ವಾಷಿಂಗ್ಟನ್: ಲೈಂಗಿಕ ಸುಖ ಹೇಗಿರುತ್ತದೆ ಎಂದು ಕಲ್ಪಿಸಿಕೊಂಡು ಬರೆಯಿರಿ. ಸರಿಯಾದ ಉತ್ತರಕ್ಕೆ 10 ಅಂಕಗಳು. ಪರೀಕ್ಷೆಯೊಂದರಲ್ಲಿ ಶಾಲಾ ಮಕ್ಕಳಿಗೆ ಕೇಳಿದ ಪ್ರಶ್ನೆಗೆ ಪೋಷಕರು ಹೌಹಾರಿ ಹೋಗಿದ್ದಾರೆ. ಎಲ್ಲರೂ ಶಾಲೆಯ ಹೆಡ್ಮಾಸ್ಟರ್ ಕಚೇರಿಗೆ ದೌಡಾಯಿಸಿ ಅವರನ್ನು ಚೆನ್ನಾಗಿ ದಬಾಯಿಸಿದ್ದಾರೆ. ಆದರೆ, ಶಾಲೆಯ ಆಡಳಿತ ಮಂಡಳಿ ಅದನ್ನು ಸಮರ್ಥಿಸಿಕೊಂಡಿದೆ. ಇದುವೇ ಲೈಂಗಿಕ ಶಿಕ್ಷಣ ಎಂದು ಸಮಜಾಯಿಷಿ ಕೊಟ್ಟಿದೆ. ಆದರೆ, ಮಕ್ಕಳಿಗೆ ಕೊಟ್ಟಿರುವ ಪ್ರಶ್ನೆ ಸೋಶಿಯಲ್ ಮೀಡಿಯಾಗಳಲ್ಲಿ ಸಂಪೂರ್ಣ ವೈರಲ್ ಆಗಿದೆ. ದೊಡ್ಡವರು ಕೂಡ ಉತ್ತರ ಕೊಡಲು ಸಾಧ್ಯವೇ ಎಂದು ಪರೀಕ್ಷಿಸಿ ನೋಡಿದ್ದಾರೆ!
ಇಷ್ಟೆಲ್ಲ ದೊಡ್ಡ ಅವಾಂತರ ನಡೆದಿದ್ದು ನಮ್ಮ ದೇಶದಲ್ಲಿ ಅಲ್ಲ. ಘಟನೆ ನಡೆದಿರುವುದು ಅಮೆರಿಕದಲ್ಲಿ. ಒರೆಗಾನ್ನ ಶಾಲೆಯೊಂದರಲ್ಲಿ. ಆದರೂ ವಿಲಕ್ಷಣ ಪ್ರಶ್ನೆ ಅಲ್ಲಿನ ಮಕ್ಕಳ ಪೋಷಕರನ್ನೂ ಬೆಚ್ಚಿ ಬೀಳಿಸಿದೆ. ಸೆಕ್ಸ್ ಟಾಯ್ಸ್ಗಳ ಬಗ್ಗೆಯೂ ಉತ್ತರದಲ್ಲಿ ವಿವರಣೆ ಕೊಡಬೇಕು ಎಂಬದಾಗಿ ಪ್ರಶ್ನೆಯಲ್ಲಿ ಹೇಳಲಾಗಿತ್ತು. ಅಲ್ಲದೇ ದೈಹಿಕ ಸಂಬಂಧವೇ ಇಲ್ಲದೆ ಪ್ರೀತಿಯನ್ನು ತೋರಿಸುವುದು ಹೇಗೆ ಎಂಬುದನ್ನೂ ವಿವರಿಸುವಂತೆ ಹೇಳಲಾಗಿದೆ.
ಇದನ್ನೂ ಓದಿ : Public Exam : 5, 8ನೇ ತರಗತಿ ಪಬ್ಲಿಕ್‌ ಪರೀಕ್ಷೆಗೆ ಕೋರ್ಟ್‌ ಗ್ರೀನ್‌ ಸಿಗ್ನಲ್, ಮಾರ್ಚ್‌ 27ರಿಂದ ಎಕ್ಸಾಂ ನಡೆಸಲು ಸೂಚನೆ
ಪ್ರಶ್ನೆ ಪತ್ರಿಕೆಯು ಟ್ವೀಟ್ನಲ್ಲಿ ವೈರಲ್ ಆಗಿತ್ತು. ಸುಮಾರು 54 ಲಕ್ಷ ಮಂದಿ ಅದನ್ನು ವೀಕ್ಷಿಸಿದ್ದಾರೆ. ನೆಟ್ಟಿಗರು ಇಂಥ ಪ್ರಶ್ನೆಗಳನ್ನು ಕೇಳಿದ ಶಿಕ್ಷಕರನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ. ಆದರೆ, ಆರೋಗ್ಯದ ವಿಚಾರವಾಗಿ ಈ ಪ್ರಶ್ನೆಯನ್ನು ಕೇಳಲಾಗಿದೆ ಎಂದು ಮುಖ್ಯ ಶಿಕ್ಷಕಿ ಸಮರ್ಥನೆ ಮಾಡಿಕೊಂಡಿದ್ದಾರೆ.