ಬಳ್ಳಾರಿ: ಬಳ್ಳಾರಿ ತಾಲೂಕಿನ ಮಿಂಚೇರಿ ಬೈಪಾಸ್‌ ಬಳಿ ಭೀಕರ ಅಪಘಾತವೊಂದು ಸಂಭವಿಸಿ ಒಬ್ಬರು ಸ್ಥಳದಲ್ಲೇ ಮೃತಪಟ್ಟರೆ ಇತರ ಇಬ್ಬರಿಗೆ ಗಂಭೀರ ಗಾಯಗಳಾಗಿವೆ. ಈ ಘಟನೆ ಸಿಸಿಟಿವಿ ದೃಶ್ಯ ಲಭ್ಯವಾಗಿದ್ದು ಭಯ ಹುಟ್ಟಿಸುವಂತಿದೆ.
ಕಾರು ಮತ್ತು ಬೈಕ್‌ ಮಧ್ಯೆ ಈ ಅಪಘಾತ ನಡೆದಿದೆ. ಬೈಕ್‌ ಸವಾರ ಚೌಡಯ್ಯ ಎಂಬವರು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಅವರ ಜತೆಗಿದ್ದ ಇಬ್ಬರು ವಿದ್ಯಾರ್ಥಿಗಳಿಗೆ ತೀವ್ರ ಗಾಯಗಳಾಗಿವೆ.
ಹೆದ್ದಾರಿಯಲ್ಲಿ ಕಾರು ಸಾಗುತ್ತಿದ್ದು, ಬೈಕ್‌ ಒಳರಸ್ತೆಯಿಂದ ಬಂದು ಹೆದ್ದಾರಿಯನ್ನು ದಾಟಿ ಹೋಗಲು ಪ್ರಯತ್ನಿಸುತ್ತಿರುತ್ತದೆ. ಈ ವೇಳೆ ದ್ವಿಪಥಗಳ ಪೈಕಿ ಒಂದನ್ನು ದಾಟಲು ಯಶಸ್ವಿಯಾಗುವ ಬೈಕ್‌ ಎರಡನೆಯದಕ್ಕೆ ಬರುವಾಗ ವೇಗವಾಗಿ ಬಂದ ಕಾರು ಅದಕ್ಕೆ ಡಿಕ್ಕಿ ಹೊಡೆಯುತ್ತದೆ. ಬೈಕ್‌ ಸವಾರ ಎಲ್ಲೋ ದೂರಕ್ಕೆ ಎಸೆಯಲ್ಪಡುತ್ತಾರೆ. ಹೀಗೆ ನಡೆದ ದುರಂತದಲ್ಲಿ ಸವಾರ ಮಿಂಚೇರಿ ಗ್ರಾಮದ ಚೌಡಯ್ಯ (೩೮) ಸ್ಥಳದಲ್ಲೇ ಪ್ರಾಣ ಕಳೆದುಕೊಂಡಿದ್ದಾರೆ.
ಲಿಫ್ಟ್‌ ಕೇಳಿದ್ದ ಹುಡುಗರು
ನಿಜವೆಂದರೆ, ಈ ಹುಡುಗರು ಬೈಕ್‌ ನಲ್ಲಿ ಬರುವವರೇ ಅಲ್ಲ. ಶಾಲೆಗೆ ಹೋಗುತ್ತಿದ್ದ ವಿದ್ಯಾರ್ಥಿಗಳು ಆ ದಾರಿಯಾಗಿ ಬರುತ್ತಿದ್ದ ಚೌಡಯ್ಯ ಅವರಿಂದ ಲಿಫ್ಟ್‌ ಕೇಳಿದ್ದಾರೆ. ಆಗ ಚೌಡಯ್ಯ ಅವರು ಒಪ್ಪಿ ಬೈಕ್‌ನಲ್ಲಿ ಕೂರಿಸಿಕೊಂಡಿದ್ದಾರೆ. ಹೀಗೆ ಮುಂದೆ ಸಾಗುವ ವೇಳೆ ರಸ್ತೆ ದಾಟುತ್ತಿದ್ದಾಗ ಕಾರು ಬಡಿದಿದೆ. ಘಟನಾ ಸ್ಥಳಕ್ಕೆ ಬಳ್ಳಾರಿ ಗ್ರಾಮೀಣ ಠಾಣೆ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ವಿದ್ಯಾರ್ಥಿಗಳನ್ನು ವಿಮ್ಸ್‌ ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಇದನ್ನೂ ಓದಿ| 39 ಐಟಿಬಿಪಿ ಸಿಬ್ಬಂದಿ ಪ್ರಯಾಣ ಮಾಡುತ್ತಿದ್ದ ಬಸ್ ಅಪಘಾತ; 6 ಸೈನಿಕರ ದುರ್ಮರಣ