ಬೆಂಗಳೂರು : ಸದ್ಗುರು ಶ್ರೀ ತ್ಯಾಗಬ್ರಹ್ಮ ಆರಾಧನಾ ಕೈಂಕರ್ಯ ಟ್ರಸ್ಟ್ ಸಹಯೋಗದಲ್ಲಿ ನಗರದ ಶಂಕರಪುರಮ್ನ ಶ್ರೀ ಶೃಂಗೇರಿ ಶಂಕರ ಮಠದಲ್ಲಿ ಜನವರಿ 8ರಿಂದ 12ರವರೆಗೆ 176ನೇ ಶ್ರೀ ಸದ್ಗುರು ಶ್ರೀ ತ್ಯಾಗಬ್ರಹ್ಮ ವೈದಿಕ ಆರಾಧನಾ ಕೈಂಕರ್ಯ ನಡೆಯಲಿದೆ. ಜತೆಗೆ ಜನವರಿ 6ರಿಂದ 12ರವರೆಗೆ ಸಂಗೀತೋತ್ಸವ (Music Festival) ಕೂಡ ಆಯೋಜನೆಗೊಂಡಿದೆ.
ಐದು ದಿನಗಳ ಈ ಕಾರ್ಯಕ್ರಮದಲ್ಲಿ ಪೂಜೆ, ಹವನಗಳು, ದೀಪ ನಮಸ್ಕಾರಗಳಂತಹ ಧಾರ್ಮಿಕ ಕಾರ್ಯಕ್ರಮಗಳನ್ನು ಆಯೋಜಿಸಲಾಗಿದೆ. ಗುರುವಂದನೆ, ಚತುರ್ವೇದ ಪಾರಾಯಣ, ಶ್ರೀಮದ್ ವಾಲ್ಮೀಕಿ ಪಾರಾಯಣ, ಅಖಂಡ ರಾಮನಾಮ ಜಪ, ಪ್ರಸ್ಥಾನತ್ರೇಯ ಪಾರಾಯಣ, ಸುವಾಸಿನಿ, ದಂಪತಿ, ಕನ್ಯಾ ಬ್ರಹ್ಮಚಾರಿ ಪೂಜೆ ನಡೆಯಲಿದೆ.
ಏಳು ದಿನಗಳ ಕಾಲ ನಡೆಯಲಿರುವ ಸಂಗೀತೋತ್ಸವದಲ್ಲಿ ಬೆಳಗ್ಗೆಯಿಂದ ರಾತ್ರಿಯವರೆಗೆ ಪ್ರತಿನಿತ್ಯ ಸಂಗೀತ ಗೋಷ್ಠಿಗಳು ಆಯೋಜನೆಗೊಂಡಿವೆ. ದೇಶ, ವಿದೇಶಗಳಲ್ಲಿ ಪ್ರಖ್ಯಾತಿ ಪಡೆದಿರುವ ಸಂಗೀತ ವಿದ್ವಾನ್ಗಳು ಇಲ್ಲಿ ಕಾರ್ಯಕ್ರಮ ಪ್ರಸ್ತುತಪಡಿಸಲಿದ್ದಾರೆ.
ಇದನ್ನೂ ಓದಿ | ಕನ್ನಡ ಸಾಹಿತ್ಯ ಸಮ್ಮೇಳನ | ಎರಡನೇ ದಿನದ ಕಾರ್ಯಕ್ರಮಗಳ ಸಂಪೂರ್ಣ ಮಾಹಿತಿ ಇಲ್ಲಿದೆ