ಲಂಡನ್‌: ಬ್ರಿಟನ್‌ ಪ್ರಧಾನಿ, ಇನ್ಫೋಸಿಸ್‌ ಸಂಸ್ಥಾಪಕ ನಾರಾಯಣಮೂರ್ತಿ ಅವರ ಅಳಿಯ ರಿಷಿ ಸುನಕ್‌ (Rishi Sunak) ಅವರು ಇದೀಗ ಮತ್ತೊಮ್ಮೆ ಬ್ರಿಟನ್‌ನಲ್ಲಿ ನಿಯಮ ಉಲ್ಲಂಘನೆ ಮಾಡಿ ಸುದ್ದಿಗೆ ಗ್ರಾಸವಾಗಿದ್ದಾರೆ. ಅದರ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿದೆ.
ಇದನ್ನೂ ಓದಿ: Rishika Sharma: ವೈವಾಹಿಕ ಜೀವನಕ್ಕೆ ಕಾಲಿಟ್ಟ ನಿಹಾಲ್-ರಿಷಿಕಾ ಶರ್ಮಾ
ರಿಷಿ ಅವರು ಇತ್ತೀಚೆಗೆ ಲಂಡನ್‌ನ ಹೈಡ್‌ ಪಾರ್ಕ್‌ನಲ್ಲಿ ಓಡಾಡಿದ್ದರು. ಈ ವೇಳೆ ಅವರು ತಮ್ಮ ಸಾಕುನಾಯಿಯನ್ನೂ ಕರೆದುಕೊಂಡು ಹೋಗಿದ್ದರು. ಪಾರ್ಕ್‌ನಲ್ಲಿ ನಾಯಿಗಳನ್ನು ಬೆಲ್ಟ್‌ ಹಾಕದೆ ಹಾಗೆಯೇ ಓಡಾಡಿಸುವಂತಿಲ್ಲ ಎಂದು ನಿಯಮವಿದೆಯಾದರೂ ರಿಷಿ ಅವರ ನಾಯಿಗೆ ಬೆಲ್ಟ್‌ ಹಾಕಿರಲಿಲ್ಲ. ಅಲ್ಲಿನ ಸಿಬ್ಬಂದಿಯೊಬ್ಬರು ಅವರಿಗೆ ಆ ಬಗ್ಗೆ ಎಚ್ಚರಿಕೆ ಕೊಟ್ಟ ನಂತರ ಬೆಲ್ಟ್‌ ಹಾಕಿಕೊಂಡು ಕರೆದುಕೊಂಡು ಹೋಗಿರುವುದು ವಿಡಿಯೊದಲ್ಲಿ ಕಂಡುಬಂದಿದೆ.
ಈ ಹಿಂದೆ ರಿಷಿ ಅವರು ಜನವರಿ ತಿಂಗಳಲ್ಲಿ ಕಾರಿನಲ್ಲಿ ಕುಳಿತು ಸಾಮಾಜಿಕ ಜಾಲತಾಣಗಳಿಗೆ ವಿಡಿಯೊ ಮಾಡುವ ಸಲುವಾಗಿ ಕಾರಿನ ಸೀಟ್‌ ಬೆಲ್ಟ್‌ ತೆಗೆದಿದ್ದರು. ಆ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿ ಪೊಲೀಸರ ಕಣ್ಣಿಗೂ ಬಿದ್ದಿತ್ತು. ಅದಕ್ಕೆ ಪೊಲೀಸರು ರಿಷಿ ಅವರಿಗೆ ದಂಡ ವಿಧಿಸಿದ್ದರು. ಅದಕ್ಕಿಂತ ಮೊದಲು 2022ರಲ್ಲಿ ಕೊರೊನಾ ನಿಯಮಗಳನ್ನು ಮೀರಿ ಪಾರ್ಟಿ ಮಾಡಿದ್ದಕ್ಕಾಗಿ ಅವರಿಗೆ ದಂಡ ವಿಧಿಸಲಾಗಿತ್ತು.