ಬೆಂಗಳೂರು: ಪುನೀತ್ ರಾಜಕುಮಾರ್ ಅಭಿಮಾನಿಗಳು ಅಶ್ವಿನಿ ಪುನೀತ್ ರಾಜಕುಮಾರ್ ಅವರಿಗೆ ವಿಶೇಷ ಉಡುಗೊರೆ ನೀಡುವ ಮೂಲಕ ಅಭಿಮಾನ (Appu Namana) ಮೆರೆಯುತ್ತಿದ್ದಾರೆ. ರೇಷ್ಮೆ ಸೀರೆಯಲ್ಲಿ ಅಪ್ಪು ಭಾವಚಿತ್ರ ಮೂಡುವಂತೆ ಮಾಡಿದ್ದು, ಇದೀಗ ಎಲ್ಲರ ಗಮನ ಸೆಳೆಯುತ್ತಿದೆ.
ಚಿಕ್ಕಬಳ್ಳಾಪುರದ ರೇಷ್ಮೇ ಸೀರೆ ಡಿಸೈನರ್ಸ್‌ಗಳಿಂದ ವಿಭಿನ್ನ ರೀತಿಯಲ್ಲಿ ಗೌರವ ಸಲ್ಲಿಸುತ್ತಿದ್ದಾರೆ. ಅಶ್ವಿನಿ ಪುನೀತ್ ರಾಜಕುಮಾರ್‌ಗೆ ಉಡುಗೊರೆ ನೀಡಲು ಕಂಠೀರವ ಸ್ಟುಡಿಯೋಗೆ ರೇಷ್ಮೆ ಸೀರೆ ತಂದಿದ್ದರು. ಆದರೆ, ಆ ಗಲಾಟೆಯಲ್ಲಿ ಅಶ್ವಿನಿಯವರ ಭೇಟಿಯಾಗದೆ ಇದ್ದಿದ್ದಕ್ಕೆ ಬೇಸರ ವ್ಯಕ್ತಪಡಿಸಿದ್ದರು.
ಬಳಿಕ ಸದಾಶಿವನಗರದ ಮನೆಗೆ ತೆರಳಿ ಅಶ್ವಿನಿ ಅವರಿಗಾಗಿ ತಂದಿದ್ದ ರೇಷ್ಮೆ ಸೀರೆಯನ್ನು ರಾಘವೇಂದ್ರ ರಾಜಕುಮಾರ್ ಅವರಿಗೆ ಹಸ್ತಾಂತರ ಮಾಡಿದರು. 9 ಬಗೆಯ ಅಪ್ಪು ಚಿತ್ರಗಳನ್ನು ರೇಷ್ಮೆ ಸೀರೆಯಲ್ಲಿ ಡಿಸೈನ್ ಮಾಡಲಾಗಿದೆ. ಅಭಿಮಾನಿಗಳು ತಂದಿದ್ದ ಸೀರೆಯನ್ನು ಪಡೆದ ರಾಘವೇಂದ್ರ ರಾಜಕುಮಾರ್ ಧನ್ಯವಾದ ತಿಳಿಸಿದರು.
ಇದನ್ನೂ ಓದಿ | Appu Namana | ಪುನೀತ್ ಹೆಸರಲ್ಲಿ ವೃದ್ಧಾಶ್ರಮ, ಕಾಲೋನಿಗೆ ಅಪ್ಪು ಹೆಸರಿಟ್ಟ ಅಭಿಮಾನಿಗಳು!