ಬೆಂಗಳೂರು: 2024ನೇ ಸಾಲಿಗೆ ಮಂಜೂರು ಮಾಡಿರುವ ಸಾರ್ವತ್ರಿಕ ರಜಾ ದಿನಗಳ ಅಧಿಕೃತ ಪಟ್ಟಿಯನ್ನು (Karnataka Holiday List 2024) ರಾಜ್ಯ ಸರ್ಕಾರ ಬಿಡುಗಡೆಗೊಳಿಸಿದೆ. ಈ ಬಗ್ಗೆ ರಾಜ್ಯ ಪತ್ರ ಹೊರಡಿಸಲಾಗಿದ್ದು, ಈ ಪಟ್ಟಿಯಲ್ಲಿ ಎಲ್ಲಾ ಎರಡನೇ ಶನಿವಾರ, ನಾಲ್ಕನೇ ಶನಿವಾರ ಮತ್ತು ಭಾನುವಾರಗಳು, ಪ್ರಮುಖ ಹಬ್ಬಗಳು ಹಾಗೂ ಮಹಾನ್‌ ವ್ಯಕ್ತಿಗಳ ಜಯಂತಿಗಳು ಸೇರಿವೆ.
ಸಾರ್ವತ್ರಿಕ ರಜಾ ದಿನಗಳ ಪಟ್ಟಿ
ಎಲ್ಲಾ ಎರಡನೇ ಶನಿವಾರ, ನಾಲ್ಕನೇ ಶನಿವಾರ ಮತ್ತು ಭಾನುವಾರಗಳು ಹಾಗೂ ಈ ಕೆಳಕಂಡ ದಿನಗಳು
ದಿ. 15-01-2024: ಸೋಮವಾರ – ಉತ್ತರಾಯಣ ಪುಣ್ಯಕಾಲ, ಮಕರ ಸಂಕ್ರಾಂತಿ
ದಿ. 26-01-2024: ಶುಕ್ರವಾರ- ಗಣರಾಜ್ಯೋತ್ಸವ
ದಿ. 08-03-2024: ಶುಕ್ರವಾರ – ಮಹಾಶಿವರಾತ್ರಿ
ದಿ. 29-03-2024: ಶುಕ್ರವಾರ -ಗುಡ್ ಫ್ರೈಡೇ
ದಿ. 09-04-2024: ಮಂಗಳವಾರ – ಯುಗಾದಿ ಹಬ್ಬ
ದಿ. 11-04-2024: ಗುರುವಾರ ಖುತುಬ್ ಎ ರಂಜಾನ್
ದಿ. 01-05-2024: ಬುಧವಾರ – ಕಾರ್ಮಿಕರ ದಿನಾಚರಣೆ
ದಿ. 10-05-2024: ಶುಕ್ರವಾರ – ಬಸವ ಜಯಂತಿ, ಅಕ್ಷಯ ತೃತೀಯ
ದಿ. 17-06-2024: ಸೋಮವಾರ – ಬಕ್ರೀದ್
ದಿ. 17-07-2024: ಬುಧವಾರ – ಮೋಹರಂ ಕಡೇ ದಿನ
ದಿ. 15-08-2024: ಗುರುವಾರ – ಸ್ವಾತಂತ್ರ್ಯ ದಿನಾಚರಣೆ
ದಿ. 07-09-2024: ಶನಿವಾರ – ವರಸಿದ್ಧಿ ವಿನಾಯಕ ವ್ರತ
ದಿ. 16-09-2024: ಸೋಮವಾರ – ಈದ್ ಮಿಲಾದ್
ದಿ. 02-10-2024: ಬುಧವಾರ – ಗಾಂಧಿ ಜಯಂತಿ ಮಹಾಲಯ ಅಮವಾಸ್ಯೆ
ದಿ. 11-10-2024: ಶುಕ್ರವಾರ – ಮಹಾನವಮಿ, ಆಯುಧಪೂಜೆ
ದಿ. 17-10-2024: ಗುರುವಾರ – ಮಹರ್ಷಿ ವಾಲ್ಮೀಕಿ ಜಯಂತಿ
ದಿ. 31-10-2024: ಗುರುವಾರ – ನರಕ ಚತುರ್ದಶಿ
ದಿ. 01-11-2024: ಶುಕ್ರವಾರ – ಕನ್ನಡ ರಾಜ್ಯೋತ್ಸವ
ದಿ. 02-11-2024: ಶನಿವಾರ – ಬಲಿಪಾಡ್ಯಮಿ, ದೀಪಾವಳಿ
ದಿ. 18-11-2024: ಸೋಮವಾರ – ಕನಕದಾಸ ಜಯಂತಿ
ದಿ. 25-12-2024: ಬುಧವಾರ – ಕ್ರಿಸ್‌ಮಸ್
ಸೂಚನೆ:
- ಈ ರಜಾ ಪಟ್ಟಿಯಲ್ಲಿ ಭಾನುವಾರಗಳಂದು ಬರುವ ಡಾ. ಬಿ. ಆರ್. ಅಂಬೇಡ್ಕರ್ ಜಯಂತಿ (14.04.2024) ಮತ್ತು ಮಹಾವೀರ ಜಯಂತಿ (21.04.2024) ಹಾಗೂ ಎರಡನೇ ಶನಿವಾರದಂದು ಬರುವ ವಿಜಯದಶಮಿ (12.10.2024) ಈ ರಜೆ ಪಟ್ಟಿಯಲ್ಲಿ ನಮೂದಿಸಿರುವುದಿಲ್ಲ ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.
- ಸಾರ್ವತ್ರಿಕ ರಜಾ ದಿನಗಳಲ್ಲಿ ರಾಜ್ಯಾದ್ಯಂತ ಸರ್ಕಾರಿ ಕಚೇರಿಗಳು ಮುಚ್ಚಲ್ಪಡುತ್ತವೆ. ಕಚೇರಿಯ ಜರೂರು ಕೆಲಸವನ್ನು ವಿಲೇವಾರಿ ಮಾಡುವ ಬಗ್ಗೆ, ಇಲಾಖಾ ಮುಖ್ಯಸ್ಥರುಗಳು ಸೂಕ್ತ ವ್ಯವಸ್ಥೆ ಮಾಡತಕ್ಕದ್ದು.
- ಈ ಪಟ್ಟಿಯಲ್ಲಿ ಸೇರಿಸಲಾಗಿರುವ ಮುಸಲ್ಮಾನ ಬಾಂಧವರ ಹಬ್ಬಗಳು ನಿಗದಿತ ದಿನಾಂಕದಂದು ಬೀಳದಿದ್ದರೆ ಸರ್ಕಾರಿ ಸೇವೆಯಲ್ಲಿರುವ ಮುಸಲ್ಮಾನ ಬಾಂಧವರಿಗೆ ನಿಗದಿತ ರಜೆಗೆ ಬದಲಾಗಿ ಹಬ್ಬದ ದಿವಸ ರಜಾ ಮಂಜೂರು ಮಾಡಬಹುದು.
- 03.09.2024 (ಮಂಗಳವಾರ) ಕೈಲ್ ಮೂಹೂರ್ತ, 17.10.2024 (ಗುರುವಾರ) ತುಲಾ ಸಂಕ್ರಮಣ ಹಾಗೂ 14.12.2024 (ಶನಿವಾರ) ಹುತ್ತರಿ ಹಬ್ಬವನ್ನು ಆಚರಿಸಲು ಕೊಡಗು ಜಿಲ್ಲೆಗೆ ಮಾತ್ರ ಅನ್ವಯವಾಗುವಂತೆ ಸ್ಥಳೀಯ ಸಾರ್ವತ್ರಿಕ ರಜೆಯನ್ನು ಘೋಷಿಸಿದೆ.
ಇದನ್ನೂ ಓದಿ | BESCOM recruitment 2022 | ಬೆಸ್ಕಾಂನಲ್ಲಿ 400 ಮಂದಿಗೆ ಅಪ್ರೆಂಟಿಸ್‌ಷಿಪ್‌ ಮಾಡುವ ಅವಕಾಶ
2024ನೇ ಸಾಲಿನ ರಾಜ್ಯ ಸರ್ಕಾರಿ ನೌಕರರ ಪರಿಮಿತ ರಜೆಗಳ ಪಟ್ಟಿ
ದಿ. 01-01-2024: ಸೋಮವಾರ- ನೂತನ ವರ್ಷಾರಂಭ
ದಿ. 25-03-2024: ಸೋಮವಾರ ಹೋಳಿಹಬ್ಬ
ದಿ. 30-03-2024: ಶನಿವಾರ – ಹೋಲಿ ಸಾಟರ್‌ಡೇ
ದಿ. 05-04-2024: ಶುಕ್ರವಾರ – ಜುಮತ್ ಉಲ್ ವಿದಾ
ದಿ. 06-04-2024: ಶನಿವಾರ-ಷಬ್ ಎ ಖಾದರ್
ದಿ. 17-04-2024 : ಬುಧವಾರ – ಶ್ರೀರಾಮನವಮಿ
ದಿ. 25-05-2024: ಗುರುವಾರ- ಬುದ್ಧ ಪೂರ್ಣಿಮ
ದಿ. 16-08-2024: ಶುಕ್ರವಾರ- ಶ್ರೀ ವರಮಹಾಲಕ್ಷ್ಮಿ ವ್ರತ
ದಿ. 19-08-2024 : ಸೋಮವಾರ – ಋಗ್ ಉಪಾಕರ್ಮ, ಯಜುರ್ ಉಪಾಕರ್ಮ
ದಿ. 20-08-2024: ಮಂಗಳವಾರ – ಬ್ರಹ್ಮಶ್ರೀ ನಾರಾಯಣಗುರು ಜಯಂತಿ
ದಿ. 26-08-2024 : ಸೋಮವಾರ-ಶ್ರೀಕೃಷ್ಣ ಜನ್ಮಾಷ್ಟಮಿ
ದಿ. 06-09-2024 : ಶುಕ್ರವಾರ- ಸ್ವರ್ಣಗೌರಿ ವ್ರತ
ದಿ. 17-09-2024 : ಮಂಗಳವಾರ-ವಿಶ್ವಕರ್ಮ ಜಯಂತಿ
ದಿ. 15-11-2024 : ಶುಕ್ರವಾರ- ಗುರುನಾನಕ್ ಜಯಂತಿ
ಸೂಚನೆ:
- ಮಧ್ವ ನವಮಿ (18-02-2024), ಷಬ್ ಎ ಬರಾಕ್‌ (25-2-2024), ಶ್ರೀ ಶಂಕರಾಚಾರ್ಯ ಜಯಂತಿ, ಶ್ರೀ ರಾಮಾನುಜಾ ಚಾರ್ಯ ಜಯಂತಿ (12-5-2024), ಕನ್ಯಾ ಮರಿಯಮ್ಮ ಜಯಂತಿ (8-9-2024) ಮತ್ತು ಮತ್ತು ತಿರು ಓಣಂ (15.09.2024) ಭಾನುವಾರದಂದು, ಸೌರಮಾನ ಯುಗಾದಿ/ ದೇವರ ದಾಸಿಮಯ್ಯ ಜಯಂತಿ (13.04.2024) ಹಾಗೂ ಹುತ್ತರಿ ಹಬ್ಬ (14.12.2024) ಎರಡನೇ ಶನಿವಾರದಂದು ಬರುವುದರಿಂದ ಈ ರಜೆ ಪಟ್ಟಿಯಲ್ಲಿ ನಮೂದಿಸಿರುವುದಿಲ್ಲ.
- ಅನಂತ ಪದ್ಮನಾಭ ವ್ರತ (16.09.2024) ಸೋಮವಾರ ಈದ್-ಮಿಲಾದ್ ಹಾಗೂ ತುಲಾ ಸಂಕ್ರಮಣ (17.10.2024) ಗುರುವಾರ ಮಹರ್ಷಿ ವಾಲ್ಮೀಕಿ ಜಯಂತಿ ನಿಮಿತ್ತ ಘೋಷಿಸಿರುವ ಸಾರ್ವತ್ರಿಕ ರಜಾ ದಿನಗಳಂದು ಬರುವುದರಿಂದ ಈ ರಜೆ ಪಟ್ಟಿಯಲ್ಲಿ ನಮೂದಿಸಿರುವುದಿಲ್ಲ .
ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಾಮೆಂಟ್ ಮೂಲಕ ತಿಳಿಸಿ