ಕಾಬೂಲ್: ಅಫ್ಘಾನಿಸ್ತಾನದ ಕಾಬೂಲ್ನಲ್ಲಿ ಶಿಯಾ ಸಮುದಾಯದವರು ವಾಸವಾಗಿದ್ದ ಸ್ಥಳದ ಇಸ್ಲಾಮಿಕ್ ಸ್ಟೇಟ್ (IS)ಉಗ್ರ ಸಂಘಟನೆ ಬಾಂಬ್ ದಾಳಿ ಮಾಡಿದ್ದು, ಎಂಟು ಮಂದಿ ಮೃತಪಟ್ಟಿದ್ದಾರೆ. 18ಕ್ಕೂ ಹೆಚ್ಚು ಮಂದಿ ಗಾಯಗೊಂಡಿದ್ದಾರೆ. ದಾಳಿ ನಡೆದ ತಕ್ಷಣ ಯಾವುದೇ ಉಗ್ರ ಸಂಘಟನೆಗಳೂ ಜವಾಬ್ದಾರಿ ಹೊತ್ತುಕೊಂಡಿರಲಿಲ್ಲ. ಆದರೆ ಕೆಲ ತಾಸುಗಳ ಬಳಿಕ ಇಸ್ಲಾಮಿಕ್ ಸಂಘಟನೆ ಪ್ರಕಟಣೆ ಬಿಡುಗಡೆ ಮಾಡಿ, ಕಾಬೂಲ್ನಲ್ಲಿ ದಾಳಿ ಮಾಡಿದ್ದು ನಾವೇ ಎಂದು ಹೇಳಿದೆ. ಅಷ್ಟೇ ಅಲ್ಲ, ಸುಮಾರು 20 ಜನರನ್ನು ಕೊಂದಿದ್ದಾಗಿಯೂ ತಿಳಿಸಿದೆ.
ಈ ಬಾರಿ ದಾಳಿ ನಡೆದಿದ್ದು ಮಹಿಳೆಯರು ಪ್ರಾರ್ಥನೆ ಸಲ್ಲಿಸುವ ಮಸೀದಿಯೊಂದರ ಮೇಲೆ. ಹೀಗಾಗಿ ಮೃತಪಟ್ಟವರಲ್ಲಿ ಹೆಚ್ಚಿನವರು ಮಹಿಳೆಯರೇ ಆಗಿದ್ದಾರೆ. ಅಫ್ಘಾನಿಸ್ತಾನದಲ್ಲಿ ಅಲ್ಪಸಂಖ್ಯಾತರಾಗಿರುವ ಹಜಾರಸ್ ಜನಾಂಗವನ್ನು ಟಾರ್ಗೆಟ್ ಮಾಡಿ ದಾಳಿ ನಡೆದಿತ್ತು. ಮಸೀದಿಯ ಹೊರಭಾಗದಲ್ಲಿ, ತರಕಾರಿಗಳಿರುವ ತಳ್ಳುವ ಗಾಡಿಯಲ್ಲಿ ಬಾಂಬ್ ಇಟ್ಟು ಸ್ಫೋಟಿಸಲಾಗಿದೆ. ಸಾವಿನ ಸಂಖ್ಯೆ ಕೂಡ ಜಾಸ್ತಿಯಾಗುವ ಸಾಧ್ಯತೆ ಇದೆ ಎಂದು ತಾಲಿಬಾನ್ ಅಧಿಕಾರಿಗಳು ತಿಳಿಸಿದ್ದಾರೆ.
ಐಸಿಸ್ ಎಂಬುದು ಅಫ್ಘಾನಿಸ್ತಾನಕ್ಕೆ 2014ರಿಂದಲೂ ಗಂಭೀರ ಸ್ವರೂಪದ ಬೆದರಿಕೆ ತಂದೊಡ್ಡುತ್ತಿದೆ. ಆ ದೇಶದ ಭದ್ರತೆಗೆ ಅಪಾಯವೊಡ್ಡುತ್ತಿದೆ. ಈಗಗಲ್ಲಿ ಇನ್ನೊಂದು ಉಗ್ರರ ಗುಂಪೇ ಅಧಿಕಾರಕ್ಕೆ ಬಂದಿದ್ದರೂ ತಾಲಿಬಾನ್ ವಿರುದ್ಧ ತೀವ್ರ ಸ್ವರೂಪದ ಹೋರಾಟ ಸಾಧ್ಯವಾಗುತ್ತಿಲ್ಲ. ಹಾಗಿದ್ದಾಗ್ಯೂ ಅಫ್ಘಾನಿಸ್ತಾನದ ಪೂರ್ವದಲ್ಲಿ ತಾಲಿಬಾನ್ ಹೋರಾಟಗಾರರು, ಐಸಿಸ್ ಉಗ್ರರನ್ನು ಹತ್ತಿಕ್ಕಲು ಪ್ರಯತ್ನ ಮಾಡುತ್ತಿದ್ದಾರೆ.
ಇದನ್ನೂ ಓದಿ: ಹಿಂದು, ಸಿಖ್ಖರು ವಾಪಸ್‌ ಅಫ್ಘಾನ್‌ಗೆ ಬನ್ನಿ; ಭದ್ರತೆಯ ಭರವಸೆ ಕೊಡುತ್ತಿರುವ ತಾಲಿಬಾನ್