ಜ್ಯೋತಿಷ ಶಾಸ್ತ್ರದಲ್ಲಿ ಗ್ರಹಗಳ ಸಂಚಾರ, ರಾಶಿ ಬದಲಾವಣೆಯು ಅತ್ಯಂತ ಮಹತ್ವದ್ದಾಗಿದೆ. ಇದು ಪ್ರಕೃತಿ ಮತ್ತು ಜೀವಿಗಳ ಮೇಲೆ ನೇರ ಪರಿಣಾಮವನ್ನು ಉಂಟುಮಾಡುತ್ತದೆ. ಭೌತಿಕ ಸುಖ-ಸಮೃದ್ಧಿಯ ಕಾರಕ ಗ್ರಹವಾಗಿರುವ ಶುಕ್ರ ಗ್ರಹವು ಡಿಸೆಂಬರ್ 29ರಂದು ಧನು ರಾಶಿಯಿಂದ ಮಕರ ರಾಶಿಗೆ (Venus Transit 2022) ಪ್ರವೇಶಿಸಲಿದೆ.
ಜೀವನದಲ್ಲಿ ಸುಖ-ಸಮೃದ್ಧಿಗಳು ಶುಕ್ರಗ್ರಹದ ಶುಭ ಪ್ರಭಾವದಿಂದ ದೊರೆಯುತ್ತದೆ. ಹಾಗಾಗಿ ಶುಕ್ರ ಗ್ರಹದ ಶುಭ ಪ್ರಭಾವಕ್ಕೆ ಒಳಗಾಗುವ ರಾಶಿಯವರ ಆರ್ಥಿಕ ಸ್ಥಿತಿಯಲ್ಲಿ ಹೆಚ್ಚಿನ ಸುಧಾರಣೆ ಕಾಣಬಹುದಾಗಿದೆ. ಜೊತೆಗೆ ದಾಂಪತ್ಯ ಜೀವನದಲ್ಲಿ, ಪ್ರೇಮ ವಿಚಾರಗಳಲ್ಲಿ ಒಳಿತಾಗುತ್ತದೆ.
ಈ ಬಾರಿಯ ಕ್ಯಾಲೆಂಡರ್ ವರ್ಷಾಂತ್ಯದಲ್ಲಿನ ಶುಕ್ರ ಗ್ರಹದ ಈ ಸಂಚಾರವು ನಾಲ್ಕು ರಾಶಿಯವರ ಅದೃಷ್ಟ ಬದಲಾಯಿಸಲಿದ್ದು, ಆರ್ಥಿಕ ಸ್ಥಿತಿ ಉತ್ತಮವಾಗಲಿದೆ. ಹೀಗೆ ಅದೃಷ್ಟ ಪಡೆಯಲಿರುವ ರಾಶಿಗಳು ಯಾವವು ಎಂಬುದನ್ನು ತಿಳಿಯೋಣ.
ಮೇಷ : ವರ್ಷಾಂತ್ಯದಲ್ಲಿ ಸಂಭವಿಸುತ್ತಿರುವ ಶುಕ್ರ ಗ್ರಹ ಸಂಚಾರವು ಮೇಷ ರಾಶಿಯವರಿಗೆ ಶುಭ ಫಲವನ್ನು ನೀಡುತ್ತದೆ. ಶುಕ್ರ ಗ್ರಹದ ಗೋಚಾರವು ವೃತ್ತಿ ಕ್ಷೇತ್ರದಲ್ಲಿ ಸಫಲತೆಯನ್ನು ತಂದುಕೊಡಲಿದೆ. ಕಾರ್ಯ ಕ್ಷೇತ್ರದಲ್ಲಿ ಅನುಭವಿಗಳ ಮಾರ್ಗದರ್ಶನ ದೊರಕುವುದಲ್ಲದೇ, ಸಹೋದ್ಯೋಗಿಗಳ ಪ್ರಶಂಸೆ ಸಹ ಲಭಿಸಲಿದೆ. ಶುಕ್ರ ಗ್ರಹದ ಉತ್ತಮ ಪರಿಣಾಮದಿಂದಾಗಿ ದಾಂಪತ್ಯ ಜೀವನವು ಮತ್ತಷ್ಟು ಮಧುರವಾಗಲಿದೆ. ಶುಕ್ರನ ಕೃಪೆಯ ಜೊತೆಗೆ ಜವಾಬ್ದಾರಿಯಿಂದ ಕೆಲಸ ಕಾರ್ಯಗಳನ್ನು ಮಾಡುವುದು ಉತ್ತಮ. ಶುಕ್ರ ಗ್ರಹದ ಗೋಚಾರದ ಸಮಯದಲ್ಲಿ ಯಾವುದೇ ಕಾರಣಕ್ಕೂ ಅಹಂಕಾರ ಪಡದೇ, ಎಲ್ಲರೊಂದಿಗೂ ವಿನಮ್ರತೆಯಿಂದ ನಡೆದುಕೊಳ್ಳುವುದು ಉತ್ತಮ.
ಮಿಥುನ : ಈ ರಾಶಿಯವರಿಗೆ ಶುಕ್ರ ಗ್ರಹದ ಗೋಚಾರವು ಉತ್ತಮವಾಗಿರಲಿದೆ. ಈ ಅವಧಿಯಲ್ಲಿ ಆಸ್ತಿ ಅಥವಾ ನಿವೇಶನಗಳ ಖರೀದಿ ಬಗ್ಗೆ ಯೋಚಿಸುತ್ತಿದ್ದರೆ, ಅಂಥವರಿಗೆ ಲಾಭ ಉಂಟಾಗುವ ಸಂಭವ ಹೆಚ್ಚಿದೆ. ಜೊತೆಗೆ ಆದಾಯವು ಸಹ ಹೆಚ್ಚಲಿದೆ. ಜೀವನದಲ್ಲಿ ಸುಖ ಸಮೃದ್ಧಿ ದೊರಕುವುದರ ಜೊತೆಗೆ ಸಂಗಾತಿಯ ಸಂಪೂರ್ಣ ಬೆಂಬಲ ದೊರಕಲಿದೆ. ಸಂಗಾತಿಯ ಹುಟುಕಾಟದಲ್ಲಿ ಇರುವವರಿಗೆ ಈ ಅವಧಿಯಲ್ಲಿ ಯಶಸ್ಸು ಸಿಗಲಿದೆ. ಆಸಕ್ತಿ ಇದ್ದವರು ಈ ಸಮಯದಲ್ಲಿ ಯಾವುದಾದರೂ ಟ್ರೈನಿಂಗ್ ಅಥವಾ ಸೆಮಿನಾರ್‌ಗಳಲ್ಲಿ ಪಾಲ್ಗೊಂಡರೆ, ಇದರ ಲಾಭ ಮುಂದಿನ ದಿನಗಳಲ್ಲಿ ದೊರಕುವುದು ಖಚಿತವಾಗಿದೆ. ಶುಕ್ರ ಗ್ರಹ ಗೋಚಾರದ ಅವಧಿಯಲ್ಲಿ ಆರೋಗ್ಯದ ಬಗ್ಗೆ ಕಾಳಜಿ ವಹಿಸುವುದು ಉತ್ತಮ.
ಕನ್ಯಾ : ಈ ರಾಶಿಯವರಿಗೆ ಶುಕ್ರ ಗ್ರಹ ಗೋಚಾರವು ಒಳಿತನ್ನು ಉಂಟು ಮಾಡಲಿದೆ. ಸಂತಾನ ಅಪೇಕ್ಷಿಸುವವರಿಗೆ ಶುಭ ಸುದ್ದಿ ದೊರಕುವ ಸಂಭವ ಹೆಚ್ಚಿದೆ. ಕನ್ಯಾ ರಾಶಿಯವರು ಉನ್ನತ ವ್ಯಾಸಂಗಕ್ಕೆ ವಿದೇಶಕ್ಕೆ ತೆರಳುವ ಯೋಚನೆ ಹೊಂದಿದ್ದರೆ, ಈ ಅವಧಿಯಲ್ಲಿ ಅದು ನೇರವೇರುತ್ತದೆ. ವೃತ್ತಿ ಕ್ಷೇತ್ರದಲ್ಲಿ ಹಲವಾರು ಅವಕಾಶಗಳು ಒದಗಿ ಬರಲಿವೆ. ಸಂಗಾಂತಿಯೊಂದಿಗಿನ ವೈಮನಸ್ಸು ದೂರವಾಗುತ್ತದೆ.
ಮಕರ: ಈ ಗೋಚಾರದಿಂದ ವಿವಾಹಿತರಿಗೆ ಜೀವನದಲ್ಲಿ ಹೊಸ ಖುಷಿ ಒದಗಿ ಬರಲಿದೆ. ಸಂಗಾಂತಿಯೊಂದಿಗೆ ಮನಸ್ತಾಪಗಳಿದ್ದಲ್ಲಿ, ಈ ಅವಧಿಯಲ್ಲಿ ಅದು ದೂರವಾಗುತ್ತದೆ. ದಂಪತಿಗಳ ನಡುವೆ ಸಾಮರಸ್ಯ ಹೆಚ್ಚುತ್ತದೆ. ಐಷಾರಾಮಿ ವಸ್ತುಗಳಿಗೆ ಹೆಚ್ಚು ಹಣ ವ್ಯಯವಾಗುತ್ತದೆ. ಹಾಗಾಗಿ ಖರ್ಚಿನ ಬಗ್ಗೆ ನಿಗಾ ವಹಿಸುವುದು ಉತ್ತಮ. ಶುಕ್ರ ಗೋಚಾರವು ಈ ರಾಶಿಯವರಿಗೆ ಹೆಚ್ಚಿನ ಒಳಿತನ್ನು ಮಾಡುತ್ತದೆ. ಜೊತೆಗೆ ಸಮಾಜದಲ್ಲಿ ಗೌರವ ಪ್ರತಿಷ್ಟೆಗಳು ವೃದ್ಧಿಯಾಗಲಿದೆ.
ಇದನ್ನೂ ಓದಿ | Vakri Budh 2022 | ನಾಳೆ ಬುಧನ ವಕ್ರಿ ಸಂಚಾರ; ಯಾವ ರಾಶಿಯ ಮೇಲೆ ಏನು ಪರಿಣಾಮ?