ಅಮೆರಿಕದ ಮೊಂಟಾನಾದಲ್ಲಿರುವ ಮಾಲ್ಮ್ಸ್ಟ್ರೋಮ್ ಏರ್ಫೋರ್ಸ್ನಲ್ಲಿರುವ ಅಣ್ವಸ್ತ್ರ ಕ್ಷಿಪಣಿ ಉಡಾವಣಾ ನೆಲೆಯ ಮೇಲ್ಭಾಗದಲ್ಲಿ ಚೀನಾದ ಪತ್ತೆದಾರಿ ಬಲೂನ್ವೊಂದು ಹಾರಾಡುತ್ತಿರುವ ಬಗ್ಗೆ ಅಮೆರಿಕದ ರಕ್ಷಣಾ ವಿಭಾಗ ಪೆಂಟಗನ್ ಫೆ.2ರಂದು ಹೇಳಿತ್ತು. ಅದರ ಬೆನ್ನಲ್ಲೇ ಈಗ ಲ್ಯಾಟಿನ್ ಅಮೆರಿಕ ಪ್ರಾಂತ್ಯದ ಆಕಾಶದಲ್ಲೂ ಚೀನಾದ ಪತ್ತೇದಾರಿ ಬಲೂನ್ ಹಾರಾಡುತ್ತಿರುವುದು ವರದಿಯಾಗಿದೆ.
ಲ್ಯಾಟಿನ್ ಅಮೆರಿಕ ಪ್ರಾಂತ್ಯದ ಆಕಾಶದಲ್ಲಿ ಬಲೂನ್ ಒಂದು ಸಂಚರಿಸುತ್ತಿರುವ ಬಗ್ಗೆ ಮಾಹಿತಿ ಬಂದಿದೆ. ಅದನ್ನೂ ಕೂಡ ಟ್ರ್ಯಾಕ್ ಮಾಡಲು ಪ್ರಯತ್ನಿಸಲಾಗುತ್ತಿದೆ. ಆದರೆ ಈ ಬಲೂನ್ ಯಾವ ದೇಶದ ಮೇಲ್ಭಾಗದಲ್ಲಿದೆ ಎಂದು ಗೊತ್ತಾಗಿಲ್ಲ ಎಂದು ಪೆಂಟಗನ್ ಪತ್ರಿಕಾ ಕಾರ್ಯದರ್ಶಿ ಬ್ರಿಗ್ ಜನರಲ್ ಪ್ಯಾಟ್ರಿಕ್ ರೈಡರ್ ತಿಳಿಸಿದ್ದಾರೆ. ಹಾಗೇ, ಲ್ಯಾಟಿನ್ ಅಮೆರಿಕ ಆಕಾಶದಲ್ಲಿ ಕಾಣಿಸಿಕೊಂಡ ಚೀನಾ ಬಲೂನ್, ಯುನೈಟೆಡ್ ಸ್ಟೇಟ್ಸ್ನತ್ತ ಹಾರಿ ಬರುತ್ತಿಲ್ಲ ಎಂಬುದೂ ಸ್ಪಷ್ಟವಾಗಿದೆ. ಈ ಬಗ್ಗೆ ಹೆಚ್ಚಿನ ಮಾಹಿತಿ ಕಲೆಹಾಕಲಾಗುತ್ತಿದೆ ಎಂದು ಪ್ಯಾಟ್ರಿಕ್ ರೈಡರ್ ಮಾಹಿತಿ ನೀಡಿದ್ದಾರೆ.
ಇದನ್ನೂ ಓದಿ: ಬೇಹುಗಾರಿಕೆಗಾಗಿ ಅಮೆರಿಕಕ್ಕೆ ಬಲೂನ್ ಬಿಟ್ಟ ಚೀನಾ; ಹೊಡೆದುರುಳಿಸಲು ಹಿಂದೇಟು ಹಾಕುತ್ತಿರುವ ಪೆಂಟಗನ್!