿಂಟ್‌ ಇರುವಂತಹ ಲಾಂಗ್‌ ಮ್ಯಾಕ್ಸಿ ಗೌನ್‌ನಲ್ಲಿ ಓಡಾಡಿದ್ದೇನೆ ಎನ್ನುತ್ತಾರೆ ಮೋಕ್ಷಿತಾ ಪೈ.
ಇದನ್ನೂ ಓದಿ: Naseeruddin Shah: ಸೆಲ್ಫಿಗಾಗಿ ಮುಗಿಬಿದ್ದ ಫ್ಯಾನ್ಸ್‌ ಮೇಲೆ ಗರಂ ಆದ ನಟ ನಾಸಿರುದ್ದೀನ್ ಶಾ!
ಡೆಸರ್ಟ್ ಸಫಾರಿಗೆ ಡಂಗ್ರೀಸ್‌
ಅತಿ ಹೆಚ್ಚು ಬಿಸಿಲಿರುವ ಡೆಸರ್ಟ್ ಸಫಾರಿಯಲ್ಲಿ ಅಂದರೇ, ಮರುಭೂಮಿಯಲ್ಲಿ ಡಂಗ್ರೀಸ್‌ನಲ್ಲಿ ಕಾಣಿಸಿಕೊಂಡೆ. ಅಲ್ಲಿನ ಸುಡು ಬಿಸಿಲಿನಲ್ಲಿ ಸಂರಕ್ಷಣೆ ಮಾಡುವಂತಹ ಔಟ್‌ಫಿಟ್‌ಗೆ ಆದ್ಯತೆ ನೀಡಿದೆ ಎನ್ನುತ್ತಾರೆ.
ಮೋಕ್ಷಿತಾ ಪೈ ಫ್ಯಾಷನ್‌ ಮಾತು
ನಾವು ಎಲ್ಲಿಗೆ ಟ್ರಾವೆಲ್‌ ಮಾಡಲಿ, ಅಲ್ಲಿನ ಜಾಗಗಳಿಗೆ ತಕ್ಕಂತೆ ಔಟ್‌ಫಿಟ್‌ ಧರಿಸಬೇಕು ಎಂದು ಸಲಹೆ ನೀಡುವ ಮೋಕ್ಷಿತಾ ಪೈ, ಫೋಟೋಗಳಲ್ಲೂ ಕೂಡ ಆಕರ್ಷಕವಾಗಿ ಕಾಣಿಸಿಕೊಳ್ಳಬೇಕು. ಇವು ನಮ್ಮ ಜೀವನದ ನೆನಪಿನಲ್ಲಿ ಉಳಿಯುತ್ತವೆ ಎನ್ನುತ್ತಾರೆ.
ಮೋಕ್ಷಿತಾ ಪೈ ಆಕ್ಸೆಸರೀಸ್‌ ಲಿಸ್ಟ್
- ಬಿಸಿಲಿಗೆ ಸನ್‌ಗ್ಲಾಸ್‌ ಮಸ್ಟ್.
- ಆಕ್ಸೆಸರೀಸ್‌ ಲಿಸ್ಟ್ನಲ್ಲಿ ವಾಚ್‌ ಅತ್ಯಗತ್ಯ.
- ಇಂಡೋ-ವೆಸ್ಟರ್ನ್ ಸ್ಟೈಲ್‌ಗೆ ಬ್ರೇಸ್‌ಲೇಟ್‌ ಇರಲೇಬೇಕು.
- ಮ್ಯಾಚಿಂಗ್‌ ಬ್ಯಾಗ್‌ ಕ್ಯಾರಿಯ ಸಾಥ್‌
- ಮ್ಯಾಚಿಂಗ್‌ ಫುಟ್‌ವೇರ್‌ ಔಟ್‌ಫಿಟ್‌ ಹೈಲೈಟ್‌ ಮಾಡುತ್ತದೆ.
( ಲೇಖಕಿ ಫ್ಯಾಷನ್‌ ಪತ್ರಕರ್ತೆ)