ಬೆಂಗಳೂರು: ಬೆಂಗಳೂರಿನಲ್ಲಿ ಮಳೆ ಅವಾಂತರ ಹೆಚ್ಚಾಗುತ್ತಿದ್ದು, ರಸ್ತೆಗಳ (Bengaluru Road) ನಿಜವಾದ ಬಣ್ಣ ಬಯಲಾಗುತ್ತಿದೆ. ಇದು ವಾಹನ ಸವಾರರಿಗೆ ಭಾರಿ ತಲೆಬಿಸಿಯನ್ನು ತಂದೊಡ್ಡಿದೆ. ಬಸ್ ಸಂಚಾರ ಸಹ ಕಷ್ಟವಾಗಿದ್ದು, ಗುಂಡಿಯೊಂದರಲ್ಲಿ ಬಿಎಂಟಿಸಿ ಬಸ್ ಸಿಲುಕಿ ಭಾರಿ ಪ್ರಯಾಸವನ್ನು ಪಟ್ಟ ಪ್ರಕರಣ ಭಾನುವಾರ ಬೆಳಕಿಗೆ ಬಂದಿದೆ.
ಮೆಜೆಸ್ಟಿಕ್ ನಿಲ್ದಾಣದಿಂದ ಪೀಣ್ಯ ಕಡೆ ತೆರಳುತ್ತಿದ್ದ ಬಸ್, ಮಾಗಡಿ ರಸ್ತೆ ಬಳಿ ಗುಂಡಿಯಲ್ಲಿ ಸಿಲುಕಿದೆ. ಕೊನೆಗೆ ಪ್ರಯಾಣಿಕರು ಕಲ್ಲು ತಂದು ಹಾಕಿ ಬಸ್ ಸಂಚಾರಕ್ಕೆ ನೆರವಾಗಿದ್ದಾರೆ. ಈ ಸಂದರ್ಭದಲ್ಲಿ ಸಾಕಷ್ಟು ಟ್ರಾಫಿಕ್‌ ಜಾಮ್‌ ಉಂಟಾಗಿತ್ತು. ಬಸ್ ಗುಂಡಿಯಲ್ಲಿ ಸಿಲುಕಿದ್ದ ವಿಡಿಯೊ ಈಗ ವೈರಲ್‌ ಆಗಿದ್ದು, ಈ ಕೆಳಗಿನ ಲಿಂಕ್‌ ಮೇಲೆ ಕ್ಲಿಕ್‌ ಮಾಡಿ.
