ಚಿಕ್ಕಬಳ್ಳಾಪುರ: ತಂಗಿಯನ್ನು ಚುಡಾಯಿಸಿದ ಯುವಕನನ್ನು ಅಣ್ಣ, ತನ್ನ ಸ್ನೇಹಿತನೊಂದಿಗೆ ಸೇರಿ ಬರ್ಬರವಾಗಿ ಹತ್ಯೆ ಮಾಡಿದ್ದಾನೆ. ನಂದನ್ (21) ಹತ್ಯೆಯಾದ ಯುವಕ. ದರ್ಶನ್ ಕೊಲೆ ಮಾಡಿದ ಹುಡುಗ ಮತ್ತು ಆಶ್ರಯ್ ಈ ಕೊಲೆಗೆ ಸಹಾಯ ಮಾಡಿದವನು. ಘಟನೆ ನಡೆದಿದ್ದು ಚಿಕ್ಕಬಳ್ಳಾಪುರ ತಾಲೂಕಿನ ಹಾರೋಬಂಡಿ ಎಂಬಲ್ಲಿ.
ನಂದನ್ ಚಿಕ್ಕಬಳ್ಳಾಪುರದ ಕೋಟೆ ಬಡಾವಣೆ ನಿವಾಸಿಯಾಗಿದ್ದು ದರ್ಶನ್ನ ತಂಗಿಗೆ ಚುಡಾಯಿಸುತ್ತಿದ್ದ ಎನ್ನಲಾಗಿದೆ. ತನ್ನ ತಂಗಿ ತಂಟೆಗೆ ಬರಬೇಡ ಎಂದು ನಂದನ್ಗೆ ದರ್ಶನ್ ಹಲವು ಬಾರಿ ಎಚ್ಚರಿಕೆ ನೀಡಿದ್ದ. ಆದರೂ ಆತ ಮಾತು ಕೇಳಿರಲಿಲ್ಲ. ಇದರಿಂದ ರೊಚ್ಚಿಗೆದ್ದ ದರ್ಶನ್, ತನ್ನ ಸ್ನೇಹಿತ ಆಶ್ರಯ್ ಜತೆ ಸೇರಿ ನಂದನ್ಗೆ 50ಕ್ಕೂ ಹೆಚ್ಚು ಬಾರಿ ಇರಿದು ಕೊಂದಿದ್ದಾನೆ. ಇಬ್ಬರೂ ಹುಡುಗರನ್ನು ಚಿಕ್ಕಬಳ್ಳಾಪುರ ಗ್ರಾಮಾಂತರ ಠಾಣೆ ಪೊಲೀಸರು ವಶಕ್ಕೆ ಪಡೆದಿದ್ದಾರೆ.
ಇದನ್ನೂ ಓದಿ: ಗೋಲ್ಡ್‌ ರಿಕವರಿಗೆ ಬಂದಿದ್ದ ತಮಿಳುನಾಡು ಪೊಲೀಸರಿಗೆ ದಿಗ್ಬಂಧನ ಹಾಕಿದ ಚಿಕ್ಕಬಳ್ಳಾಪುರ ಜ್ಯುವೆಲರಿ ಮಾಲೀಕರು