ಬೆಂಗಳೂರು: ಇತ್ತೀಚೆಗೆ ಯಥಾಸ್ಥಿತಿಯಲ್ಲಿದ್ದ ಚಿನ್ನದ ದರದಲ್ಲಿ ಕಳೆದ ಎರಡು ದಿನಗಳಿಂದ ಅಲ್ಪ ಪ್ರಮಾಣದಲ್ಲಿ ಇಳಿಕೆ ಕಂಡು ಬಂದಿದೆ. ವಿಶೇಷ ಏನೆಂದರೆ ಬೆಳ್ಳಿಯ ದರದಲ್ಲಿ ಏರುಗತಿ ಉಂಟಾಗಿದೆ.
ಬೆಂಗಳೂರಿನಲ್ಲಿ 24 ಕ್ಯಾರಟ್‌ನ 10 ಗ್ರಾಮ್‌ ಚಿನ್ನದ ದರದಲ್ಲಿ 100 ರೂ. ಇಳಿದಿದೆ. 52,100 ರೂ.ಗೆ ತಗ್ಗಿದೆ. 22 ಕ್ಯಾರಟ್‌ ದರದಲ್ಲಿ ಕೂಡ 100 ರೂ. ತಗ್ಗಿದ್ದು 47,850 ರೂ.ಗೆ ತಗ್ಗಿದೆ. ಬೆಳ್ಳಿಯ ದರದಲ್ಲಿ ಕೆಜಿಗೆ 500 ರೂ. ಏರಿದ್ದು 67,500 ರೂ.ಗೆ ವೃದ್ಧಿಸಿದೆ. ಪ್ಲಾಟಿನಮ್‌ ದರ 10 ಗ್ರಾಮ್‌ ಗೆ 23,880 ರೂ.ಗಳಾಗಿದ್ದು, 80 ರೂ. ಹೆಚ್ಚಳವಾಗಿದೆ.
ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿನ ದರ ಹಾಗೂ ಡಾಲರ್ ಎದುರು ರೂಪಾಯಿ ವಿನಿಮಯ ಮೌಲ್ಯವನ್ನು ಆಧರಿಸಿ ಚಿನ್ನದ ದರದಲ್ಲಿ ವ್ಯತ್ಯಾಸವಾಗುತ್ತದೆ.