ಅಫ್ಘಾನಿಸ್ತಾನದ ಕಾಬೂಲ್ನಲ್ಲಿರುವ ಸೇನಾ ವಿಮಾನ ನಿಲ್ದಾಣದ ಹೊರಭಾಗದಲ್ಲಿ ದೊಡ್ಡ ಮಟ್ಟದ ಸ್ಫೋಟವುಂಟಾಗಿದ್ದು, ಅನೇಕರು ಮೃತಪಟ್ಟಿರುವ ಶಂಕೆ ವ್ಯಕ್ತವಾಗಿದೆ. ಈ ಬಗ್ಗೆ ತನಿಖೆ ನಡೆಯುತ್ತಿದೆ ಎಂದು ಅಫ್ಘಾನಿಸ್ತಾನ ಆಂತರಿಕ ಸಚಿವಾಲಯದ ವಕ್ತಾರ ಅಬ್ದುಲ್ ನಫಿ ಎಂಬುವರು ರಾಯಿಟರ್ಸ್ ಸುದ್ದಿ ಮಾಧ್ಯಮಕ್ಕೆ ತಿಳಿಸಿದ್ದಾರೆ.
ಇಂದು ಬೆಳಗ್ಗೆ 8ಗಂಟೆ ಹೊತ್ತಿಗೆ ಕಾಬೂಲ್ನಲ್ಲಿರುವ ಸೇನಾ ಏರ್ಪೋರ್ಟ್ ಹೊರಗೆ ದೊಡ್ಡದಾದ ಶಬ್ದ ಕೇಳಿತು. ಕೂಡಲೇ ಭದ್ರತಾ ಸಿಬ್ಬಂದಿ ಅಲ್ಲಿಗೆ ಧಾವಿಸಿದರು. ಆ ಪ್ರದೇಶವನ್ನು ಸಂಪೂರ್ಣವಾಗಿ ನಿರ್ಬಂಧಿಸಿದರು. ಏರ್ಪೋರ್ಟ್ ಸುತ್ತಲಿನ ಎಲ್ಲ ರಸ್ತೆಗಳನ್ನೂ ಬಂದ್ ಮಾಡಲಾಗಿದೆ ಎಂದು ಅಬ್ದುಲ್ ನಫಿ ತಿಳಿಸಿದ್ದಾರೆ. ಏರ್ಪೋರ್ಟ್ ಸಮೀಪದ ಸ್ಪೋಟದಲ್ಲಿ ಹಲವರು ಮೃತಪಟ್ಟಿದ್ದಾಗಿ ಹೇಳಿದ್ದರೂ, ಎಷ್ಟು ಜನ ಎಂದು ನಿಖರವಾಗಿ ಮಾಹಿತಿ ನೀಡಿಲ್ಲ.
ಅಫ್ಘಾನಿಸ್ತಾನ್ದಲ್ಲಿ ಈ ಹಿಂದೆ ತಾಲಿಬಾನ್ ಉಗ್ರರು ಪದೇಪದೆ ದಾಳಿ ನಡೆಸುತ್ತಿದ್ದರು. ಆದರೆ ಈಗ ಅಲ್ಲಿ ಅವರದ್ದೇ ಸರ್ಕಾರ ಆಡಳಿತದಲ್ಲಿ ಇದ್ದಾಗ್ಯೂ ಸ್ಫೋಟ-ದಾಳಿ ನಿಂತಿಲ್ಲ. ಇಸ್ಲಾಮಿಕ್ ಸ್ಟೇಟ್- ಖೊರಾಸನ್ ಉಗ್ರರು ಪದೇಪದೇ ಅಫ್ಘಾನ್ ಮೇಲೆ ದಾಳಿ ನಡೆಸುತ್ತಿದ್ದಾರೆ. ಆ ದೇಶದಲ್ಲಿ ಸಾವು-ನೋವು ನಿಲ್ಲುವ ಲಕ್ಷಣಗಳೇ ಕಾಣುತ್ತಿಲ್ಲ. ಈ ಸಲದ ಸ್ಫೋಟದ ಹೊಣೆಯನ್ನು ಈಗಿನವರೆಗೆ ಯಾರೂ ಹೊತ್ತಿಕೊಂಡಿಲ್ಲ.
ಇದನ್ನೂ ಓದಿ: Kabul Hotel Attack | ಕಾಬೂಲ್ನಲ್ಲಿರುವ ಚೀನಾ ಹೋಟೆಲ್‌ ಮೇಲೆ ಮುಂಬೈ ಮಾದರಿ ಉಗ್ರ ದಾಳಿ, ಮೂವರ ಸಾವು